MIKHA 4:13 - Sura' Madatu

¹³ Bendanko sia lullu’i, e anak dara Sion, belanna iatu tandukmu la Kupopendadi bassi sia iatu kanukummu la Kupopendadi tambaga ammu nisak-nisakki tu ba’tu pira-pira bangsa sia la musabu’i, dipemalian PUANG tu saro bu’tu kadakena sia mintu’ apanna la mupa’pemalian Puangna mintu’ lino.

MIKHA 4:13 ပူးပေါင်းရင်းမြစ်များ

PA’PUDIAN 24:1

Misa’ pa’pudian dio mai Daud. Iatu lino sola mintu’ issinna PUANG tu ampunna, iamotu tana kalua’ sia mintu’ apa tongkon lan.

PA’PUDIAN 68:29

Nasuamoko kuasa Kapenombammu, ammu pokuasai; o Puang Matua pa’pekitanammi tu kuasamMi, Kamumo, tu mangka umposara’kan.

PA’PUDIAN 72:10

Sangapaoi anna mintu’ datu Tarsis sia datunna tu mai lebukan la umpennoloan pamenganna, sia mintu’ datu Syeba sia Seba la umpakendek pa’kasianna.

YESAYA 18:7

Attu iato la umpennoloan ba’tu pira-pira pamengan lako PUANGna mintu’ ma’dandan maritik tu bangsa kalando sia pandillak, misa’ bangsa dikataku’ tiku lao, misa’ bangsa masarrang sia patengko lullu’ sia iatu padangna naruak tangnga salu-napennoloan lako to’ inan nanii sanganNa PUANGna ma’dandan maritik, iamotu buntu Sion.

YESAYA 21:10

E to dilullu’ku sia to dipandasaku, iatu apa kurangi dio mai PUANGna mintu’ ma’dandan maritik, Kapenombanna to Israel, ia dukamo kupokadangkomi.

YESAYA 23:18

Na attu iato, iatu pandakaranna sia saro passulo bonginna la dipamarimbanganan PUANG, tae’ anna patorroi ba’tu naanna, sangadinna iatu saro pa’pabu’tunna la dipalulako to tongkon dio oloNa PUANG, anna kandei sadia’na sia napetamangkale balloi.

YESAYA 5:28

Iatu tinaranna tontong bang matata’ sia iatu panana tontong bang digattang sia iatu kalungkung darangna sangtinti batu laulung sia iatu karetana la susito talimpuru’.

YEREMIA 51:20

Ikomo tu pepa’tongKu sia pa’buno kapararian; na ikomora angKu nisak-nisakki tu ba’tu pira-pira bangsa sia Kusabu’i tu batu pira-pira kadatuan.

YEREMIA 51:33

Belanna inde sia tu kadanNa PUANGna mintu’ ma’dandan maritik, Kapenombanna to Israel, kumua: Iatu anak dara Babel butung to inan panglulluran, ke attunnamo dilullu’-lullu’; sattu’mora narampomo tu attu pegandungan.

DANIEL 2:44

Lan attunna mintu’ datu iato la Napabendan Puang Matua dao suruga tu misa’ kadatuan tang la sanggang len sae lakona sia iatu parentana kadatuan iato tang la lele len lako bangsa senga’: iamo la unnisak-nisakki sia la umputtai tu mintu’ kadatuan dipokada undinna, apa ia manna ia la marendeng sae lakona,

HOSEA 10:11

Iatu Efraim misa’ sapi mangura diada’imo, tu moraimo dipanglulluran: apa Kukasayangi tu sokkong melona. La Kuayokai tu Efraim, sia la dipa’tengkoan tu Yehuda sia la dipassalagan tu Yakub.

MIKHA 5:7

Sia iatu to torronapa Yakub la dio lu mintu’ to sangpetayanan sia la lan lu ba’tu pira-pira budanna bangsa susi misa’ singa dio lu olo’-olo’ lan pangala’, sia sangtini misa’ singa mangura dio lu tuntunan domba. Iake tamai inde to dio nadammak sia nase’bu’-se’bu, na moi misa’ tau tae’ urrampananni.

HABAKUK 3:12

Tete dio Kare’dekan ara’Mi Miolai te kuli’na padang, sia tete dio kasengkeamMi amMi lullu’i tu mintu’ bangsa.

ZAKHARIA 12:3

Attu iato iatu Yerusalem la Kupadadi misa’ batu tu manassa la naangka’ mintu’ to sangpetayanan; apa mintu’ tu tau unnangka’i, manassa la nabangkei tongan tu kalena. Sia mintu’ bangsa lan te lino la sirampun ullilingi.

ZAKHARIA 12:6

Allo iato iatu mintu’ pangulu pa’rapuanna Yehuda la Kupasusi misa’ puaro lan lu alla’ kayu sia la Kupasusi misa’ sulo lan lu alla’ patuku; iamoto la napurai nakande tu mintu’ to sangpetayanan dio kananna sia dio kairinna tiku lao; apa iatu Yerusalem la tontong bendan dio inanna, iamotu dio Yerusalem.

ZAKHARIA 4:14

Ma’kadami nakua: Iamote tu da’dua to diminnakki, tu bendan dio oloNa Puangna mintu’ lino.

ZAKHARIA 6:5

Mebalimi tu malaeka’ iato lako kaleku nakua: Iate apa iate tassu’ dio mai inanna sikandappi’ Puangna mintu’ lino, nalulako a’pa’ mata angin dao langi’.

1 KORINTUS 16:2

Ianna lambi’omi allo minggu pantan la misapean dio banuammi umpopatu patummi minannanni, da kumanggi’opa la sae mati’, mimane la undurukanni.

PA’TOLE 33:25

Na bassimora sia tambaga muposalliran, nakamatotorammumora la pada lambe’ sunga’mu.

YOSUA 6:19

Mintu’ bulaan sia salaka sia mintu’ pareanan tambaga sia bassi la dipamaindanan PUANG, inang la dipatama pangannan iananNa PUANG.