MIKHA 2:12 - Sura' Madatu

¹² Tonganna la Kurampunkomi sola nasang, e Yakub, ondongpi la Kupulung tu to Israel, torronapa. Iatu tau iato mai la Kurampun butung domba lan misa’ bontong sia sangtinti misa’ tuntunan lan lu padang kariuan. Inde to dio la mamak bang belanna kabudanna tau.

MIKHA 2:12 ပူးပေါင်းရင်းမြစ်များ

KADADIAN 36:33

Kabu’mi tu Bela anna dadi datu tu Yobab, anakna Zerah dio mai Bozra, sondana.

1 OSSORANNA DATU 1:44

Iatonna matemo tu Bela, nasondami Yobab, anakna Zerah, dio mai Bozra, dadi datu.

YESAYA 11:11

Allo ia dukato la dadi kumua Puang la unnete’ pole limanNa la ulla’bakki sule tu taunNa tu mai torronapa, tu mai torronapa dio Asyur, dio Mesir, dio Patros, dio Etiopia, dio Elam, dio Sinear, dio Hamat na dio lu tondok ma’randan tasik.

YESAYA 27:12

Attu iato la manglullu’ tu PUANG randuk dio mai Salu kapua landa’ lako salu Mesir; apa iatu kamu e to Israel, la Naruruk simisa’komi.

YESAYA 34:6

Naponnoi rara tu la’bo’Na PUANG, nalumu’i lompo sia rara anak domba sia bembe’ laki sia lompo bale’ke’ domba laki. Belanna dio Bozra Napogau’mo PUANG tu misa’ pemala’ sia misa’ pangreresan kapua dio Edom.

YESAYA 5:17

Na iatu mai anak domba la ungkande riu dio lu sangtinti dio lu pa’pasanganna, sia to salian lembang la sae undaka’ barang apa dio to’ daun lauanna to malompo.

YEREMIA 23:3

Apa iatu mintu’ domba torroKu la Kurampun lan mai mintu’ tondok, tu Kunii mangka urrambai sia la Kupasule lako padang dinii ungkambi’i, anna memba’ka’ sia sabuda-budanna.

YEREMIA 3:18

Attu iato to lan tondok Yehuda la male sitammu to lan tondok Israel, anna tau iato pada la sae lu daa mai padang daa ulunna salu lako padang Kukamaseammo nene’ to dolomi la napomana’.

YEHEZKIEL 34:11

Belanna inde sia tu kadanNa Puangta PUANG, Nakua: Manassa Aku kalena la umpoinaai tu mai dombaKu sia la untiroi;

YEHEZKIEL 34:13

AngKu solanni tassu’ tu tau iato mai dio mai mintu’ bangsa sia la Kupasipulung dio mai mintu’ tondok, angKu baai lako padangna; sia la Kukambi’ dao lu mintu’ buntunna Israel, dio lu randan salu’-salu’ sia lako mintu’ inan tu nanii tau torro, lan tu tondok.

YEHEZKIEL 34:22

iamoto la Kurampanan tu mai dombaKu, damo nadipakande; la Kupaolai salunna tu domba misa’ sola tu misa’nao.

YEHEZKIEL 34:31

Kamumo tu dombaKu, iamotu domba Kukambi’; kamumo tu tolino, na Aku tu Kapenombammi, kadanNa Puangta PUANG.

YEHEZKIEL 36:37

Inde sia tu kadanNa Puangta PUANG, Nakua: Iate iannate la Kupalalo duka tu pengkamoyana to Israel, kumua la Kupopemba’ka’ tu tau iato mai, na iatu bilanganna la pada tuntunan domba budanna.

YEHEZKIEL 37:21

ammu ma’kada lako mukua: Inde sia tu kadanNa Puangta PUANG, Nakua: Manassa la Kuala tu to Israel dio mai mintu’ bangsa tu nanii male: sia la Kupasipulung dio mai mintu’ inan, angKu solanni lako tondokna.

HOSEA 1:11

La sita’pa tu mai to Yehuda anna to Israel, unnangka’ misa’ pangulu, anna ke’de’ lan mai padang iato, belanna la kapua tu allona Yizreel.

AMOS 1:12

iamoto angKu la umpasae api tama Téman, naurungan unnimbakanni tu mintu’ bentengna Bozra.

MIKHA 2:13

Iatu to undoloanni lumingka dolo dio tingayona solana; iatu tau iato mai ma’kakei, anna tarru’ unnolai babangan sia tassu’ inde to dio mai; iatu datunna tau iato mai lumingka undoloanni, anna PUANG umpangului.

MIKHA 4:8

Na iatu iko, e Migdal-Eder, e Ofelna anak dara Sion, la nareke’moko sia narampoiko kaparentan dolo, iamotu kadatuanna anak dara Yerusalem.

MIKHA 5:7

Sia iatu to torronapa Yakub la dio lu mintu’ to sangpetayanan sia la lan lu ba’tu pira-pira budanna bangsa susi misa’ singa dio lu olo’-olo’ lan pangala’, sia sangtini misa’ singa mangura dio lu tuntunan domba. Iake tamai inde to dio nadammak sia nase’bu’-se’bu, na moi misa’ tau tae’ urrampananni.

MIKHA 5:8

Iatu limammu la matande daona lu mintu’ to unneako, sia mintu’ ualimmu la dipisanni.

MIKHA 7:14

Kambi’i tekkenMi tu taumMi, iamotu tuntunan domba mana’Mi, tu torro makarorrong lan lu pangala’, lan lu tangnga padang malompo. Popa’elo’nai ungkande riu dio lu Basan sia dio Gilead, susitu attu dolo-dolona.

MIKHA 7:18

Mindara tu Kapenomban susi Kamu, tu umpagarri’ kakadakean sia umpaboko’i kapatodo-tintinganna mana’ torroNapa, tu tang unnanna kasengkeanNa tontong sae lakona, sangadinna umpopaiman kamasokanan!

ZEFANYA 3:20

Attu iato la Kupasaekomi, iamotu attu la Kunii urrampunkomi. Belanna la Kupadadikomi misa’ sanga kalelean sia kadipudian dio lu mintu’ bangsa dao kuli’na padang, ke Kupopembalimi tu dalle’mi dio pentiromi, kadanNa PUANG.