MIKHA 1:11 - Sura' Madatu

¹¹ Tarru’komi male, e to Safir, situang siri’ belanna kama’kambelangammi. Iatu to Zaanan tae’ nabarani tassu’. Iatu kaumbatingan dio Bet-Haezel undampakomi torro inde to dio.

MIKHA 1:11 ပူးပေါင်းရင်းမြစ်များ

YESAYA 16:2

La den attu anna iatu mai anak dara Moab la torro dio kalambanan Arnon, sangtinti to manuk-manuk kaguririk-ririk, susito serang manuk-manuk tisea’-sea’.

YESAYA 20:4

Ten dukamoto tu Asyur la nasole’ male tu to Mesir dirampa sia tu to Etiopia diali’, to mangura to matua, tang ma’bayu sia tang ma’sepatu sia kakitanan tu palongko’na, tu napomasiri’na to Mesir.

YEREMIA 13:22

Iake ma’kadako lan penaammu mukua: Ma’apai narampoina’ te apa iate? – iamotu belanna kakapuanna kakadakeammu, anna tikalili’ tu biring dodomu sia sombo tu kambutu’mu.

YEREMIA 48:6

Mallaikomi, lendokanni tu katuoammi, anna dadi susi kayu anak tang mendaun lan padang pangallaran.

YEREMIA 48:9

Pani’i tu Moab, anna tassu’ male mentia’, sia iatu mai kotana la mempadang lo’bang, naurunganni moi misa’ tae’mo tau torro lan.

YEHEZKIEL 16:37

iamoto, manassa la Kupasipulung tu mintu’ muane ungkamoraiko, tu musede anna poraiko, la mintu’ tu muporainna, la mintu’ tu musayunna: la Kupasipulung dio mai mintu’ inan unneako sia la Kukambelangiko dio tingayona tu tau iato mai, anna tiroi tu kasirisammu.

YEHEZKIEL 23:29

La napakitaiko kamagallianna sia la narampa tu mintu’ apa-apammu sia la natampeko ma’kambelang sia tang ma’tamangkale, la dikambelangi tu kasirisammu, tu ma’gau’ sala bang, iamotu gau’ salamu sia passulobongimmu.

MIKHA 1:8

Diona apa iato angku umbating sia sumarro, angku lumingka tang ma’sepatu sia ma’kambelang, sia melallak susi serigala sia kumarrak susi burung unta?

NAHUM 3:5

Manassa la Kulaoiko! kadanNa PUANGna mintu’ ma’dandan maritik, la Kupoli’ tu tampak dodomu sae langngan lindomu sia la Kupasombo tu kama’kambelangammu lako mintu’ bangsa sia kasirisammu lako mintu’ kadatuan.

ZAKHARIA 14:5

Attu iato la mallaikomi rokko lombok buntungKu, belanna iatu lombokna buntu iato la sumpu sae lako Azal, ondongpi la mallaikomi, susi kamallaiammi dio mai lino’ tonna linona Uzia, datu Yehuda. Sia iatu PUANG, Kapenombangku, la sae sola mintu’ to masero.

YOSUA 15:37

Zenan, Hadasa, Migdal-Gad,