MATIUS 8:34 - Sura' Madatu

³⁴ Sangsunammi tu mintu’ pa’tondokan umpellambi’i Yesu; iatonna tiromi, mengkamoya-moyami lako kumua anNa soro’ lan mai lili’na tondokna.

MATIUS 8:34 ပူးပေါင်းရင်းမြစ်များ

1 DATU 17:18

Ma’kadami lako Elia nakua: Umbamora la mipakuanna’, e taunNa Puang Matua? Rampokomi inde te banuangku la ma’pakilala diona salaku na kamumora napobannang anna mate tu anakku.

1 DATU 18:17

Iatonna tiromi Ahab tu Elia, nakuami lako: Inderokoka te, e to umpamandasa to Israel?

AYUB 21:14

Apa ma’kada lako Puang Matua nakua: ToyangKomi dio mai kaleki, belanna tang kiporai untandai tu lalanMi.

AYUB 22:17

Tu ma’kada lako Puang Matua nakua: ToyangKomi dio mai kaleki! sia: Apara tu ma’din Napogaurangkanni To umpoissan angge maritik?

AMOS 7:12

Undinnato ma’kadami tu Amazia lako Amos nakua: E to patanda-tandan! mallaiko madoi’ lako tondok Yehuda; inde to dio la munii ungkande roti sia ma’nubua’.

MATIUS 8:29

Melalla-lallami sola duai nakua: La siaparaki’, e AnakNa Puang Matua? Iaraka Misae te, la saeKomi umpakario-riokanni dolo namane attunna?

LUKAS 5:8

Iatonna tiromi Simon Petrus tu iannato, lumbangmi rokko to’ guntu’Na Yesu, nakua: O Puang, toyang-toyangKomi dio mai kaleku, belanna aku te to kasalanna’!

LUKAS 8:28

Iatonna tiromi tu Yesu, melallak-lallakmi nasongka dio tingayoNa sia bassa’ bang metamba-tamba, nakua: La siapariki’ e Yesu, AnakNa Puang Patodoranna? Kupalaku lako Kalemi da Mipakario-riona’.

PENGGAURANNA RASULU’ 16:39

Saemi unnaran-naranni sola duai; anna solanni lako salian napalakui kumua anna soro’ lan mai tondok iato.

PA’TOLE 5:25

Apa ma’apai anta la mate totemo? Belanna iate api kapua la umballaki’; iake masaipiki’ urrangi gamaranNa PUANG, Kapenombanta, manassa la mateki’.

1 SAMUEL 16:4

Napogau’mi Samuel susitu kadanNa PUANG, anna male lako Betlehem. Pada saemi sipa’parondoan tu mintu’ pangulunna tondok iato, anna ma’kada nakua: Melo siaraka tu misaean?