MIKHA 3:5 - Sura' Madatu

⁵ Inde sia tu kadanNa PUANG diona mintu’ nabi, tu umpapusa taungKu, sia iatu ma’kada nakua: maupa’, ke denni apa nakeke’, apa iatu to tae’ bang apa nasuak, nasa’buran rari, nakua:

MIKHA 3:5 ပူးပေါင်းရင်းမြစ်များ

SARAMBU PEADA’ 28:21

Iatu umpelindo tau, tae’ namelo; moi anna kande sangsuakan, napobannang duka tau sala.

YESAYA 3:12

Iatu taungKu naparenta pia’-pia’ sia napatunduk baine. E mintu’ taungKu napapusakomi panglalanmi sia nabutai tu lalan sipatu la miola.

YEREMIA 23:27

la ma’tangnga’, kumua anna tang ungkilalai taungKu tu sangangKu tete dio pangimpinna tu pantan nauleleanan solana, susi tu nene’ to dolona tau iato mai tang ungkilalai sangangKu belanna Baal.

YEREMIA 23:32

Manassa Aku la ullaoi tu mai pa’nubua’ tu umpokada pangimpi tang tongan, kadanNa PUANG, tu naulelean tau iato mai la umpapusa taungKu tete dio kada tang tonganna sia passedena; tae’ra Kusuai sia tae’ Kupasanni tu tau iato mai; iatu tau iato mai moi misa’ tae’ gai’na lako bangsa iate, kadanNa PUANG.

YEREMIA 6:14

Iatu bangkena taungKu samaraa-raanna nadampi, nakua: Marampa’-marampa’! Apa tae’ tu kamarampasan dio!

YEREMIA 6:4

Menombaki’ tamane tama tananan ra’ la ullaoi tau iato mai: maikomi take’de’ tangnga allo! A’a umba nakua, makaroenmo, lando-landonamo tu bayo-bayo makaroen.

BATING 2:14

Iatu nabimmu untiroangko patiro mendeata tu apa tae’ gai’na sia tae’ patunna, tae’ natuarasangko tu kakadakeammu la undampai tu dalle’mu, untiroangko patiro mendeata, tu tae’ gai’na sia ma’pakena bang.

YEHEZKIEL 13:9

La nata’pai limangKu tu mintu’ nabi untiro patiro mendeata pa’pakena sia umpokada pa’biangan balle; tau iato mai tae’ nala unnalai bilanganna taungKu, tae’ nala disura’ lan sura’na to Israel, sia tae’ nala tama tondok Israel, ammi issanni, kumua Akumo tu Puangta PUANG.

HOSEA 4:5

La songkako, ke allona, sia la pada songkako tu nabi, ke bonginnai, sia la Kusanggang tu indo’mu.

YOËL 3:9

Petambanni te dio lu mintu’ bangsa. Pamaindanni tu rari, pake’de’i tu mintu’ to lalong; iatu mintu’ surodadu la ke’de’ male.

MIKHA 2:11

Iake denni misa’ tau ma’kedo tang kebattuan sia ma’kada tang tongan, nakua: La kupa’nubuarangko tu diona uai anggoro’ sia pangiru’ palango –, iamoto tu nabinna bangsa iate.

MIKHA 3:11

Iatu mintu’ pangulu ma’paolai salu ungkande pappe’, sia mintu’ to minaa mangada’ umpalaku saro sia mintu’ nabi pakita-kita umpalaku doi’. Moi na susito iatu tau iato mai sande’ duka lako PUANG sia ma’kada nakua: Tae’raka PUANG dio lu kaleta? Tae’ nala urrampoiki’ kamandasan!

MALEAKHI 2:8

Apa iatu kamu sepangmokomi dio mai lalan pa’pangada’mi diona Sukaran aluk napobannang buda tau titodo; mipakadake tu basse sola Lewi, kadanNa PUANGna mintu’ ma’dandan maritik.

MATIUS 15:14

Elo’na ia namale. Perenden butanna ia to buta tu tau iatu mati’. Iake to buta urrenden to buta, inang la tobang sola duai rokko garuang.

MATIUS 7:15

Kanandaikomi kalemi dio mai nabi tang tongan, tu sae lako kalemi ma’rupa domba, apa lan penaanna susi guruk masuru.

ROMA 16:18

Belanna iatu to susito, tangia to mekapuang lako Puangta Kristus, sangadinna umpopuang tambukna; sia mamming bang kadanna sia male’so’ untua’ ba’tangi to mai to ma’inaa sangkaloloan.