MATIUS 9:38 - Sura' Madatu

³⁸ Iamoto, dadi palakui langngan Puang ampunna bura padang anNa sua tau ungkasara’i tu bura padangNa.

MATIUS 9:38 ပူးပေါင်းရင်းမြစ်များ

PA’PUDIAN 68:11

Iatu tuntunanMi ma’baanan lan, o Puang Matua, diona kamasokanamMi amMi pasakkaran nasangmi to mandasa.

PA’PUDIAN 68:18

Duangpulo sa’bu tu karetaNa Puang Matua, ma’sa’bu’-sa’bu’ ria; Iatu Puang tilelemo dao mai buntu Sinai lu tama inan maindan.

YEREMIA 3:15

Aku la ungkamaseangkomi tu mintu’ to mangkambi’ tu naala penaangKu anna ia ungkambi’komi situang kapaissanan sia tangnga’kinaa.

MIKHA 5:7

Sia iatu to torronapa Yakub la dio lu mintu’ to sangpetayanan sia la lan lu ba’tu pira-pira budanna bangsa susi misa’ singa dio lu olo’-olo’ lan pangala’, sia sangtini misa’ singa mangura dio lu tuntunan domba. Iake tamai inde to dio nadammak sia nase’bu’-se’bu, na moi misa’ tau tae’ urrampananni.

MATIUS 9:37

Tonna iato Nakuami lako anak gurunNa: Tonganna buda tu bura padang, apa sidi’ri tu to ungkasara’i.

YOHANES 20:21

Natole pole’omi Yesu umpokadai lako tinde tau kumua: Siriakomi kamarampasan! Tumba tu Ambe’ mangka ussuaNa’, ten dukamoto tu Aku ussuakomi.

YOHANES 4:35

Tang mikuaraka: Patang bulanpa napeparean? Tonganna tongan Kukua mati’: Bangunanni tu matammi, tiromi tu mintu’ bela’; belanna matasak nasangmo totemo, pepareannamo.

PENGGAURANNA RASULU’ 13:2

Matangngamo tinde tau umpogau’ kamenomban langngan Puang sia ma’puasa, Nakuami Penaa Masallo’: PamarimbanganNa’ tu Barnabas sola Saulus, anna pogau’i tu pentoean Kupapatuanni.

PENGGAURANNA RASULU’ 8:4

Iatu mintu’ to tisambo’-sambo’ mukkun sia male, mukkun umpa’peissanan Kareba-kaparannuan.

1 KORINTUS 12:28

Napamanassamo Puang Matua ba’tu pira-pira tu tau lan kombongan, bunga’na rasulu’, ma’penduanna nabi, ma’pentallunna guru, namane penggauran kalle-kallean, namane pole’ pa’kamase ma’pamaleke, pentoean pa’tunduan, pentoean ma’parenta, ma’rupa-rupa pa’kamase diona basa.

EFESUS 4:11

Ia dukamo mangka unnalai rasulu’ tu mai tau pira, nabi pira, to umpalolang Kareba-kaparannuan pira, pangkambi’ pira sia guru,

2 TESALONIKA 3:1

Ma’katampakanna, e sang siulurangku, lamipassambayangankan, anna kalelean tu kadanNa Puang sia dipakala’bi’, susitu lalonamo lako kamu,