MIKHA 3:2 - Sura' Madatu

² Mikagi’gi tu melona, ammi kabarii tu kadakena, mikalekei tu kuli’na sia issinna dio mai bukunna tau iato mai.

MIKHA 3:2 ပူးပေါင်းရင်းမြစ်များ

1 DATU 21:20

Nakuami Ahab lako Elia: Mukabu’tuimora’ka, e ualingku? Nakuami tu Elia: Tonganna kukabu’tuimokomi, belanna umbalukmokomi kalemi umpogau’ apa kadake dio pentiroNa PUANG.

2 OSSORANNA DATU 19:2

Malemi tu Yehu, anakna Hanani, umpessitammui, anna ma’kada lako datu Yosafat nakua: Sipaturokomika untundui tu to tang mekaaluk sia sisangmane to ungkabiri’ PUANG? Iamoto narampoikomi kare’dekan ara’na PUANG.

PA’PUDIAN 15:4

Tu magi’gi untiro to Nasayu Puang Matua, apa nakasiri’ tu to ungkataku’ PUANG. Tu umpandannimo sumpa lampa kadanna, moi anna porugii kalena, tae’ duka napatilelukki.

PA’PUDIAN 53:4

Pusa nasangmo tu tau iato mai sia dadi asu nasangmo; tae’mo tau misa’ umpogau’ melo, moi misa’ tae’ dukamo.

SARAMBU PEADA’ 28:4

Iatu to umboko’i sukaran aluk, umpudi to tang mekaaluk, apa minda-minda ungkaritutui sukaran aluk napomatana’ tu tau iato.

YESAYA 3:15

Apara bannangna ammi lullu’ parapari tu taungKu sia ammi bala’-bala’ to mandasa? KadanNa Puang, PUANGna mintu’ ma’dandan maritik.

YESAYA 5:20

Upu’ allona tu to unggente’i melo tu kadake sia kadake nagente’ melo; malillin nasanga masiang na masiang nasanga malillin; sia mapai’ nasanga matanik na matanik nasanga mapai’.

YESAYA 57:12

La Kupa’peissanan tu kamaloloammu sia mintu’ penggaurammu, kumua iatu iannato tang kebattuan lako kalemu.

YEHEZKIEL 11:7

Iamoto inde sia tu kadanNa Puangta PUANG, Nakua: Iatu mintu’ to mangka mipatei lan lu kota, iamo duku’ to, na iatu kota iamo kurin, apa iatu kamu la Kualaikomi lan mai tangngana.

YEHEZKIEL 22:27

Mintu’ pangulunna tau iato mai susi bang guruk undaka’ bang pialanna, tu umpatibollo rara sia ussanggang tau, kumua anna mesaro kadake.

YEHEZKIEL 24:4

Patamai duku’ diira’-ira’, iamotu mintu’ pangira’ melo, tu sepakna sia buku lesona; ponnoi buku maelona,

YEHEZKIEL 34:3

Iatu lompona mikande, sia mipotamangkale tu bulunna, apa tae’ ammi kambi’i tu mai domba iato.

AMOS 4:1

Tananni talinga te kada iate, e sapi Basan, tu untorroi buntu Samaria tu umpandasa to bongko sia umpakario-rio to mase-mase, tu ma’kada lako puangmi mikua: Benkanni angki mangiru’-iru’.

AMOS 5:15

Kabiri’i tu kadakena, kabarii tu melona, patunannangi tu salunna lan lu babangan, den sia manii upa’ anNa katuru-turui PUANG, Kapenombanna mintu’ ma’dandan maritik, tu to tinampena Yusuf.

MIKHA 2:8

Apa masai allomo tu taungKu pabali-bali susi uali lako Kaleku; nalalakki tu bayu lamba’ lan mai bayunna to lendu’ malolo, iamotu to manoka massite’ge’.

MIKHA 7:2

Iatu to mekaaluk tae’mo lan tondok sia to ma’bulo sanglampa tae’mo dio lu torro tolino. Pada ma’penunumo tu tau iato mai la umpatibollo rara; pantan undaka’ lalan la umpoya siulu’na.

MIKHA 7:3

Matira’ tu limanna tau iato mai umpogau’ kadake; iatu arung ma’tuntun bang sia iatu to ma’paolai salu untarima pappe’, sia iatu mai to kapua tae’ bang namasiri’ umpokada pa’poraian kalena; susimoto tu tau iato mai unnalai tu apa nakaduangi.

ZEFANYA 3:3

Mintu’ arungna dio lu tangngana susi bang singa umburrung-burrung, mintu’ to ma’paolainna salu susi bang, guruk ke bongi, tu tang massesa sae lako melambi’na.

LUKAS 19:14

Apa nakabiri’ sangtondokna tinde tau, namesua undi urrundu’i, nakua: Nokakan kami la nadatui te tau iate.

YOHANES 18:40

Rambanomi tu tau nakua: Da’ na Ia tu, iamo ia tu Barabas. Iatu Barabas to ma’pamarukka sia papatean.

YOHANES 7:7

Tae’ nabelai tu issinna te lino la ungkabiri’komi, apa nakabiri’Na’ Aku, belanna Kukatottongi tu a’ganna, kumua kadake tu penggauranna.

ROMA 1:32

Moi natandai tu atoran Nalampak Puang Matua, kumua iatu to umpogau’i susito sipatu la mate, apa tae’ napogau’ mannai susito, sangadinna nasarrang pole’pa tu to umpogau’i.

ROMA 12:9

Iatu kasialamasean pasiolananni kamalamburan. Kagi’gi’i tu kadakena la’ka’ lakokomi melona.

2 TIMOTIUS 3:3

tang unnampui pa’kaboro’, tae’ namorai massikaelo, umpangrosoan tau, tang untaloi kalena, arasan, ungkagi’gi melona,