MIKHA 2:4 - Sura' Madatu

⁴ Allo iato la nasa’burangkomi tau misa’ parumbasan sia tumangi’ anna umbating, nakua tu tau: Sabu’mokan, masappimokan sanggang. Iatu taa mana’na bangsaku Nasorongmo Puang lako to senga’. Masang tongan tu apa naala Puang dio mai kaleku! Sia Nataa-taa Puang tu pa’lakki lako to umboko’i Puang.

MIKHA 2:4 ပူးပေါင်းရင်းမြစ်များ

2 SAMUEL 1:17

Nabatingimi Daud tu Saul sia Yonatan, anakna, ussa’bu’ bating iate,

2 OSSORANNA DATU 35:25

Natonorammi Yeremia misa’ bating tu Yosia sia mintu’ to menani muane sia baine unggente’ sanganna Yosia lan mintu’ kadong batingna landa’ lako allo iate, belanna tipondok ada’mo lan Israel. Manassa mintu’nato tisura’mo lan Sura’ Sarro.

AYUB 27:1

Napatarru’mi Ayub umpokadai tu kada peada’na nakua:

YESAYA 14:4

attu iato mupopenani te parumbasan diona datu Babel, kumua: Tumba ia melona, belanna toremo tu to mesua-sua, iatu kadipakario-rioan toremo.

YESAYA 24:3

Iate lino la dipadaun lauan sia la disarrinni, belanna mangkamo Napokada PUANG te kada iate.

YESAYA 6:11

Kukuami: O Puang, la sangapai? Nakuami: Sasanggangna tu mai tondok iato sae lako puranna tu pa’tondokan sia banua sae lako tae’na tau lan sia samempadang talona tu tana iato.

YEREMIA 14:18

Iake tassu’na’ lako padang, dio tu mintu’ to mangka nakande pa’dang. Sia iake tamana’ kota, lan tu to la mate mannamo napobua’ karorian! Ondongpi la nabi la to minaa lu lako lu dio mai lan lu tondok sia tae’mo apa natandai.

YEREMIA 4:13

Tiromi, kendekmo susi gaun tikembong; sia iatu mintu’ karetana butung angin bara’, na iatu mintu’ darangna mandu matira’ anna langkan maega: upu’ allota belanna sanggangmoki’.

YEREMIA 6:12

Mintu’ banuanna tau iato mai la dipalele lako to senga’ sola mintu’ pa’lakna sia mintu’ bainena, belanna unnangka’Na’ limangKu lako mintu’ pa’tondokan, kadanNa PUANG.

YEREMIA 8:10

Iamoto Kueloranni tu bainena tau iato mai naala to senga’ sia iatu pa’lakna diben to untaloi. Belanna randuk dio mai to bitti’ sae lako to kapua undaka’ bang saro bu’tu kadake, mintu’na to ma’pakena nasang la nabi la to minaa.

YEREMIA 9:10

Diona tu mintu’ buntu angKu tumangi’ sia untannun bating sia diona tu lili’na padang alla’ angKu sumarro, belanna talomo sia tae’mo misa’ tau unnolai sia tae’mo oni ma’dandan patuoan dirangi dio; la mintu’ manuk-manuk dao lu langi’ la mintu’ olo’-olo’, mallai nasangmo, pa’de pallan.

YEREMIA 9:16

Sia la Kupasisarak-sarak tu tau iato mai dio lu mintu’ bangsa, tu tae’ natandai sia tae’ natandai nene’ to dolona sia la Kupaula’i pa’dang, sapuranna Kusabu’i.

YEHEZKIEL 16:44

Manassa mintu’ tu to umpalao parumbasan, la ma’parumbasan diona kalemu kumua: Umba nakua tu indo’, susi dukato tu anakna baine.

YEHEZKIEL 2:10

Naballarammo’ tu sura’ iato; tisura’mo patomali dio tingona sia dio boko’na; na iatu disura’ dio, iamotu ba’tu pira-pira bating, sarro sia pekaindo’.

YOËL 1:13

Ma’tambeke’komi sia unnurrukkomi, e kamu mintu’ to minaa; sumarrokomi e mintu’ to untoe pentoean dio inan pemalaran; maikomi ammi ma’bongi ma’pote dibolong, e kamu to untoe pentoeanna Kapenombangku, belanna iatu kande dipemalaran sia pemala’ pantedok dipatoyang dio mai banuanNa Kapenombammi.

YOËL 1:8

Sumarroko butung misa’ anak dara ma’karoro’ belanna sikampanna tonna mangura.

AMOS 5:1

Tananni talinga te kada la Kusaurangkomi, iamo misa’ bating, e bati’ to Israel:

AMOS 5:17

Ondongpi la umbating tu tau lan lu mintu’ pa’lak anggoro’, ke lendu’Na’ lan lu tangngami – kadanNa PUANG.

MIKHA 1:15

La Kuparampoi pole’komi misa’ to patalo, e to Maresya; iatu kamala’biranna Israel la rampo lako Adulam.

MIKHA 1:8

Diona apa iato angku umbating sia sumarro, angku lumingka tang ma’sepatu sia ma’kambelang, sia melallak susi serigala sia kumarrak susi burung unta?

MIKHA 2:10

Ke’de’komi mimale, belanna iate inan iate tangia inan kapelayoan; belanna maruttak te tondok iate, iamoto naumpaden katune, ondongpi misa’ katune ma’kasanggang tarru’.

HABAKUK 2:6

Tang la nasa’buranraka parumbasan mintu’ bangsa tu diona kalena, petelle sia ponto bannang, nakua: Upu’ allona tu to umpopemba’ka’ tangia apanna la sangapara? sia iatu to umpassan apa dipa’pentoean.

ZEFANYA 1:2

La Kuputtai nasang tu mintu’ apa dao mai kuli’na padang, kadanNa PUANG.

KADIBILANGAN 23:18

Naparandukmi tu Bileam umpokadai tu kada peada’na anna ma’kada nakua: Ke’de’komi, o Balak, sia perangii; tanannina’ talinga, e anakna Zipor.

KADIBILANGAN 23:7

Naparandukmi tu Bileam umpokadai tu kada peada’na, anna ma’kada nakua: Dio mai Aram, nanii ussolanna’ Balak, datunna Moab, dio mai ma’buntunna rampe matallo, nakua: Malekomi mai, mitampakanna’ ropu tu Yakub, sia malekomi mai ullangdo Israel.

KADIBILANGAN 24:15

Naparandukmi Bileam umpokada kada peada’na, anna ma’kada, nakua: Kada peada’na Bileam, anakna Beor, sia kada peada’na muane, tu millikmo matanna;

KADIBILANGAN 24:3

Naparandukmi umpokadai tu kada peada’na sia ma’kada nakua: Kada peada’na Bileam, anakna Beor, sia kada peada’na muane, tu millikmo matanna;

MARKUS 12:12

Undaka’mi lalan tinde tau la untingkan Yesu, apa mataku’ lako tau buda, belanna natandai kumua iatu pa’pasusian iato, gau’na Naparuai. Napopa’elo’nami namale.

PA’TOLE 28:29

muurungan kasalappa-lappa, ke tangngai allo susito buta lan kamalillinan; tae’ mula maupa’ dio lu lalanmu, apa tontong bangko dipakario-rio sia dipangrampai, namoi misa’ tau tae’ urrampanangko.