MIKHA 1:1 - Sura' Madatu

¹ Inde sia tu kadanNa PUANG rampo lako Mikha, to Moresyet, tu natiro diona a’ganna Samaria sia Yerusalem, tonna linona Yotam, Ahas sia Hizkia, datunna Yehuda.

MIKHA 1:1 ပူးပေါင်းရင်းမြစ်များ

2 DATU 15:32

Iatonna taun ma’penduan kadatuanna Pekah, anakna Remalya, datu to Israel, dadimi datu tu Yotam, anakna Uzia, datu Yehuda.

2 DATU 15:5

Naparuai parri’ PUANG tu datu, naurunganni golenan sae lako allo kamateanna, anna ma’banua torro senga’, na Yotam anakna datu, umpangului tu tongkonan layuk sia umparenta mintu’ pa’tondokan.

2 DATU 16:1

Iatonna taun ma’pessangpulo pitu kadatuanna Pekah, anakna Remalya, dadimi datu tu Ahas, anakna Yotam, umparenta to Yehuda.

2 DATU 18:1

Iatonna taun ma’pentallun kadatuanna Hosea, anakna Ela, datu to Israel, dadimi datu tu Hizkia, anakna Ahas, umparenta to Yehuda.

2 OSSORANNA DATU 28:1

Iatu Ahas duangpulomo taunna, tonna dadi datu; anna ma’parenta sangpulo annan taunna lan Yerusalem. Tae’ napogau’i tu apa malolo dio pentiroNa PUANG, susi Daud nene’ to dolona,

2 OSSORANNA DATU 29:1

Iatu Hizkia duangpulomo llima taunna, tonna dadi datu, anna ma’parenta duangpulo ngkasera taunna dio Yerusalem. Iatu indo’na disanga Abia, anakna Zakharia.

YESAYA 1:1

Iamote tu patiro mendeatanna Yesaya anakna Amos, tu natiro diona Yehuda sola Yerusalem tonna linona Uzia, Yotam, Ahas sia Hizkia, datunna to Yehuda.

YESAYA 1:2

Perangii, e mintu’ langi’!, sia patananni talinga, e lipu daenan! belanna nakua tu kadanNa PUANG: Kupelobo’i sia Kukaduttu’ tu mai pia, apa naboko’iMo’.

YESAYA 7:1

Den pissan tonna linona Ahas, anakna Yotam, anakna Uzia, datu Yehuda, ke’de’mi tu Rezin, datu Aram sola Pekah, anakna Remalya, datu Israel, anna male langngan Yerusalem, la ullaoi tu tondok iato, apa tae’ nabelai natalo.

YESAYA 7:9

Sia iatu Samaria la tontong napopennuluan Efraim na Remalya napokambuno kapayungan Samaria. Iake tae’i ammi katappa’i, manassa tae’ ammi dipamarendeng.

YEREMIA 26:18

Iatonna linona Hizkia, datu Yehuda, ma’nubua’mi Mikha, to Moresyet sia ma’kada lako mintu’ bangsa Yehuda, nakua: Inde sia tu kadanNa PUANGna mintu’ ma’dandan maritik, kumua: Iatu Sion la ditengko susi pa’lak sia Yerusalem la daun lauan, sia iatu buntu nanii Banua Kabusungan la membuntu pangala’ kamban.

HOSEA 1:1

Inde sia tu kadanNa PUANG tu rampo lako Hosea, anakna Beeri, tonna linona Uzia, Yotam, Ahas, na Hizkia, datu Yehuda, sia iatonna linona Yerobeam, anakna Yoas, datu Israel.

HOSEA 4:15

Iake la moraikomi ma’gau’ sala, e to Israel, da anna lakoi sala tu to Yehuda! Da milao lako Gilgal, sia da milao lako Bet-Awen, sia da mipalao sumpa dio, kumua: La lelukraka tuoNa PUANG!

HOSEA 8:14

Ondongpi nakalupaimo Israel tu To tumampana sia umpabendan tongkonan layuk, tonna marassan to Yehuda umpebudai kota ditambakuku. Apa la Kupasonglo’ tu api tama kota iato mai, anna purai nakande tu mintu’ tambakukunna.

AMOS 1:1

Inde sia tu kadanna Amos, misa’i tu to umpatuo domba dio mai Tekoa, tu natiro diona to Israel tonna linona Uzia, datu Yehuda sia tonna linona Yerobeam, anakna Yoas, datu Israel, duang taun dolona, namane lino’.

AMOS 6:1

Upu’ allona tu to tang matangkin dao Sion sia ussa’ding kalena marampa’ dao buntu Samaria, to la’bi’na bangsa ditonno’ dio lu mintu’ bangsa, tu nanii to Israel rampo mengkanorong.

MIKHA 1:5

Mintu’nate bannang dio kapatodo-tintinganna Yakub sia kasalanna to Israel. Apara tu kapatodo-tintinganna Yakub? Tangiaraka tu Samaria? Sia apara tu kasalanna inan madaona Yehuda? Tangiaraka tu Yerusalem?

MIKHA 3:9

Iamoto perangiimi te, e mintu’ pangulunna bati’na Yakub sia mintu’ to ma’lopianna bati’na Israel, tu ungkasorro salunna sia umpakelok tonganna,

HABAKUK 1:1

Iatu kada Napa’petanggungan Puang Matua, tu dipasombo lako nabi Habakuk.

2 PETRUS 1:21

belanna tae’ bangpa pa’nubua’ napabu’tu pa’poraian tolino, sangadinna Natamaipi Penaa Masallo’ tu tau, anna sa’bu’i tu kada lu dio mai Puang Matua.