MIKHA 3:8 - Sura' Madatu

⁸ Apa iatu aku, naponnoina’ kamatotoran, sia PenaanNa PUANG, sia salunna sia kamawatangan, la umpokadanni Yakub tu kapatodo-tintinganna sia Israel tu kasalanna.

MIKHA 3:8 ပူးပေါင်းရင်းမြစ်များ

AYUB 32:18

Belanna nakabu’mo’ tu kada, sia iatu penaa lan ba’tengku umpatiakka’na’;

YESAYA 58:1

Pemandui metamba, da mupela’i, pekapuai tonganni tu gamarammu susi napiri tanduk ammu pokadanni taungKu tu kapatodo-tintinganna sia bati’na Yakub tu mintu’ kasalanna.

YESAYA 61:1

Narondongna’ PenaanNa Puangta PUANG belanna mangkamo’ Natakko PUANG; Nasuana’ umbaa kareba kaparannuan lako to madiongan penaanna, la umpamanaman to rantang buana sia umpetamban katassuranna to dipattang sia kadirampananna to dirante bassi.

YESAYA 61:2

Sia la umpetamban taun kamasorokanNa PUANG sia allo pa’pakkanNa Kapenombanta sia la umpakatana to rosso inaanna.

YEREMIA 1:18

Manassa allo iate Aku umpadadiko misa’ tambakuku matoto’ sia lentong bassi sia rinding tambaga untingoi tu mintu’ tondok sia mintu’ datu Yehuda sia arungna sia to minaanna sia mintu’ to lan tondok iato.

YEREMIA 20:9

Iake ma’kadana’ kukua: Tae’mo kula ungkilalai tu PUANG sia tae’mo kula ma’kada tete dio sanganNa, dadimi lan penaangku tu susi api dukku, tu ussitutu’i kaleku umpatananni, apa tang kukulle.

YEREMIA 6:11

Nakabu’na’ kare’dekanNa PUANG sia mengkata’ka’na’ untemme’ ara’ku. Barrakanni lako pia dio lu batatta sia lako kasirampunanna pia muane lolle’! Belanna pada-pada la ditingkan muane sola baine, sia to ubanan sola to matua.

BATING 2:14

Iatu nabimmu untiroangko patiro mendeata tu apa tae’ gai’na sia tae’ patunna, tae’ natuarasangko tu kakadakeammu la undampai tu dalle’mu, untiroangko patiro mendeata, tu tae’ gai’na sia ma’pakena bang.

YEHEZKIEL 16:2

E ma’rupa tau, paissanni Yerusalem tu mintu’ penggauran megallianna,

YEHEZKIEL 20:4

Morairokoka umpaolai salu tu tau iato, morairokoka ma’paolai salu, e ma’rupa tau? Paissanni tau iato mai tu mintu’ apa megallianna nene’ to dolona,

YEHEZKIEL 22:2

Na iko, e ma’rupa tau, la mupaolairaka salu tu kota umpentombang rara? Parampoi lako tau iato mai tu mintu’ apa megallianna.

YEHEZKIEL 23:36

Sia ma’kada tu PUANG lako kaleku Nakua: E ma’rupa tau, la mupaolairaka salu tu Ohola sia Oholiba? Pokadanni tu penggauran megallianna,

YEHEZKIEL 3:14

Naangka’mo’ Penaa langngan, anNa solanna’ male, angku ke’de’ dossona’ napobua’ katiangkaranna penaangku, belanna mabanda’ tu limanNa PUANG untemme’na’.

YEHEZKIEL 43:10

E ma’rupa tau, pokadanni to Israel tu diona te Banua Kabusungan – kumua anna masiri’ tu tau iato mai diona kakadakeanna –, sia nasuka’ tu pandirinna.

MATIUS 7:29

Belanna susi misa’ to paa unnada’i tu tau, senga’ bang Ia na iatu mai pandita Sura’na.

MARKUS 3:17

sia Yakobus, anakna Zebedeus sia Yohanes siulu’na Yakobus anNa gantii Boanerges tu tau iato, battuananna anak guntu’.

1 KORINTUS 2:4

Iatu kadangku sia pangadarangku, tangia diona kada kakinaan tolino umpatilao penaanna tau, sangadinna diona tanda pa’patudunNa PenaanNa sia kamatotoranNa Puang Matua,