MATIUS 9:27 - Sura' Madatu

²⁷ Iatonna male tu Yesu inde to dio mai, denmi da’dua to buta undi urrundu’I sia metamba-tamba, nakua: O Anakna Daud, kamaseikan dikka’.

MATIUS 9:27 ပူးပေါင်းရင်းမြစ်များ

MATIUS 1:1

Inde sia tu ossoran nene’Na Yesu Kristus, anakna Daud, anakna Abraham.

MATIUS 11:5

Iamotu to buta pakita sia to kupi’ lumingka, to golenan dipamondo sia to taru parangi, sia to mate dipatuo sia Kareba kaparannuan dipa’peissanan lako to kalala’.

MATIUS 15:22

Denmi misa’ baine to Kanaan lu dio mai parenta iato sae nametamba-tamba nakua: O Puang, o Anakna Daud, kamaseina’ dikka’ belanna iatu anakku baine, nataba deata masussuk, napandasa tongan.

MATIUS 17:15

malinguntu’ dio oloNa Yesu nakua: O Puang, kamasei dikka’ tu anakku muane, belanna ta’taran, sia lendu’ maparri’na; belanna pembuda tobang tama to’ api sia pembuda dukamo rokko to’ uai,

MATIUS 20:29

Iatonna malemo sun lan mai Yerikho, lendu’mi budanna tau undi urrundu’I.

MATIUS 21:15

Apa iatonna tiroi pangulu-pangulu to minaa sia pandita Sura’ tu mintu’ penggauran memangnganNa, sia iatu mintu’ pia unnarrak-arrak lan Banua Kabusungan kumua: Hosanna tu Anakna Daud, sengkemi tinde tau,

MATIUS 21:9

Iatu to buda, tu dolona dio tingayoNa sia undinna unturu’I, unnarrak-arrak, nakua: Hosanna tu Anakna Daud, Kurre sumanga’Na tu saeNa umpotete sanganNa Puang, Hosanna dao masuanggana.

MATIUS 9:28

Tonna kendekmo langngan banua, saemi tinde to buta umpennoloI Nama’kada Yesu lako tinde tau, Nakua: Mikatappa’iraka, kumua ma’din Kupogau’ tu ianna te? Nakuami: Kikatappa’i, Puang!

MARKUS 11:10

Kurre sumanga’na tu saena umpotete sanganNa Puang; Maupa’ tu kadatuanna nene’ to dolota Daud te sae te; Hosanna dao masuanggana.

MARKUS 9:22

Sia pembudamo napessambakan moi tama to’ api sia rokko to’ uai, la morai ussanggangi. Apa iake la den siai Miola lako, kamaseikanni dikka’ Mitulungkan.

LUKAS 17:13

Metambami tinde tau, nakua: O Yesu, o Guru! kamaseikanni dikka’.

LUKAS 20:41

Nakuami Yesu lako tinde tau: Ma’apari nadikuara Anakna Daud tu Mesias?

LUKAS 7:21

Iatonna attu iato, buda tau marassan Napamaleke Yesu, tu to narua ma’rupa-rupa saki sia to masaki tang dampi-dampian sia to nataba deata masussuk sia buda to buta Napapakita.

YOHANES 7:42

Tang dipokadaraka lan Sura’ Madatu kumua lan mai tarukna Daud sia lan mai Betlehem, tondokna Daud, la Nanii bu’tu tu Mesias?

ROMA 1:3

tu diona AnakNa, tu kea’gan kale tolino, dadi lu dio mai tarukna Daud,

ROMA 9:5

tu umponene’i tu mai to dolo, dio duka mai to Israel nanii bu’tu Kristus diona a’gan kale tolinoNa, Kapenomban sipatu dipudi sae lakona! Amin.