MATIUS 9:4 - Sura' Madatu

⁴ Belanna Naissan nasang Yesu tu tangnga’ lan penaanna tinde tau, Nakuami: Ma’apari ammi ma’tangnga’ salara lan penaammi?

MATIUS 9:4 ပူးပေါင်းရင်းမြစ်များ

PA’PUDIAN 139:2

Mitandai tu diona torro ke’de’ku; sia mambelapa Mitandaimi tu lalan tangnga’ku.

PA’PUDIAN 44:21

Iake moronganna angki tang ungkilalaimo sanganNa Kapenombangki, ba’tu umpatadokan pala’ki lako kapenomban senga’.

YEHEZKIEL 38:10

Inde sia tu kadanNa Puangta PUANG, Nakua: Attu iato la bu’tu ba’tu pira-pira pa’timbangan lan penaammu; ammu tangnga’ apa kadake.

MATIUS 12:25

Tu belanna Natandai tu tangnga’na tinde tau, Nakuami lako: Umba-umba tu parenta usseru-seru kalena, sanggang undinna; sia umba-umba tu tondok ba’tu to sangdapo’ ia kalena sisala-sala, tae’ nala manda’.

MARKUS 12:15

Apa belanna Natandai Yesu tu tangnga’ leko’na tinde tau, Nakuami ungkuanni: Ma’apai ammi toba-tobaNa’? BanNa’ mai tu dinar misa’, angKu tiroi.

MARKUS 2:8

Ta’pa Natandai bangsiami Yesu lan penaanNa kumua ma’tangnga’-tangnga’ susito tu tau iato mai lan ba’tangna, Nakuami lako: Ma’apari mima’tangnga’-tangnga’ mangea buni lan penaammi?

LUKAS 11:17

Apa belanna Nadoloi Yesu tu tangnga’na, Nakuami lako: Umba-umba tu parenta usseru-seru kalena, manassa la ussanggangi kalena ba’tu to sangdapo’ ia kalena sisala-sala, la robok.

LUKAS 5:22

Iatonna issanmi Yesu tu pa’tangngaranna tinde tau sola nasang, Nakuami: Apara mitangnga’-tangnga’ lan penaammi?

LUKAS 6:8

Apa natandai Yesu tu lalan penaanna tinde tau, Nakuami ungkuanni tu to kope limanna: Ke’de’ko ammu bendan lan tangnga! Ke’de’mi nabendan.

LUKAS 7:40

Mebalimi Yesu lako Nakua: E Simon! den kada sangbuku la Kupokadangkomi. Nakuami: Io, guru, pokadami.

YOHANES 16:19

Naissanmi Yesu kumua la morai mekutana lako, Nakuami, ungkuanni: Misitimbang-timbangi misaraka tu iannato, tu Kukua: Sattu’mora anna tae’mo mikitaNa’, sia tae’ dukamora nasangapa mikitaMo’?

YOHANES 16:30

Totemo kiissan kumua mintu’ apa Mitandai sia tae’mo namanggi’ tau mekutana lako Kalemi; Iamoto angki patonganni kumua lu dioKomi mai Puang Matua.

YOHANES 21:17

Natole pole’omi ma’kada lako Nakua: E Simon, anakna Yohanes, mukamali’Ra’ka? Masussami tu Petrus tu belanna ma’pentallun maro’mo ma’kada lako kumua: Mukamali’Ra’ka? Nakuami lako: O Puang, mintu’na angge maritik Miissan nasang, Miissan duka kumua aku te kukamali’Komi. Nakuami Yesu lako: Kaduttu’i tu mintu’ dombaKu.

YOHANES 6:61

Apa Naissan Kalenamo Yesu, kumua sipa’nuku-nukuan tu to unturu’I diona te ianna te, Nakuami ungkuanni: Mipomatana’raka te iannate?

YOHANES 6:64

Apa denkomi ba’tu pira-pira tu tang ma’patongan. Belanna tempon dio mai mulanna Naissanni Yesu minda tu tang ma’patongan sia minda tu la umpa’peturoanNi.

PENGGAURANNA RASULU’ 5:9

Apa nakua Petrus lako: Ma’apari misituru’iri untoba-toba PenaanNa Puang Matua? Tiromi tu lentekna to ullamun muanemu dio to’ ba’ba, tau iamoto tu la umbulleko lako salian.

KADA OMBO’ LAKO RASULU’ YOHANES 2:23

Sia mintu’ anakna la Kusabu’i, anna mintu’ kombongan la unnissanni, kumua Akumo tu umparessa ba’tang sia penaanna tau sia Akumo tu la umpapakkannikomi situru’ penggauran simisa’-misa’mi.