MATIUS 9:15 - Sura' Madatu

¹⁵ Nakuami Yesu ungkuanni: La makarorrongmoraka tu mai to pasolan ke sisolapi tu to la diparampo? Apa la sae tu allona, to ke dialami dio mai kalena tu to diparampo, namane ma’puasa.

MATIUS 9:15 ပူးပေါင်းရင်းမြစ်များ

YESAYA 22:12

Manassa allo iato Natambaimokomi Puang, PUANGna mintu’ ma’dandan maritik, la tumangi’ sia la umbating, sia la ma’galettung sia la ma’pote dibolong.

MATIUS 9:14

Iatonna iato saemi tu anak gurunna Yohanes lako Yesu nakua: Ma’apai anna kami kami ma’puasakan sia to Farisi duka, anna tae’ kamu tu anak gurumMi?

MATIUS 9:16

Tae’ ia tau misa’ umpa’tampiran sampin ba’ru sangserek lako pakean malusa; belanna inang la naserek pissan dipa’tampiranna tu malusanna, anna sakalua’-lua’na tu serekna.

MARKUS 2:19

Nakuami Yesu lako tau iato mai: Ma’dinraka tu to pasolan ma’puasa ke sisolapi tu to la diparampo? Iake sisolapi tu to la diparampo, tae’ nama’din ma’puasa.

MARKUS 2:20

Apa la sae tu allona, to ke dialami dio mai kalena tu to diparampo, iamo pole’ to namane ma’puasa.

LUKAS 17:22

Pakalan Nakuami lako anak gurunNa: Manassa la sae tu allona, ke mikailui la untiroi sangallo tu alloNa Anak rampan dilino, anna tae’ mila untiroi.

LUKAS 5:34

Nakuami Yesu lako tau iato: Ma’apai mila ussuai tu to pasolan la ma’puasa, ke sisolapi to diparampo?

LUKAS 5:35

Apa la sae tu allona, to ke dialami dio mai kalena tu to diparampo, iamo pole’ to namane ma’puasa.

YOHANES 16:6

Iamira tu Kupokadamo lako kalemi tu mintu’nato, anna ponnomo lan penaammi tu kamasussan.

YOHANES 3:29

Iatu ampunna baine la dirampanni kapa’, iamotu muane la urramppanni kapa’; apa iatu sangmuanena muane la diparampo, ke’de’ umperangii, lendu’ parannunna belanna narangi gamaranna tu muane la diparampo; na totemo te sundunmo tu kaparannuangku.

PENGGAURANNA RASULU’ 14:23

Iatonna mangkamo umpamanassanni tu mai penatuanna ke misa’oi kombongan, namassambayang sia ma’puasa, nasorongmi tu tau lako Puang napatongan.

1 KORINTUS 7:5

Da mima’pasitanan, bokoranna ke pada elo’mi patomalimmi ba’tu sangapa-apa, anna den kapalambirammi massambayang, mimane sisola sule, da anna rosokomi deata bulituk, apa tae’ mibelai untaloi kalemi.

2 KORINTUS 11:27

Lan kamara’tasan sia kamasussan, pembudana’ maroya, lan katangdiaran sia kama’rangan, pembudana’ mangelo, naalana’ sangkang sia tang ma’tamangkale.

KADA OMBO’ LAKO RASULU’ YOHANES 19:9

Nakuami lako kaleku: Sura’i susite: Maupa’ tu mintu’ to ditoratu lako pa’maruasan rampanan kapa’Na Anak domba iato. Ma’kadami lako kaleku, nakua: Iamote tu kadanNa Puang Matua, tu kada tongan.

KADA OMBO’ LAKO RASULU’ YOHANES 21:2

Kutiromi tu tondok maindan, Yerusalem ba’ru, songlo’ dao mai suruga, dao mai Puang Matua, sakka’ pakean susi misa’ baine ma’kapa’ umbeloi kalena, anna parannu tu muanena.