MATIUS 9:23 - Sura' Madatu

²³ Iatonna rampo tu Yesu lako to’ banuanna tinde kapala, Natiroi tu to massuling sia tau mamak bangmo.

MATIUS 9:23 ပူးပေါင်းရင်းမြစ်များ

2 OSSORANNA DATU 35:25

Natonorammi Yeremia misa’ bating tu Yosia sia mintu’ to menani muane sia baine unggente’ sanganna Yosia lan mintu’ kadong batingna landa’ lako allo iate, belanna tipondok ada’mo lan Israel. Manassa mintu’nato tisura’mo lan Sura’ Sarro.

YEREMIA 16:6

La to kapua la to bitti’ la mate lan tondok iate sia tae’ nadilamun tu tau iato mai sia tae’ nala umbatingi tau, sia moi misa’ tau tae’ untori-torianni kalena ba’tu unggalettunganni ulunna.

YEHEZKIEL 24:17

Pela’-pela’ko sumarro; da muma’pote dibolong; pamanda’ bangi tu passapummu, sia ma’sepatuko, da mutampun puduk daoanmu sia da mukandei tu roti nabangko tau.

MATIUS 11:17

nakua: Mangkamokanni umpa’gandangangkomi, anna tae’ bangra miunnondo, mangkamokan umbating, natae’ bangra mimario.

LUKAS 7:32

Manassa iamo susi pia’-pia’ unno’ko’ dio pasa’ nasitamba-tamban, nakua (ma’londe): Mangkamokan umpa’gandangangkomi natae’ bang miunnondo; Kimane umbating, natae’ bang mitumangi’.

PENGGAURANNA RASULU’ 20:10

Mengkalaomi tu Paulus ullumbangi rokko naraka’i, nakua: Da misiurrukan, belanna lan sia ia tu penaanna.

PENGGAURANNA RASULU’ 9:39

Ke’de’mi tu Petrus namale sola. Iatonna rampo nasolammi tau tama bilik tiangka’ langnganna. Mintu’na baine balu sae ke’de’ umpentirondongi, natumangi’ sia napa’pekitanan tu mai bayu sia dodo nagaragai Dorkas tonna sisolapa.

KADA OMBO’ LAKO RASULU’ YOHANES 18:22

Sia oni to ma’katapi sia to menani sia to massuling sia tarompe’ pua tae’mo anna dirangi lan mai, sia iatu to manarang lan misa’ kamanarangan, tae’ dukamo untorroiko, sia oni batu pangrissoan inang tae’mo anna dirangi.