MIKHA 3:6 - Sura' Madatu

⁶ Iamoto la nasikapu’ikomi bongi natae’ patiro mendeata, sia la den kapittukan natae’ kapakita-kitan, la nalambunni mata allo tu nabi, sia iatu allo la membali pittuk lako tau iato mai.

MIKHA 3:6 ပူးပေါင်းရင်းမြစ်များ

PA’PUDIAN 74:9

Tae’mo tandaki kitiro, tae’ bangmo misa’ nabi, sia tae’ bangkan misa’ unnissanni, kumua ba’tu la sangapapa te iannate.

YESAYA 29:10

Belanna Naparampoimokomi penaa mamma’ kalupi-lupian PUANG sia Naparappak tu matammi, – iamotu mai nabimmi – sia Nabungku’ tu ulummi, – iamotu mai to patanda-tandammi.

YESAYA 59:10

Kasapu-sapuki’ susito buta lako to’ rinding sia sumalappaki’ susito tang kemata. Tangnga allo anta titodo susi ke kasisalan taumi bongi, moi anta mane matangnga tau, apa butungmoki’ to mate.

YEREMIA 13:16

Pangke’mi tu PUANG, Kapenombammi, ke tae’pi Napadadii tu pi’tuk, ke tae’pi mititodo lako buntu ke kasisalan taui bongi, sia urrannuangkomi masiang, apa iatu iannato Napopendadi lillinan parrak, sia Napopembali kapi’tukan.

YEREMIA 15:9

Iatu baine pempitumo kianak bonnongmo nasa’ding sia ma’ipu; lambunmo tu allona tonna masiang siapa, kasirisammo sia ka’tu rannunna. Ondongpi iatu torronapa, Kusorong la nakande pa’dang dio pentirona mintu’ ualinna, kadanNa PUANG.

YEREMIA 18:18

Attu iato ma’kadami tu tau iato mai nakua: Maikomi tadakaran tangnga’ Yeremia, belanna tae’ lenpa napa’de tu pangadaran dio lu mintu’ to minaa ba’tu pa’timbangan dio lu mintu’ to matarru’ ba’tu kada dio lu mintu’ nabi. Maikomi taotton kadai; sia da taperangii moi misa’ tu kadanna.

YEHEZKIEL 13:9

La nata’pai limangKu tu mintu’ nabi untiro patiro mendeata pa’pakena sia umpokada pa’biangan balle; tau iato mai tae’ nala unnalai bilanganna taungKu, tae’ nala disura’ lan sura’na to Israel, sia tae’ nala tama tondok Israel, ammi issanni, kumua Akumo tu Puangta PUANG.

YEHEZKIEL 7:26

Sitodon tampomo tu kamasolangan la sae sia sidanu’-danu’mo sae tu kareba. Attu iato undaka’-daka’ patiro mendeatanna nabi, sia pa’patudu putta dio to minaa sia pa’timbangan dio pekaamberan.

AMOS 8:11

La rampo tu allo, kadanNa Puangta PUANG, ke la umpasaeNa’ karorean lan tondok – tangia karorean roti sia tangia kama’rangan la unniru’ uai, sangadinna kalaurrangiannari mintu’ kadanNa PUANG.

MIKHA 2:6

Da mima’nubua’, nakua tau iato mai ma’nubua’ ungkuanni: tae’ nama’din tau ma’nubua’ diona apa iato. Tae’ bang upu’na tu kada ma’ta’tan.