MATIUS 6:9 - Sura' Madatu

⁹ Iamoto dadi la mikua massambayang: O Ambe’ki dao suruga, (kipalaku) anna dipakala’bi’ tu sangamMi:

MATIUS 6:9 ပူးပေါင်းရင်းမြစ်များ

2 SAMUEL 7:26

Iake susito la mala’bi’ tu sangamMi sae lakona, sia la nagente’ tau, kumua: Iatu PUANGna mintu’ ma’dandan maritik, iamo Kapenombanna to Israel, sia tongkonanna Daud, taumMi, la manda’ dio oloMi.

1 DATU 8:43

la Miperangii dao mai suruga inan matontongamMi, sia pasituru’i tu mintu’ apa napengkamoyai tu to sae lako Kalemi, anna mintu’ bangsa dao kuli’na padang untandai tu sangamMi, naurunganni umpangke’Komi tu tau iato mai, susi taumMi to Israel, sia anna tandai, kumua sangamMimo tu disa’buranni te banua iate, tu mangka kupabendan.

1 OSSORANNA DATU 17:24

Iake susito iatu sangamMi la bantang sia la pasareongan sae lakona, anna gente’i tau kumua: Iatu P UANGna mintu’ ma’dandan maritik, Kapenombanna to Israel, iamo misa’ Kapenomban lako to Israel, sia iatu bati’na Daud, taumMi, la manda’ dio oloMi.

2 OSSORANNA DATU 20:6

sia ma’kada nakua: O PUANG, Kapenombanna nene’ to doloki, tang Kamuraka Puang Matua lan suruga, sia tang Kamu dukaraka umparenta mintu’ kadatuanna mintu’ tu mai bangsa? Lan limamMi tu kapaan sia kamatotoran, naurunganni moi misa’ tau tae’ ungkullei tumanan unneaKomi.

NEHEMIA 9:5

Ma’kadami tu to Lewi Yesua, Kadmiel, Bani, Hasabneya, Serebya, Hodia, Sebanya na Petahya, nakua: Ke’de’komi, pudii tu PUANG, Kapenombammi, tempon dio mai landa’ lako attu situran; la napudi tau tu sanga mala’bi’Mi, tu ussamboi mintu’ kadipudian sia kadipangkeran.

PA’PUDIAN 111:9

Napadenan kadilendokan tu taunNa, sia Naarra’i tu basseNa tontong sae lakona; iatu sanganNa masero sia metakuran.

PA’PUDIAN 115:3

Iatu Kapenombangki dao mai suruga, mintu’ pa’poraianNa Napogau’ Ia.

PA’PUDIAN 72:18

Mintu’na kadipudian lu langngan nasang PUANG Kapenomban, tu Kapenombanna Israel, Ia mannari ia tu umpogau’ penggauran kalle-kallean.

YESAYA 37:20

Iamoto, o PUANG, Kapenombangki, lendokangkan dio mai limanna, anna issanni mintu’ kadatuan lan te lino, kumua Kamu mannari, o PUANG, misa-misa tu Puang Matua.

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

YESAYA 6:3

Metambami tu misa’ ungkuanni tu misa’ nakua: Maindan, maindan, maindan tongan tu PUANGna mintu’ ma’dandan maritik, iatu mintu’ lino naponnoi kamala’biranNa.

YESAYA 63:16

Kamumo tu Ambe’ki, belanna tae’mo naissankan Abraham, sia tae’mo natandaikan Israel; Kamumo, o PUANG, tu Ambe’ki, sia Pela’bakki tempon dio mai, susimoto tu sangamMi.

YESAYA 64:8

Apa totemo, o PUANG, Kamumo tu Ambe’ki; pitti’kan te, na Kamu tu To tumampaki, sia kami sola nasang panggaraga limamMikanni.

YESAYA 66:1

Nakua kadanNa PUANG: Iatu langi’ iamo isungan kapayungangKu, na iatu lino iamo pelleseangKu; umbamira tu banua la migaraganNa’, ba’tu umbamira tu inan kapelayoangKu?

YEHEZKIEL 36:23

La Kupamadatu tu sanga pasareongangKu tu mangka dipamatuna dio lu mintu’ bangsa, sia tu mangka mipamatuna dio lu mintu’ bangsa, kumua Akumo tu PUANG, kadanNa Puangta PUANG, ke Kupamanassai dio pentirona tau iato mai, kumua Akumo tu To madatu.

YEHEZKIEL 38:23

La Kupasombo tu Kaleku, kumua pasareongan sia madatu sia umpa’petandan Kaleku lako buda bangsa anna tandai, kumua Akumo tu PUANG.

SURA’ KATOMINAAN 10:3

Ma’kadami tu Musa lako Harun nakua: Inde sia tu Napokada PUANG Nakua: Lako tu tau rengke’ tongan dio Kaleku, la Kupamanassan kumua MaindanNa’ sia dio pentirona mintu’ bangsa la Kupapayan tu kamala’birangKu. Kappami tu Harun.

HABAKUK 2:14

Belanna la naponnoi kapaissanan diona kamala’biranNa PUANG tu mintu’ lino, susi uai buda ussamboi salinna tasik.

ZAKHARIA 14:9

Sia PUANG la dadi datu lan mintu’ lino; allo iato la misa’ri tu PUANG sia iatu sanganNa la misa’ dukari.

MALEAKHI 1:11

Belanna dio mai tu inan nanii berre’ mata allo sae lako naninna lambun, pasareongan tu sangangKu dio lu mintu’ bangsa, sia dio mintu’ inan dinii umpennoloan dupa sia pemala’ masero tu sangangKu, belanna pasareongan sangangKu dio lu mintu’ bangsa, kadanNa PUANGna mintu’ ma’dandan maritik.

MATIUS 10:29

Tang misa’raka seng lompo nabalukananni tau tu dena’ da’dua? Apa moi misa’ tae’ duka natobang rokko padang, ke tangia pangeloranNa Ambe’mi.

MATIUS 23:9

Sia da naden tau misa’ misanga ambe’ lan te lino, belanna Misa’ri tu Ambe’mi, Iamotu dao suruga.

MATIUS 26:29

Apa Kukua mati’ kumua randuk te attu iate tae’mo Kula unniru’ uai bua anggoro’ sae lako tairu’na sola, tu ba’runna lan parentaNa Ambe’Ku.

MATIUS 26:42

Male pole’omi massambayang tonna ma’penduanna, Nakua: O Ambe’, iake tae’i nala tilendok dio mai Kaleku te irusan iate, sangadinna inang la Kuiru’ina, pa’poraiamMi tongan.

MATIUS 5:16

Susi dukamoto la ma’lana-lana tu arangmi dio tingayona mintu’ tau, anna kitai tu gau’ melomi, napakala’bi’i tu Ambe’mi dao suruga.

MATIUS 5:48

Iamoto dadi la tae’ sayuammi, susi Ambe’mi dao suruga tae’ sayu-sayuanNa.

MATIUS 6:14

Belanna iake umpagarri’komi salana tau, tae’ Natang umpa’dei dukai Ambe’mi dao suruga tu salami.

MATIUS 6:6

Apa iatu iko, iammu la massambayang, kendekko langngan banuammu mutama inanmu, musalli’i tu ba’bamu, ammu massambayang langngan Ambe’mu Puang tang kakitanan, anna Ambe’mu tu ungkita tang kakitananna, Iamo la umpapakkanni lako kalemu.

MATIUS 7:11

Iamoto, ia duka tu kamu to kadake miissan duka umbengan pamengan melo lako anakmi, ontong pissan tu Ambe’mi dao suruga la umpa’bengan apa melo lako to umpalakui lako Kalena?

LUKAS 15:18

La ke’de’na’ kuloo umpellambi’i ambe’ku, kukuamora lako: O ambe’, kasalammo’ lako Puang Matua sia lako kalemi.

LUKAS 15:21

Apa nakua tu anakna lako: O ambe’ kasalammo’ lako Puang Matua sia lako kalemi; dadi tang sipatumo’ la misanga anakmi.

LUKAS 2:14

Mintu’na kadipangkeran lu langngan nasang Puang Matua dao madona, sia kamarampasan lan lino lako to Nakaelo.

YOHANES 20:17

Nakuami Yesu lako: Da mukaka’Na’ mai, belanna tae’pa Kukendek langngan Ambe’; apa laomoko lako mintu’ siulu’Ku, sia pokadanni kumua: La kendekNa’ langngan Ambe’Ku sia Ambe’mi, PuangKu sia Puangmi.

ROMA 1:7

Diparampo lako mintu’ tau dio Roma tu Nakamaseinna Puang Matua sia dipamarimbanganmo mendadi to masallo’. Narampoimorokomi kamaturu-turuan sia kamarampasan dio mai Puang Matua Ambe’ta sia Puangta Yesu Kristus.

ROMA 8:15

Belanna tangia unnappa’komi penaa kakaunanan naurunganni mataku’pokomi, sangadinna unnappa’mokomi Penaa umpadadikomi to dianak, tu tabannang metamba kumua: Abba, o Ambe’!

GALATIA 1:1

Iate sura’ lu dio mai Paulus, misa’ rasulu’ – tang lu dio mai tolino sia tang petambana duka tolino, sangadinna petambaNa Yesu Kristus sia Puang Matua Ambe’, tu mangka umpamalimbangun Yesu dio mai to’ to mate –,

GALATIA 4:6

Belanna diona kadianakammi Namangkamo Puang Matua ussua PenaanNa AnakNa tama penaanta tu metamba kumua: Abba, o Ambe’.

1 TIMOTIUS 6:16

Tu Ia manna unnampui tu tang mate, sia unnesungi arrang tang dirandan, tu tae’ lenpa tau untiroi ba’tu ma’din untiroi, na mintu’na kamala’biran sia kapaan matontongan lu lako nasang Kalena! Amin.

1 PETRUS 1:17

Iake misa’bu’i Ambe’, tu mangra’ta’ tang pakayun bimbang sitinaya penggauranna simisa’-misa’ tau, dadi la lolang mataku’komi, angge mempuemipa lan te lino,

KADA OMBO’ LAKO RASULU’ YOHANES 4:11

O Puang, Kapenombangki, sipatuKomi untoe kadipakala’biran sia kadipangkeran sia kapaan, belanna Kamumo umpadadii tu mintu’ apa sia pa’poraiamMi duka anna den tu mintu’na sia anna dipadadimo.

KADA OMBO’ LAKO RASULU’ YOHANES 5:12

tu ma’kada umpekapuai gamaranna: Sipatu tu Anak domba tu direre’ untarima kuasa sia kasugiran sia kakinaan sia kamatotoran sia kadipangkeran sia kamala’biran sia kadipudian.