MIKHA 1:8 - Sura' Madatu

⁸ Diona apa iato angku umbating sia sumarro, angku lumingka tang ma’sepatu sia ma’kambelang, sia melallak susi serigala sia kumarrak susi burung unta?

MIKHA 1:8 ပူးပေါင်းရင်းမြစ်များ

2 DATU 18:13

Iatonna taun ma’pessangpulo a’pa’na kadatuanna Hizkia, saemi tu Sanherib, datu Asyur, urrarii mintu’ kota ditambakukunna Yehuda anna taloi.

ESTER 4:1

Iatonna issanmi Mordekhai tu mintu’ apa dadi, naserek-serekmi tu pakeanna anna mellullung karung sia au, anna male tama tangnga kota, na sumarro sia unnurruk-urruk tumangi’.

AYUB 30:29

Naposiulu’na’ serigala, sia naposolana’ burung unta.

PA’PUDIAN 102:6

Iatu kuli’ku la’ka’ lako bukungku, napobua’ sarro budangku.

YESAYA 13:21

Sangadinna la nanii serigala buriko’ torro sia iatu mai banuanna la ponno langau, sia nanii torro anak burung unta dio sia ampu padang silo’dok-lo’dokan.

YESAYA 13:22

Sia lan mintu’ tambakukunna la nanii ungnguang-nguang asu lampung sia lan tongkonan layukna nanii ma’pema’mik-ma’mik la nanii serigala; iatu attunna mandappi’mo sia iatu allona tang la dipapodo’mo.

YESAYA 16:9

Iamoto angku tumangi’ untangi’i Yaezer sola garonto’ anggoro’ Sibma; kupato’doiko uai matangku, e Hesbon sola Eleale, belanna nalambi’mo arrak rari tu to mangliu bua kayummu sia to mebua anggoro’mu.

YESAYA 21:3

Iamoto anna ma’parondo nasang tu aakku, naruana’ pa’di’ maparri’, susi pa’di’na baine mangurria’; ma’pakukku’na’, belanna urrangii, sia tiramban tonganna’, belanna untiroi tu iannato.

YESAYA 22:4

Iamoto angku ma’kada kukua: Da mitirona’, da’ito angku unnade-ade tumangi’; da miparukuna’ mipakatana diona tu kasangganganna anak dara bangsaku.

YESAYA 32:11

Ma’rundedekomi, e baine tang magiang, ma’paganggangkomi, e kamu to mangin-mangin! Lendokanni tu pakeammi, sia ma’kale-kalekomi, ammi ma’dodo karoro’.

YEREMIA 4:19

A’a mapa’di’ ba’tengku, mapa’di’ ba’tengku! Mangunterona’ sia bonnong tu penaangku, ma’dube-dube tu ara’ku, tae’mo kurapa’, belanna urrangi oni napiri tanduk sia arrak kasirarian.

YEREMIA 9:1

A’a, kenna la uai tu ulungku sia matangku susito kalimbuang, angku tangi’i ke allo ke bongi tu mintu’ to dipongko dio lu anakna baine bangsaku.

YEREMIA 9:10

Diona tu mintu’ buntu angKu tumangi’ sia untannun bating sia diona tu lili’na padang alla’ angKu sumarro, belanna talomo sia tae’mo misa’ tau unnolai sia tae’mo oni ma’dandan patuoan dirangi dio; la mintu’ manuk-manuk dao lu langi’ la mintu’ olo’-olo’, mallai nasangmo, pa’de pallan.

YEREMIA 9:19

Belanna dirangi lan mai Sion tu bating iate nakua: A’a, sanggangmokanni! Natoding tonganmokan siri’, belanna diparukumokan untampe tondokki sia dipongkamo tu mintu’ banuangki.

YEHEZKIEL 32:18

E ma’rupa tau, toloranni misa’ bating tu to budanna Mesir; la mupopengkalao tu tau iato mai – iko sola mintu’ pia baine dio lu bangsa tarompo’ – rokko lino to mate, iamotu lako to mangka mengkalao rokko panglamunan.

MIKHA 2:4

Allo iato la nasa’burangkomi tau misa’ parumbasan sia tumangi’ anna umbating, nakua tu tau: Sabu’mokan, masappimokan sanggang. Iatu taa mana’na bangsaku Nasorongmo Puang lako to senga’. Masang tongan tu apa naala Puang dio mai kaleku! Sia Nataa-taa Puang tu pa’lakki lako to umboko’i Puang.

1 SAMUEL 19:24

Nalossokan dukami tu pakeanna. Sia ia dukamo tiakka’ penaanna ma’nubua’ dio tingayona Samuel. Sia sangallo sangbongi bang tang ma’tamangkale. Iamoto nakuami tu tau: Naala dukaraka bilangan nabi tu Saul?