MATIUS 7:24 - Sura' Madatu

²⁴ Iamoto minda-minda tu urangii te mintu’ kadangKu naturu’i, iamo dipasusi misa’ to kinaa tu umpabendan banuanna dao batu lappa’,

MATIUS 7:24 ပူးပေါင်းရင်းမြစ်များ

AYUB 28:28

apa lako tolino ma’kada Nakua: Manassa iatu kamatakuran lako Puang – iamo kakinaan sia toyang dio mai kakadakean, iamo patiro penaa.

PA’PUDIAN 111:10

Iatu ungkataku’ PUANG oto’na mintu’ kakinaan; minda-minda umpogau’i susito, iamoto kinaa. Sia iatu kadipudianNa tontong sae lakona.

PA’PUDIAN 119:130

Kadipapayananna kadamMi umpamasiang sambu’ penaanna tau. Sia umbenni tangnga’ kinaa tu to tang unnampui tangnga’ kinaa.

PA’PUDIAN 119:99

Sia mandu matarru’na’ aku anna gurungku, belanna mintu’ kasa’biamMi iamo kutangnga’-tangnga’.

SARAMBU PEADA’ 10:25

Iake saei tu talimpuru’ nalendu’ ma’kasanggang, la pa’de tu to tang me- kaaluk, apa iatu to malambu’ bendan butung misa’ parandangan maton- tongan.

SARAMBU PEADA’ 10:8

Minda-minda tu ma’penaa kinaa la untarima pepasan, apa minda-minda tu ma’kada baga, la sanggang.

SARAMBU PEADA’ 12:7

Iatu to tang mekaaluk disongkammo anna rabun, apa iatu banuanna to malambu’ la bantang ia.

SARAMBU PEADA’ 14:8

Iatu kakinaanna to manarang, iamotu untandai kalena lalanna, apa iatu kabaganna to tang paissan pa’pakena manna pa’rampoananna.

MATIUS 12:50

Belanna minda-minda tu umpogau’ pa’poraianNa Ambe’Ku dao suruga, iamoto tu siulu’Ku muane sia anak darangKu sia indo’Ku.

MATIUS 16:18

Sia Aku Kukua mati’ kumua, ikomo te tu Petrus, sia dao batu iate la Kunii umpabendan kombongangKu, sia bambana mukkun tae’ nabelai untaloi.

MATIUS 24:45

Mindara tu kaunan maruru’ sia kinaa, tu napakuasa puangna umpoissan mintu’ rurananna la umpapantanni kande ke attunnaomi?

MATIUS 25:2

Ia tinde baine, lima tu baga, na lima tu kinaa.

MATIUS 25:4

Apa iatu kinaanna umbaa minna’ lan pa’pannianna sia lan palitanna.

MATIUS 25:9

Apa mebali tu kinaanna nakua: Umbai tae’mo ia nala silasa ke la kibenkomi pira; melo ke laomokomi lako to ma’baluk, ammi allii kamu.

MATIUS 7:25

saemi uran kamban nasaba’ tu uai, sia ma’paliu bara’ umpamumbukki sia untu’ba’i tu banua; apa tae’ naro’pok, belanna umpoparandangan batu lappa’.

MATIUS 7:26

Sia minda-minda tu urrangii te mintu’ kadangKu, apa tae’ naturu’i, iamo dipasusi misa’ to baga, tu umpabendan banuanna dao to’ bungin;

LUKAS 11:28

Apa Nakua Yesu: Ia ria maupa’ tongan tu mintu’nato umperangii kadanNa Puang Matua sia ungkaritutuinnai.

YOHANES 13:17

Iake mitandai tu mintu’nate, maupa’komi, ke mipogau’i.

YOHANES 14:15

Iake mikamali’Na’, la mikaritutui tu mintu’ parentaKu.

YOHANES 15:10

Iake ungkaritutuikomi mintu’ parentaKu, manassa tontongkomi lan pa’kaboro’Ku, susi Aku mangkamo ungkaritutui mintu’ parentaNa Ambe’Ku sia tontong lan pa’kaboro’Na.

YOHANES 15:14

Kamumo te tu sangmaneKu, ke mipogau’i tu apa Kupa’peannan lako kalemi.

ROMA 2:13

Belanna tangia to urrangi bangri Sukaran aluk tu la malolo dio oloNa Puang Matua, sangadinna iaritu to umpogau’ sukaran aluk tu la dibilang malolo.

1 YOHANES 2:3

Dionamote taissanni kumua tatandaimo, iake takaritutui tu parentaNa.