MIKHA 2:1 - Sura' Madatu

¹ Upu’ allona tu mintu’ to umparri-parri kakelokan sia untampa kakadakean dao inan katindoanna; iake masiangmi dio mai napalalomi, belanna nakulle limanna umpogau’i.

MIKHA 2:1 ပူးပေါင်းရင်းမြစ်များ

KADADIAN 31:29

Maatang duka sia tu limangku la umpata’paikomi kadake, apa sangmai’ bongi Nama’kada lako kaleku tu Kapenombanna ambe’mu Nakua: Kilalai tonganni, da muma’kada lako Yakub la melona la kadakena.

1 DATU 21:7

Ma’kadami tu Izebel bainena lako, nakua: Kamu tu datu umparenta to Israel totemo! Millikkomi ammi kumande, pamatanai tu penaammi; aku la umbenkomi tu pa’lak anggoro’na Nabot, to Yizreel.

ESTER 3:8

Ma’kadami Haman lako datu Ahasweros nakua: Den misa’ bangsa tu tisambo’ sia umpamarimbangan kalena dio lu mintu’ bangsa lan mintu’ propinsi lan kadatuanna puang, sia iatu atoranna bangsa iato sisengaran atoranna mintu’ bangsa, sia iatu atoranna datu tae’ naturu’i, iamoto tae’ nasipatu la naeloran datu torro manaman.

ESTER 5:14

Ma’kadami tu Zeresh, bainena, sia mintu’ sangmanena lako nakua: Melo ke digaragai tu misa’ lentong kayu, limangpulo siku langka’na ammi mela’bik umpokadanni datu masiang anna sulai tau tu Mordekhai inde to dao; namangkato mimane sende male sola datu lako pa’maruasan iato. Naporaimi Haman te kada iate, namesua unggaragai misa’ lentong.

ESTER 9:25

Apa iatonna malemo (tu Ester) mennolo lako datu, napatassu’mi datu tu sura’ parenta, kumua iatu tangnga’ kadake tu natangnga’ unnea to Yahudi, la sule ta’pa dao ulunna. Iatu Haman sia mintu’ anakna muane nasula tau lako misa’ lentong.

AYUB 15:35

Susito ungkia’tangan kakadakean sia untibussanan kakelokan sia iatu ba’tengna umpopembua pa’pakena.

AYUB 24:14

Iake la berre’i allo ke’de’mi tu to papatean sia napatei tu to makario-rio sia mase-mase, sia iake bongi susi bang misa’ to boko.

PA’PUDIAN 36:4

Mintu’ tu kada sun dio pudukna kakadakean manna sia kalando-pa’duan manna, tae’mo anna lolang kinaa sia tae’mo anna pogau’ kameloan.

PA’PUDIAN 36:5

Untangnga’ bang kabulitukan diong dali’ patindoanna, anna ola lalan kadake, sia tae’ narampananni tu kakadakean.

PA’PUDIAN 58:3

Inang tae’, sangadinna umpana’ta’komi kakadakean lan penaammi, sia mipamagasa dio kamasa’garan limammi tu timbangammi lan te lino.

SARAMBU PEADA’ 12:2

Iatu to melo penaanna Naposende PUANG, apa iatu to ma’tangnga’ kadake bang, Nara’ta’ la diukung.

SARAMBU PEADA’ 14:22

Tang la pusaraka tu to umpogau’ bang kadake? Apa sikambi’ ia pa’kaboro’ sia kamarurusan tu to umpogau’ kameloan.

SARAMBU PEADA’ 3:27

Da mupatadangi tu barang apa to sipatu la unnappa’i ke denni lan kuasammu la umpogau’i tu iannato.

SARAMBU PEADA’ 4:16

Belanna tae’ namamma’ tu tau iato mai, ke tae’pi napogau’ kadakena; sia tae’ natikkaru’du’ ke tae’pi nasongkan tau misa’.

YESAYA 29:20

Belanna attu iato iatu to kelok la pa’demo sia iatu to pabe’se la roto’mo sia mintu’ to untannun bang kakadakean la disabu’imo.

YESAYA 3:14

Sae tu PUANG la umpaolai salu tu pekaamberanna taunNa sia mintu’ tedong pariu’na tau iato mai. Kamumo tu mangka ussanggang-sanggangi tu pa’lak anggoro’ iato, na iatu apa dirampa dio mai to mandasa, lan sia lu banuammi.

YESAYA 32:7

Iatu to pa’pakenan, kadake tu mintu’ tangnga’na: kabulitukan manna natangnga’, ma’kada tang tongan la ussanggangi to bongko, moi anna tuntun salunna tu to bongko.

YESAYA 5:8

Upu’ allona tu to umpasirapi’-rapi’ banua sia to umpasikande-kande pa’lak, naurunganni tae’mo pa’pa’lakan sia kamu mannamo tau lan tondok.

YESAYA 59:3

Belanna iatu limammi sitombang rara sia iatu tarunomi ponno kakelokan; ma’kada mo’rang bangkomi sia iatu pudukmi ma’nemu-nemu bang ussa’bu’ tang malolona.

YEREMIA 18:18

Attu iato ma’kadami tu tau iato mai nakua: Maikomi tadakaran tangnga’ Yeremia, belanna tae’ lenpa napa’de tu pangadaran dio lu mintu’ to minaa ba’tu pa’timbangan dio lu mintu’ to matarru’ ba’tu kada dio lu mintu’ nabi. Maikomi taotton kadai; sia da taperangii moi misa’ tu kadanna.

YEHEZKIEL 11:2

Ma’kadami lako kaleku Nakua: E ma’rupa tau, iamote mai tu to untangnga’ bang kakadakean sia umpa’bengan pa’timbangan sala lan kota iate,

YEHEZKIEL 33:26

Sakka’ bangkomi la ma’pa’dangi, sia umpogau’komi apa megallian, sia pantan urruttakkikomi bainena solami – umba la mikua umpomana’i tu tondok ia to?

YEHEZKIEL 38:10

Inde sia tu kadanNa Puangta PUANG, Nakua: Attu iato la bu’tu ba’tu pira-pira pa’timbangan lan penaammu; ammu tangnga’ apa kadake.

YEHEZKIEL 46:18

Apa iatu arung tae’ nama’din unnalai tu taa mana’na to buda belanna napakario-rio, sangadinna mana’na siamo tu la naba’gianni tu mai anakna muane, kumua da naden misa’ taungKu diula’i dio mai mana’na.

MIKHA 6:12

Iatu mai to sugi’na untambuk kamasa’garan sia iatu pa’tondokanna ma’kada tang tongan sia iatu lilana lan sadangna nanii pa’pakena.

NAHUM 1:11

Dio mai kalemu tassu’mo misa’ tau untannun kadake unnea PUANG, tu misa’ tau untangnga’ kabulitukan.

ZAKHARIA 7:10

sia da mipakario-rioi tu baine balu, pia biung, to sae, sia to bongko sia da misitangnga’ kadake lan penaammi.

MARKUS 15:1

Tae’pa bongi tonna la masiangmo nara’ta’mi pangulu tominaa sia pekaamberan sia pandita Sura’, iamotu mintu’ to ma’kombongan, napungoI tu Yesu, namale umbaaI, nasorongI lako Pilatus.

LUKAS 20:19

Iatonna iato undaka’mi lalan tu mintu’na pandita Sura’ sia pangulu to minaa la undammakki tu Yesu, belanna natandai tu pa’pasusian iato, kumua gau’na narua, apa mataku’i lako to buda.

YOHANES 19:11

Nakuami Yesu mebali: Moi misa’ tae’ mibelai ungkuasaiNa’, ke tae’i nalu Dao mai; iamoto iatu to ussorongNa’ lako kalemi, iamo kapuanna kasalanna.

PENGGAURANNA RASULU’ 23:12

Iatonna masiang dio mai, sipatamma’mi ba’tu pira-pira to Yahudi, pada ussumpa kalena kumua, tae’ nala kumande sia mangiru’ ke tae’pi napatei tu Paulus.

PENGGAURANNA RASULU’ 23:15

Iamoto totemo la mipamaleso sola Ada’ lako kamandang kumua anna sae ussolanni lako kalemi, susito kumua la miparessa tongan-tongan tu kara-karana, angki marea bangmo kami kipadoloi umpatei ke tae’pi narampo lako kalemi.

ROMA 1:30

ma’pasisarrang, ma’palele beko, ungkabiri’ Puang Matua, pabe’se, matampo, madongnga’ untannun kakadakean, umbali-bali to padadian;

PA’TOLE 28:32

Iatu anakmu muane sia anakmu baine la disorong lako bangsa senga’, anna iko kalena untiroi sia mukamali’ tu’tu’ allo, apa tang mukulle umpogau’ misa’ apa.