MIKHA 4:4 - Sura' Madatu

⁴ Sangadinna la pantan unno’ko’ diong lu garonto’ anggoro’na sia diong lu garonto’ arana, anna moi misa’ tae’mo la umpatiramban lenni tu tau iato mai, belanna pudukNa PUANGna mintu’ ma’dandan maritik tu mangka umpokadai te.

MIKHA 4:4 ပူးပေါင်းရင်းမြစ်များ

1 DATU 4:25

Mintu’na to Yehuda sia to Israel, torro tang nairi’ angin diong to’ garonto’ anggoro’na sia garonto’ arana randuk dio mai Dan sae lako Bersyeba, angge tuona datu Salomo.

1 DATU 5:5

Manassamo kusanga la kupabendanan banua tu sanganNa PUANG, Kapenombangku, susitu kadanNa PUANG lako ambe’ku Daud Nakua: Iatu anakmu tu la Kupaunnisung dao isungan kapayungammu ussondako, iamo la umpabendananni banua iato tu sangangKu.

AYUB 11:19

ammu matindo tang napatiramban misa’ tau, sia buda tu tau umpeagi kamasokanammu.

PA’PUDIAN 72:3

Sangapaoi anna mintu’ buntu, sia tanete duka umpabu’tu kamarampasan lako tau iato diona kamaloloan.

SARAMBU PEADA’ 3:25

Da mukataku’i tu katirambanan tang mukapang-kapang, sia kasangganganna to tang mekaaluk, ke saei.

YESAYA 1:20

Apa iake battukkomi sia pabali-bali, manassa la nakandekomi bassi mataran; susimoto tu kada ombo’ dio mai randan pudukNa PUANG.

YESAYA 17:2

Mintu’ kota Aroër la lo’bang, nanii panglambaran domba, tu silengaran dio natae’ tau la umpatumba lenni.

YESAYA 22:25

Attu iato, kadanNa PUANGna mintu’ ma’dandan maritik, kumua iatu paku dio to’ inan makarra’ la lento, anna le’to sia ronno’, na iatu mai apa tisedan dio la sanggang, belanna mangka Napokada PUANG.

YESAYA 26:16

O PUANG, iatonna mandasa tu tau iato mai, nadaka’moKomi, iatomMi ada’i, umpakendek kamama’mi passambayangna.

YESAYA 32:17

Iatu buanna kamaloloan iamotu kasikaeloan sia iatu poleanna kamaloloan iamo kasode-sodean sia karapasan tontong sae lakona.

YESAYA 36:16

Da miperangii tu kadanna Hizkia, belanna nakua kadanna datu Asyur: Menombakomi sia ussorongkomi kalemi lako kaleku, ammi pantan ungkandei tu bua anggoro’mi sia bua arami sia pantan unniru’ uai lan mai bubunmi.

YESAYA 40:5

Iatu kamala’biranNa PUANG la dipaombo’ sia mintu’ tolino pada la untiroi, belanna sunmo dio pudukNa PUANG.

YESAYA 54:14

Tete dio kamaloloan ammu dipatangtibendon. Sia la muissan, kumua toyangko dio mai pa’pakario-rio belanna tae’ mumataku’, sia la toyangko dio mai ma’patirambanna belanna iatu iannato tae’ nala urreke’ko.

YESAYA 58:14

attu iato iatu penaammu la umpoparannu PUANG sia Aku la umpasumalongko ma’darang unnolai mintu’ matandena padang, angKu paketaako mana’na Yakub, nene’ to dolomu, belanna Nasa’bu’mo randan pudukNa PUANG.

YEREMIA 23:4

AngKu padenanni ba’tu pira-pira to mangkambi’ tu la ungkambi’ tau iato mai, naurungan tae’mo namataku’ ba’tu tiramban sia tae’mo nala pa’de, kadanNa PUANG.

YEREMIA 30:10

Iamoto da mumataku’, e Yakub taungKu, kadanNa PUANG, da mutiramban, e Israel, belanna tonganna la Kurampanangko lan mai tondok mambela sia mintu’ bati’mu lan mai tondok dinii male umpali’ko; la sulemo tu Yakub anna rapa’ sia torro marampa’, na moi misa’ tau tae’ umpatirambanni.

YEHEZKIEL 34:25

La untananNa’ misa’ basse kamarampasan sola tau iato mai sia la Kusarapai tu mintu’ olo’-olo’ masuru lan mai tondok iato, naurunganni ma’din torro marampa’ tu tau iato mai dio padang aak sia mamma’ lan lu pangala’.

YEHEZKIEL 34:28

Natae’mo naporampanni mintu’ bangsa, sia tae’mo nala ungkandei olo’-olo’ dao kuli’na padang, sangadinna la torro marampa’ sia moi misa’ tau tae’mo umpatiramban lenni.

YEHEZKIEL 38:11

La ma’kadako kumua: la ke’de’na’ untamai misa’ tondok, tu kampong manna, la ullaoina’ to rapa’, tu to torro manaman, iamotu mintu’ kampong tang dirinding tembo’, tang disalli’ sia tae’ babanganna;

YEHEZKIEL 39:26

Attu iato la nakalupai tu kaditattanna sia mintu’ penggauran tang maruru’ tu nanii tang maruru’ lako Kaleku, ke torromi sule tu tau iato mai lan tondokna sia marampa’mo, na moi misa’ tau tae’ umpatirambanni.

SURA’ KATOMINAAN 26:6

La Kupaden tu kamarampasan lan tondok, ammi mamma’ tang dipatiramban len; la Kumangsanni tu olo’-olo’ masuru lan mai tondok, sia iatu pa’dang tang la umpandasa tondokmi.

MIKHA 5:3

La tunannang ungkambi’ tau iato mai tete dio kamatotoranna PUANG sia kamala’biranNa sanganNa PUANG, Kapenombanna; sia la torro marampa’ tu tau iato mai, belanna la tarompo’ tu Mesias sae lako mintu’ randan langi’.

ZEFANYA 3:13

Iatu to torrona Israel tae’mo nala ma’pakario-rio ba’tu ma’kada tang tongan sia iatu lila pa’pakenan la tae’mo lan sadangna, belanna tau iato mai la ungkande riu dio padang kariuan sia la matindo sia tae’mo misa’ tau la umpatirambanni.

ZAKHARIA 3:10

Attu ia dukato, kadanNa PUANGna mintu’ ma’dandan maritik la pada mitambai tu solami diong lu garonto’ anggoro’ sia diong lu garonto’ saitun.