MATIUS 9:17 - Sura' Madatu

¹⁷ Sia tae’ duka tau umpatama uai anggoro’ ba’ru tama kiriba’ malusa. Belanna iake susito inang la tesse tu kiriba’ natibollo tu uai anggoro’ sia sanggang duka tu kiriba’, sangadinna iatu uai anggoro’ ba’ru sipatu dipatama kiriba’ ba’ru, anna pada-pada manda’.

MATIUS 9:17 ပူးပေါင်းရင်းမြစ်များ

AYUB 32:19

manassa iatu ba’tengku susimoto uai anggoro re’de-re’de lempan; susito kiriba’ ba’ru la tesse.

PA’PUDIAN 119:83

Moi susimo’ to bila ditapai, apa tae’ duka sia angku kalupai tu mintu’ apa Mipondok.

MATIUS 9:16

Tae’ ia tau misa’ umpa’tampiran sampin ba’ru sangserek lako pakean malusa; belanna inang la naserek pissan dipa’tampiranna tu malusanna, anna sakalua’-lua’na tu serekna.

MATIUS 9:18

Iatonna marassan Yesu umpokadanni tinde tau tu kada susito, saemi misa’ kapala banua pa’kombongan, tukku umpennoloI, nakua: Iatu anakku baine, mane mate, maipoKomi dikka’ urremme’i limamMi anna tuo sule.

MARKUS 2:22

Sia tae’ ia tau misa’ duka umpatama uai anggoro’ ba’ru tama kiriba’ malusa, belanna inang la napopema’tu anggoro’ ba’ru tu kiriba’ anna tibollo tu uai anggoro’ sia sanggang tu kiriba’. Sangadinna iatu uai anggoro’ ba’ru sipatu ia dipatama kiriba’ ba’ru.

LUKAS 5:37

Sia moi misa’ tau tae’ duka umpatama uai anggoro’ ba’ru tama kiriba’ malusa, apa iake napasusi tau to, inang la napopema’tu anggoro’ ba’ru tu kiriba’ natibollo sia sanggang tu kiriba’;

LUKAS 5:38

sangadinna iatu anggoro’ ba’ru sipatu dipatama kiriba’ ba’ru.

YOSUA 9:4

ma’tangnga’ dukami tu tau iato; ke’de’mi male umbaa kinallo, naban karung masere tu keledainna sia kiriba’ masere tu nanii anggoro’, tu kake sia ditampi’,