MATIUS 8:26 - Sura' Madatu

²⁶ Nakuami ungkuanni: Ma’apai ammi mataku’, e to tangkan ma’patongan? Mangkato milikmi, Nata’tanni tu angin sia bombang; rapa’ bangmi.

MATIUS 8:26 ပူးပေါင်းရင်းမြစ်များ

PA’PUDIAN 65:7

Tu diona kamatotoramMi amMi pabantang buntu, belanna umpotambeke’Komi kakuasan.

PA’PUDIAN 89:9

O PUANG, Kapenombanna mintu’ ma’dandan maritik, mindara tu sumpu kuasa susi Kamu, o PUANG? Iatu kamarurusamMi untalimbung tamaKomi.

YESAYA 63:12

Lima mala’bi’Na Narendenanni tu lima kananna Musa sia umpasisarak uai dio tingayona tau iato mai, la umpatulangdanan Kalena misa’ sanga matontongan.

NAHUM 1:4

Nagarrak tu tasik sia Napamarangke sia mintu’ salu Napaba’ta’. Iatu Basan sola Karmel tang me’dukmo, sia mintu’ daun-daun dao Libanon malayumo.

HABAKUK 3:8

SengkeroKomika lako mintu’ salu, o PUANG, dukkuraka tu kasengkeamMi lako mintu’ salu, ba’tu re’dekraka tu ara’Mi lako tasik, amMi sakei tu darangMi, ba’tu kareta kapataloamMi?

MATIUS 16:8

Iatonna issanmi Yesu tu diongna penaanna, Nakuami ungkuanni: E to tangkan ma’patongan, ma’apari ammi sipa’kada-kada misara, iaraka tu kataeranna roti dio kalemi?

MATIUS 17:20

Nakuami ungkuanni: Tu belanna mandalle’ pa’patonganmi. Apa tonganna Kukua mati’: iake denni kapatonganammi pada lise’ sawi, ammi kua lako te buntu: Tilengka’ko indete lako, manassa tilengka’; inang tae’ tu tang la dadi dio kalemi.

MATIUS 6:30

Iake susito tu Puang Matua umbeloi tu riu dio lu padang, tu tuo siapa te allo iate, anna manikale’ dibuangmo tama api dapo’, ondong pissan tu kamu, e to tangkan ma’patongan?

MATIUS 8:27

Mangnga nasangmi tinde tau, nakua: Mindaraka Ia te Tau te, na moi angin sia tasik unturu’ dukai tu parentaNa?

LUKAS 4:35

Nasarabaimi Yesu, Nakua: ma’loko-lokoko, pallaiko dio mai kalena. Nasongkammi deata masussuk tinde tau lan tangnga-tangngana tau, namane sun lan mai, tae’ bangra napatumba-tumbai.

ROMA 4:20

apa belanna ungkilalai pangallu’Na Puang Matua, tae’mi nabata butung to tanggan ma’patongan, sangadinna sadipamatoto’-toto’na lan kapatongananna umpakala’bi’ Puang Matua,

KADA OMBO’ LAKO RASULU’ YOHANES 10:2

Lan limanna den misa’ sura’ bitti’ tibungka’; iatu lette’ kananna mellese diong tasik, na lette’ kairinna dao karangkean;