MIKHA 1:6 - Sura' Madatu

⁶ Iamoto iatu Samaria la Kupadadi misa’ inan daun lauan dio padang sia misa’ inan la digaragai pa’lak anggoro’; la Kutuan tu mintu’ batunna rokko lombok sia la Kupasombo tu parandanganna.

MIKHA 1:6 ပူးပေါင်းရင်းမြစ်များ

2 SAMUEL 17:13

Iake napasorong boko’mi tu surodadunna tama misa’ kota, nalebu’i ulang mintu’ to Israel tu tondok iato, anta riu’i rokko salu, manassa moi misa’ batu bitti’ tae’mo diapparan.

2 DATU 18:10

Natalomi tau iato mai tonna upu’mo tallung taun; iatonna taun ma’pennannan kadatuanna Hizkia, iamotu taun ma’pengkasera kadatuanna Hosea, datu Israel, ditalomi tu Samaria.

2 DATU 18:9

Iatonna taun ma’penna’pa’na kadatuanna Hizkia, iamotu taun ma’pempitu kadatuanna Hosea, anakna Ela, datu Israel, ke’de’mi tu Salmaneser, datu Asyur, ullaoi Samaria sia umpatama limbui.

2 DATU 19:25

Tae’ lenparaka murangii, kumua mintu’na te Kulampakmo tempon dio mai sia randuk dio mai tipamulanna inang Kubori’mo? Totemo Kuparampo randannamo: manassa la musanggang tu mintu’ kota ditambakuku anna daun lauan.

YESAYA 17:1

Inde sia tu kada Napa’petanggungan Puang Matua diona Damsyik. Iatu Damsyik la disanggang, anna tae’mo na mengkota, anna daun lauan sia sangtinti to batu disaeran.

YESAYA 25:12

Iatu mintu’ menara dao lu bentengmu, Nasongkan sia Natepok, sia Napasirante padang.

YESAYA 25:2

Belanna iatu kota iato Mipatisambo’ tu batunna, sia iatu tambakuku iato Mipasangtinti to batu disaeran, sia iatu bentengna to salian lembang tang Mipopengkotamo, tae’mo anna dibangun sule tontong sae lakona.

YEREMIA 31:5

La untanan pole’ko garonto’ anggoro’ dao lu mintu’ buntu Samaria, na iatu to untananni la ungkandei tu buanna.

YEREMIA 51:25

Tonganna, la Kuukungko, e buntu, ma’kasanggang, tu ussanggang mintu’ lino, kadanNa PUANG, sia la Kuangka’ tu limangKu unta’paiko sia ullolinko dao mai buntu batu, angKu padadiko buntu pura nalalle api.

YEREMIA 51:37

Iatu Babel la daun lauan sia napoinan serigala sia dadimo misa’ apa megiangan sia ditelle, sia tae’mo natorroi tau.

YEREMIA 9:11

Iatu Yerusalem la Kupadaun launan, napopembunianni serigala sia iatu mintu’ kota Yehuda la Kupopempadang lo’bang, na moi misa’ tau tae’mo untorroi.

BATING 4:1

Ma’patumbai tu bulaan namalottongmo. Anna tang pandillakmo tu bulaan massang! Iatu mai batu maindan tisambo’mo dio lu mintu’ kasepangan lalan.

YEHEZKIEL 13:14

Sia la Kurondon tu rinding tembo’ tu misapu’ kapu’, anna songka rokko padang, sia la dipabu’tu tu parandanganna; la songka tu kota, ammi sanggang lan. Ammi tandai kumua Akumo tu PUANG.

AMOS 5:11

Belanna ullullu’komi to bongko sia miparuku la umbenkomi pamengan, iamotu gandung, iamoto moi ammi bangun banua batu dipa’, tae’ duka ammi la unnii, moi ammi garagai pa’lak anggoro’ ballo, tae’ duka ammi la unniru’i tu uai anggoro’na.

AMOS 6:8

Iatu Puangta PUANG mangkamo umposumpa Kalena, KadanNa PUANG, Kapenombanna mintu’ ma’dandan maritik, Nakua: Kukagallimo tu kamatampoanna Yakub sia Kukabiri’mo tu tongkonan layukna; ondongpi la Kusa’biangan tu kota iato sola mintu’ apa lan.

MIKHA 3:12

Iamoto kamu napobannang na iatu Sion la ditengko susi misa’ pa’lak, sia iatu Yerusalem la mendadi misa’ inan daun launan, ondongpi iatu buntu Banua Kabusungan la membuntu pangala’.

HABAKUK 3:13

Tassu’moKomi amMi rampananni tu taumMi, amMi rampananni tu to mangka Mitokko. Miro’pok dao mai tu bubungan banuanna to tang mekaaluk, sia Mitesse tu parandangan banuanna sae lako batu ringki’ diongna lu.

MATIUS 24:2

Mebalimi Nakua ungkuanni tinde tau: Tang mipemaranga nasangmoraka te mintu’na te? Tonganna tongan Kukua mati’, tae’ la torro indete tu batu mettodo’ dao batu senga’, tu tang la diseranna.