MATIUS 8:16 - Sura' Madatu

¹⁶ Iatonna makaroenmo budami to natamai deata bulituk nasolan tau lako, anNa sisangbukuri kadanNa urrambai tu deata bulituk sia Napamaleke tu mintu’ to nasanta’ saki,

MATIUS 8:16 ပူးပေါင်းရင်းမြစ်များ

KATASSURAN 15:26

Sia ma’kadapa tu Puang, Nakua: Iake muperangii tonganni tu kadanNa PUANG, Kapenombammu sia mupogau’ tu apa malambu’ dio oloNa sia mutananni talinga duammu tu mintu’ pepasanNa sia mukaritutui tu mintu’ apa Napondok, manassa mintu’ tu saki Kupata’pa lako to Mesir, moi misa’ tae’ la Kupata’pa lako kalemi, belanna Akumo PUANG, To ma’dampimmu!

MATIUS 12:22

Tonna iato nabaami lako Yesu tu to natamai deata masussuk misa’, to buta sia mamang; Napamatanami, anna ma’kada-kada tu to mamang iato sia pakita.

MATIUS 14:14

Rampomi tu Yesu, Nakitai tu tau lendu’ budanna; mamassengmi lako tau iato mai, Napamalekei tu mai mintu’na masakinna.

MATIUS 8:15

Nakaka’mi tu limanna, napa’de tu lalla’na; milikmi, anna ia umparakai.

MATIUS 8:33

Sipa’dondo-dondoammi mallai tu to mangkambi’na tinde bai male tama tondok, napa’peissananni tu iannato, sia iatu diona tinde to nataba deata masussuk.

MATIUS 9:2

Nabaami tau lako tu to kupi’ misa’, mamma’ bang diong ampa’na; belanna Natiro Yesu tu kapatongananna tinde tau, Nakuami ungkuanni tinde to kupi’: Parapa’i tu penaammu, e anakKu, dipa’deimo tu kasalammu.

MARKUS 2:3

Saemi tau umbaai lako oloNa tu to kupi’ misa’, nabulle tau a’pa’.

MARKUS 5:8

Belanna Nakuamo Yesu lako: E deata masussuk, mallaiko lan mai tau iate.

MARKUS 9:25

Tonna tiroi Yesu tu to buda sirampun dio to’ inan iato, Nasarabaimi tu deata masussuk sia Nakua lako: E deata mamang sia taru, Kusuako mallai dio mai kalena, sia da’mo mutama pole’ sule.

LUKAS 13:12

Iatonna tiromi Yesu, Natambaimi sae lako Kalena, Namane kumua: E, baine, la dirampanammoko dio mai te sakimmu.

LUKAS 4:40

Iatonna lambunmo allo, nabaami tau lako Yesu tu mintu’ to masakinna, ma’rupa-rupa tu sakinna, Naremme’ simisa’mi limanNa, Napamalekei.

LUKAS 4:41

Buda tau nanii sun deata masussuk melalla-lalla lan mai kalena, nakua: Kamumo tu AnakNa Puang Matua. Nata’tanmi, tang Natangga’ ma’kada, belanna natandaimo, kumua inang iamotu Mesias.

PENGGAURANNA RASULU’ 5:15

naurunganni nabaa tau sun lako to’ batatta tu mai to masaki, napatorroi diong ampa’ sia sindangan, kumua den sia manii misa’ tinde tau naonganni bayo-bayona Petrus ke lendu’i.