MATIUS 7:25 - Sura' Madatu

²⁵ saemi uran kamban nasaba’ tu uai, sia ma’paliu bara’ umpamumbukki sia untu’ba’i tu banua; apa tae’ naro’pok, belanna umpoparandangan batu lappa’.

MATIUS 7:25 ပူးပေါင်းရင်းမြစ်များ

SARAMBU PEADA’ 10:25

Iake saei tu talimpuru’ nalendu’ ma’kasanggang, la pa’de tu to tang me- kaaluk, apa iatu to malambu’ bendan butung misa’ parandangan maton- tongan.

MALEAKHI 3:3

Belanna la unno’ko’ ungkombong salaka sia umpamatasakki. La usseroi bati’na Lewi sia la ussudii susi bulaan sia salaka, kumua anna pemalaranni lako PUANG tu pemala’ situang kamaloloan.

MATIUS 16:18

Sia Aku Kukua mati’ kumua, ikomo te tu Petrus, sia dao batu iate la Kunii umpabendan kombongangKu, sia bambana mukkun tae’ nabelai untaloi.

MATIUS 7:24

Iamoto minda-minda tu urangii te mintu’ kadangKu naturu’i, iamo dipasusi misa’ to kinaa tu umpabendan banuanna dao batu lappa’,

MATIUS 7:26

Sia minda-minda tu urrangii te mintu’ kadangKu, apa tae’ naturu’i, iamo dipasusi misa’ to baga, tu umpabendan banuanna dao to’ bungin;

MATIUS 7:27

saemi uran kamban, nasaba’ tu uai sia angin bara’ ma’pamumbuk anna tu’ba’i tu banua: ro’pokmi naumbassan male.

PENGGAURANNA RASULU’ 14:22

na umpabatta’ penaanna to menturu’ sia napakilala kumua anna manda’ lan kapatonganan, nakua: tae’ nasalai tang buda kamaparrisan umpatuki’ tu tama ParentaNa Puang Matua.

EFESUS 3:17

anNa torroi Kristus tu penaammi tete dio kapatonganan sia ammi mennuaka’ sia keparandangan lan pa’kaboro’,

KOLOSE 2:7

mennuaka’komi sia bantangkomi lan Kalena sia batta’komi lan kapatonganan, susitu mangka diadarangkomi, ammi pabuda pa’kurre sumanga’.

YAKOBUS 1:12

Maupa’ tu to batta’ untanggung peroso, belanna ke mangkami disudi, la unnappa’ katuoan dadi makotana, tu Naallu’ Puang Matua lako mintu’ to ungkamali’I.

1 PETRUS 1:5

tu Narinding pala’ kuasanNa Puang Matua tete dio kapatonganan lu lako kamakarimmanan tu diparandan la dipasombo, ke attu ma’katampakanna.

1 PETRUS 1:7

kumua anna kalantukan kapatonganammi tu disudi – tu mandu keangga’ na iatu bulaan la sanggang moi anna disudi api – la payan kumua umpabu’tu kapudian sia kamala’biran anna kadipangkeran, ke attunnamo sombo tu Yesu Kristus,

1 YOHANES 2:19

Messarakmo dio mai kaleta tu tau iato mai, apa inang tangia solata, belanna iake solatai tae’ nasalai tang mari’pi ussisolangki’; apa messarak ia anna payan kumua tae’ na ia nasang solata.