MIKHA 2:2 - Sura' Madatu

² Iake ungkamorai pa’lak tu tau iato mai, narampa, sia banua, naala. Susimoto tu tau iato mai umpakario-rio tau sia narampa tu banuanna sia umpakario-rio to ma’mana’ sia narampa tu mana’na.

MIKHA 2:2 ပူးပေါင်းရင်းမြစ်များ

1 DATU 21:1

Iatonna mangkamo tu mintu’nato dadimi susite. Iatu Nabot, to Yizreel unnampui misa’ pa’lak anggoro’ dio Yizreel sikadappi’ tongkonan layukna Ahab, datu Samaria.

2 DATU 9:26

Sangmai’ bongi Kutiroi tu rarana Nabot sola tu mai anakna, kadanNa PUANG. La Kupa’tuntunniko bala’na dao te pa’lak, kadanNa PUANG. Totemo angka’mi, ammu pentibeanni tama pa’lak iate, susitu kadanNa PUANG.

AYUB 31:38

Ianna sarroina’ pa’pa’lakangku sia sitangiran tu mai kalo’na;

KATASSURAN 20:17

Da’ mukailui banuanna padammu ma’rupa tau, da’ mukailui bainena padammu ma’rupa tau, ba’tu solana muane, ba’tu solana baine, ba’tu sapinna, ba’tu keledainna, ba’tu barang apanna padammu ma’rupa tau.

YESAYA 3:14

Sae tu PUANG la umpaolai salu tu pekaamberanna taunNa sia mintu’ tedong pariu’na tau iato mai. Kamumo tu mangka ussanggang-sanggangi tu pa’lak anggoro’ iato, na iatu apa dirampa dio mai to mandasa, lan sia lu banuammi.

YESAYA 5:8

Upu’ allona tu to umpasirapi’-rapi’ banua sia to umpasikande-kande pa’lak, naurunganni tae’mo pa’pa’lakan sia kamu mannamo tau lan tondok.

YEREMIA 22:17

Apa tae’ mikemata sia kepenaa dio kalemi, sangadinna ungkamoraikomi saro bu’tu kadake sia umpatibollo rarana to tang kasalan sia umpandasa sia umpakario-rio tau.

YEHEZKIEL 18:12

umpakario-rio to mandasa sia to mase-mase, mangrampa, tae’ napasule apa dipa’pentoean, na mentiro lako rapang-rapang dipodeata sia umpogau’ apa megallian,

YEHEZKIEL 22:12

Lan tangngamu den tu to ungkande pappe’ sia unneloranni tu tau umpatibollo rara; mupalaku tu denne’ sia musanta’ tu denne’ sia muperarai sia mupakario-rio tu padammu rupa tau, apa iatu Aku tae’mo mukilalaiNa’, kadanNa Puangta PUANG.

YEHEZKIEL 22:13

Manassa ussala’paNa’ limangKu diona tu saro bu’tu kadake muala sia diona tu rara mangka dipatibollo lan tangngamu.

YEHEZKIEL 33:26

Sakka’ bangkomi la ma’pa’dangi, sia umpogau’komi apa megallian, sia pantan urruttakkikomi bainena solami – umba la mikua umpomana’i tu tondok ia to?

YEHEZKIEL 45:9

Inde sia tu kadanNa Puangta PUANG, Nakua: Tarru’ budamo to, e mintu’ arung to Israel. Tibemi tu kamasa’garan sia pa’pakario-rio, ammi pogau’i tu salunna sia kamaloloan; lendokanni tu taungKu dio mai pa’pandasammi, kadanNa Puangta PUANG.

YEHEZKIEL 46:18

Apa iatu arung tae’ nama’din unnalai tu taa mana’na to buda belanna napakario-rio, sangadinna mana’na siamo tu la naba’gianni tu mai anakna muane, kumua da naden misa’ taungKu diula’i dio mai mana’na.

YEHEZKIEL 8:17

Ma’kadami lako kaleku Nakua: Mutiromoraka to, e ma’rupa tau? Tae’paraka nasilasa tu penggauran megallian napogau’ to Yehuda, tu napogau’ indete, naurungan dukai tu tau iato mai umponnoi kamasa’garan tu tondok iato sia nenne’ umpa’dikki penaangKu? Tiromi, iatu tau iato mai untoe tangke anggoro’ sikandappi’ illongna.

AMOS 2:7

Nakaduangi ke nasamboi barra’-barra’ tu ulunna to bongko sia ulleko’ lalanna to tang pa’bela; sia misa’ tu pia muane sola ambe’na male ma’gau’ sala lako misa’ baine mangura, la umpamatuna sanga madatungKu.

AMOS 4:1

Tananni talinga te kada iate, e sapi Basan, tu untorroi buntu Samaria tu umpandasa to bongko sia umpakario-rio to mase-mase, tu ma’kada lako puangmi mikua: Benkanni angki mangiru’-iru’.

AMOS 8:4

Tananni talinga te, e kamu to masa’ga’ lako to mase-mase, la umbala’-bala’ to bongko lan tondok,

MIKHA 3:9

Iamoto perangiimi te, e mintu’ pangulunna bati’na Yakub sia mintu’ to ma’lopianna bati’na Israel, tu ungkasorro salunna sia umpakelok tonganna,

MIKHA 6:12

Iatu mai to sugi’na untambuk kamasa’garan sia iatu pa’tondokanna ma’kada tang tongan sia iatu lilana lan sadangna nanii pa’pakena.

MALEAKHI 3:5

La Kureke’komi ma’paolai salu, sia madoi’Na’ umpasalai tu to balik mata, tu to pasandak salu lako rampanan kapa’, tu to umpalao sumpa tang tongan, tu to umpatadang sarona to sumaro, tu to umpakario-rio baine balu sia pia biung, tu to untumpu to sae, apa tae’ nakataku’Na’, kadanNa PUANGna mintu’ ma’dandan maritik.

MATIUS 23:13

Upu’ allomi, e pandita Sura’ sia to Farisi, to belo puduk! belanna mitutu’ tu ba’ba Parenta Suruga miampangi tu tau. Kamu tang tama, na iatu to la morai tama migagai.

1 TIMOTIUS 6:10

Belanna iatu kabasisi-inaan lako doi’, iamo garonto’na mintu’ kakadakean; na iatu to undaka’nai tu iannato, pusamo diona kapatonganan sia umpatamai bungin lassu kalena.