MATIUS 9:36 - Sura' Madatu

³⁶ Iatonna tiroi tu to buda, tilaomi masseNa lako tau iato mai, belanna mauyu bangmo sia bo’yok susi domba tae’ to mangkambi’na.

MATIUS 9:36 ပူးပေါင်းရင်းမြစ်များ

1 DATU 22:17

Nakuami tu Mikha: Kutiromo tu mintu’ to Israel sisarak-sarak dao lu tanete butung to domba tae’ to mangkambi’na; anna ma’kada tu PUANG, nakua: Iate mai tau tae’mo puangna, da’ito anna pantan sule marampa’ lako banuanna.

2 OSSORANNA DATU 18:16

Nakuami tu Mikha: Kutiromo tu mintu’ to Israel sisarak-sarak dao lu tanete butung to domba tae’ to mangkambi’na; anna ma’kada tu PUANG Nakua: Iate mai tau tae’mo puangna, da’ito anna pantan sule marampa’ lako banuanna.

YESAYA 13:14

Tau iato mai la ten kijang diula’ sia la sangtinti domba tang dikambi’ pantan la sule umpengkara’pai bangsana sia pantan mallai umpengkaa’i tondokna.

YEREMIA 50:6

Iatu taungKu butungmo to domba pusa tu napapusa pengkambi’na sia nasolan langngan buntu; sia salamba-salao tu tau iato mai dio mai misa’ buntu lako misa’ tanete, naurungan tae’mo nakilalai tu inan nanii mari’pi.

ZAKHARIA 10:2

Belanna iatu balo’ tau umpokada apa tae’ bua’na, iatu to pakita-kita untiro patiro mendeata kamorang-morang, unnulelean ba’tu pira-pira tindo ma’pakena, sia umpokada pa’pakatana tae’ gai’na. Iamoto nasalamba-salao lu lako lu dio bang mai tu tau iato mai susito tuntunan domba, tu lan kapussakan, belanna tae’ to mangkambi’na.

ZAKHARIA 11:16

Belanna manassa la Kupadenan misa’ tu to mangkambi’ lan tondok, iamotu tang umparinaa apa la sanggang, tang undaka’ apa tisambo’, tang umpoinaa umpamondo apa bangke, tang ungkaritutui apa tang pakulle, sangadinna la ungkande duku’ olo’-olo’ malompo sia la nase’bu kanukunna.

KADIBILANGAN 27:17

tu lu tama lu lan mai dio tingayona tau iato mai sia iatu ussolanni tassu’ sia ussolanni sule tu tau iato, kumua da nasusi to domba tae’ panglaana tu kasirampunanNa PUANG.

MATIUS 10:6

sangadinna la’bi’ ke lu lakokomi domba pa’dena to Israel.

MATIUS 14:14

Rampomi tu Yesu, Nakitai tu tau lendu’ budanna; mamassengmi lako tau iato mai, Napamalekei tu mai mintu’na masakinna.

MATIUS 15:24

Mebalimi Nakua: Tae’ra Kudisua lako senga’na sangadinna lako mintu’ domba pa’dena to Israel.

MATIUS 15:32

Natambaimi Yesu tu anak GurunNa, Nakuami: MamassengNa’ untiroi te to buda, belanna tallung allomo Kusisolan, na tae’ bang apa dio lu la nakande, na tae’ Kumorai la ussua tangdia’ bangi male sule, apa limpu manii lako lalan.

MARKUS 6:34

Iatonna mengkalao Yesu dao mai lembang, Nakitami tu tau lendu’ budanna tilaomi massena lako tinde tau, belanna ia tinde tau sola nasangi butung domba tae’ panglaana, Naparandukmi unnada’i buda pangadaran tu tau iato mai.

MARKUS 8:2

MamassengNa’ untiroi te to buda, belanna tallung allomo Kusisolan natae’ bang apa la nakande.

IBRANI 4:15

Belanna tae’ taampui tu Tominaa Kapua tang ungkaturu-turui kamalammaranta, sangadinna Iamotu mangka narampoi peroso lan mintu’na susi kita, apa tae’ Ia Nakasalan.

IBRANI 5:2

sia tu ma’dinna umpama’tanan penaa to tang paissan sia to pusa, belanna ia duka nakapu’ kamalammaran;