MATIUS 7:29 - Sura' Madatu

²⁹ Belanna susi misa’ to paa unnada’i tu tau, senga’ bang Ia na iatu mai pandita Sura’na.

MATIUS 7:29 ပူးပေါင်းရင်းမြစ်များ

TOMANGADA’ 8:4

Belanna patalo tu kadanna datu sia mindara ma’din ma’kada lako kalena. Kumua: Matumbari tu penggaurammi?

YESAYA 50:4

Nakamaseina’ Puangta PUANG kamalutean ma’kada, kumua angku issanni umpakatanai tu to bo’yo’: Napamillikna’ ke melambi’i, sia Napatanan tu talingangku, angku ma’perangi susito mai pia ma’guru.

MIKHA 3:8

Apa iatu aku, naponnoina’ kamatotoran, sia PenaanNa PUANG, sia salunna sia kamawatangan, la umpokadanni Yakub tu kapatodo-tintinganna sia Israel tu kasalanna.

MATIUS 28:18

Napentireke’imi Yesu, anNa ma’kada lako tu tau, Nakua: Mintu’na kakuasan disorongmo lako Kaleku, la dao suruga la lan te lino.

MATIUS 5:20

Belanna Kukua lako Kalemi: Iake tae’i nalosong tu kamaloloammi na iatu kamaloloanna pandita Sura’ sia to Farisi, dennoraka mila tama len Parenta Suruga.

MATIUS 5:28

Apa Aku Kukua mati’ kumua, minda-minda tu umpenunu misa’ baine anna sae kamoraianna lako, mangkamo ia pasandak salu lako rampanan kapa’ lan penaanna lako tu baine to.

MATIUS 5:32

Apa Aku Kukua mati’: Minda-minda tu untantang bainena sangadinna ke passalan kalosi dibuni, ia untumangi napasandak salu lako rampanan kapa’ tu baine, sia minda-minda umpobainei tu baine ditantang susi to, ia dukamo pasandak salu lako rampanan kapa’.

MATIUS 5:44

Apa Aku Kukua mati’: Ala masei tu ualimmi, sia passambayanganni tu to umpakario-riokomi,

MATIUS 7:28

Pakalan iatonna upu’mo Yesu umpokadai tu mintu’na kada iato, lendu’mi tirambanna tu to buda diona tu pangadaranNa.

MATIUS 8:1

Iatonna mengkalaomo Yesu dao mai buntu iato, lendu’mi budanna tau undi unturu’I.

LUKAS 20:8

Nakuami Yesu lako tinde tau: Iamoto natae’ duka Kumorai umpokadangkomi, kuasa apara Kupokuasa, umpogau’i te mintu’na te.

LUKAS 21:15

belanna la Kubenkomi kada sia kamanarangan, tu tang nalambi’na nabali ba’tu nagaga mintu’ to unnea- komi.

PENGGAURANNA RASULU’ 6:10

Apa tae’ nabelai tinde tau unneai tu kakinaan sia Penaa urrondongi ma’kada-kada.