MATIUS 7:28 - Sura' Madatu

²⁸ Pakalan iatonna upu’mo Yesu umpokadai tu mintu’na kada iato, lendu’mi tirambanna tu to buda diona tu pangadaranNa.

MATIUS 7:28 ပူးပေါင်းရင်းမြစ်များ

PA’PUDIAN 45:2

Tiakka’ tu penaangku la umpokada kada masokan, la ussengoanna’ datu, iatu lilaku susi peoki’na to malute mangoki’.

MATIUS 11:1

Iatonna upu’ Yesu umpepasananni susito lako tinde Anak gurunNa sangpulo dua, ke’de’Mi dio mai la lao mangada’i sia umpa’peissanan Kareba kaparannuan lan lu kotana tau.

MATIUS 19:1

Iatonna mangkamo tu Yesu umpaupu’i tu mintu’ kada iato, ke’de’Mi dio mai tana Galilea; Narampo lako lili’na tana Yudea, tu nabala salu Yordan lian.

MATIUS 22:33

Iatonna rangii to buda tu iannato, lendu’mi napomangngana tu pangadaranNa.

MATIUS 26:1

Iatonna mangkamo Yesu unnupu’i tu mintu’ kada iato, ma’kada pole’omi lako anak gurunNa Nakua:

MATIUS 7:27

saemi uran kamban, nasaba’ tu uai sia angin bara’ ma’pamumbuk anna tu’ba’i tu banua: ro’pokmi naumbassan male.

MATIUS 7:29

Belanna susi misa’ to paa unnada’i tu tau, senga’ bang Ia na iatu mai pandita Sura’na.

MARKUS 1:22

Lendu’mi tirambanna tu tau mintu’ diona pangadaranNa, belanna susi misa’ to paa unnada’i tu tau, senga’ bang na iatu mai pandita Sura’.

MARKUS 11:18

Narangimi mintu’ pangulu to minaa sia pandita Sura’ tu kada iato, undaka’mi tangnga’ la morai ussanggangi; apa mataku’ tinde tau lako, belanna mintu’na tau umpotirambanni tu pangadaranNa.

MARKUS 6:2

Iatonna allo katorroammo Naparandukmi mangada’i lan banua pa’kombongan; mangnga nasangmi tu mintu’ to buda tonna rangi sia nakua: Umbara Nanii unnalai te tau iate tu iannato sia tumba ia tu kamatarrusan dikamaseanNi? Anna paden duka tanda mangnga susito, tu limanNa?

LUKAS 19:48

apa tae’ naappa’i tu la napogau’na belanna iatu to buda la’ka nasang penaanna lako Yesu, sia naperangii tu pangadaranNa.

LUKAS 2:47

Mintu’na tu tau urrangii tu kadanNa Puang Yesu, nakamangngai nasang tu kamanaranganNa sia mintu’ pebalinNa.

LUKAS 4:22

Natonganan nasangmi tau tu kadanNa sia napomangnga tu kada sun dio pudukNa umpabu’tu kapaimanan, nakuami tu tau: tang anaknaraka Yusuf te?

LUKAS 4:32

Napotiramban nasangmi penaanna tau tu pangadaranNa, belanna matoto’ tongan tu kadanNa.

LUKAS 7:1

Iatonna upu’mo kadanna Yesu lako to buda, malemi tama tondok Kapernaum.

YOHANES 7:15

Mangngami tu to Yahudi nakua: Umba Ia nakua te Tau te untarru’i tu mai Sura’ anna tae’ Namelada’?

YOHANES 7:46

Nakuami mebali tu to disua: Tae’pa ia naden len tau ma’kada susitu tau ia tu.