MIKHA 4:6 - Sura' Madatu

⁶ Allo iato, kadanNa PUANG, la Kurampun tu to keppa, sia la Kupulung tu to tisambo’ sia iatu mai to Kuparampoi kamandasan.

MIKHA 4:6 ပူးပေါင်းရင်းမြစ်များ

PA’PUDIAN 147:2

PUANG tu umbangun Yerusalem, sia umpasipulungi sae tu mintu’ to Israel diula’i lan mai tondokna.

PA’PUDIAN 38:17

Belanna kukua: Da naposendei tau iato mai tu kamandasangku, sia iake tilende’i tu lentekku, da napakapua penaanna lako kaleku

YESAYA 56:8

Inde sia tu kadanNa Puangta PUANG, tu umpasipulung mintu’ to Israel, tu diula’imo lan mai tondokna, nakua: La Kupasipulung lako tau iato mai tu to senga’, losong na iatu dipasipulungnamo.

YEREMIA 3:18

Attu iato to lan tondok Yehuda la male sitammu to lan tondok Israel, anna tau iato pada la sae lu daa mai padang daa ulunna salu lako padang Kukamaseammo nene’ to dolomi la napomana’.

YEREMIA 31:8

Manassa la Kusolan tu tau iato mai lan mai tondok daa ulunna salu sia Kurampun dio mai mintu’ biring langi’; dio lu tau iato mai den to buta sia to kupi’, to ma’tambuk sia to kianak; iamo misa’ kasirampunan kapua tu sangke’deran la sule dio mai.

YEHEZKIEL 36:24

La Kualakomi dio mai mintu’ bangsa sia la Kupasipulungkomi lan mai mintu’ tondok, angKu baakomi tama tondokmi.

MIKHA 2:12

Tonganna la Kurampunkomi sola nasang, e Yakub, ondongpi la Kupulung tu to Israel, torronapa. Iatu tau iato mai la Kurampun butung domba lan misa’ bontong sia sangtinti misa’ tuntunan lan lu padang kariuan. Inde to dio la mamak bang belanna kabudanna tau.

ZEFANYA 3:19

Manasa attu iato la Kupapakkanni tu mintu’ to umpakario-rioko, apa la Kurampanan tu to gento sia la Kurampun tu to tisambo’, belanna la Kupadadi misa’ kadipudian sia sanga kalelean tu tau iato mai, iamo tu to kaissanan siri’na lan mintu’ lino.

LUKAS 19:10

belanna saemo Anak rampan dilino la undaka’i sia ungkarimmanni tu pa’dena.

YOHANES 10:16

Den dukapa dio KaleKu tu domba senga’ tu tang lanna bontong domba iate; mintu’nato sipatu duka Kubaa, sia la narangi tu gamarangKu, anna sita’pa mendadi sangtuntunan, sia misamora to mangkambi’na.