MATIUS 6:5 - Sura' Madatu

⁵ Iammi massambayang, da misusi to belo puduk; belanna naporai ke’de’ massambayang lan lu banua pa’kombongan sia dio lu tetuk batatta kumua anna kitai tau. Tonganna tongan Kukua mati’, naala dolomo tu poleanna.

MATIUS 6:5 ပူးပေါင်းရင်းမြစ်များ

PA’PUDIAN 5:2

O PUANG, tananni talinga tu kadangku, sia palan ara’i tu sarroku.

PA’PUDIAN 55:17

Apa iatu aku te meongli’na’ lako Puang Matua, na PUANG la ullendokanna’.

SARAMBU PEADA’ 15:8

Iatu pemala’na to tang mekaaluk Nakagalli PUANG, apa iatu passambayangna to bulo lollong naala penaanNa Puang.

SARAMBU PEADA’ 16:5

Minda-minda matampo penaanna Nakagalli PUANG; manassa tae’ nala tilendok dio mai ukungan.

YESAYA 1:15

Iammi umpatado pala’ mabusammi, la Kupasalaikomi mata; moi umpamakambankomi passambayangmi, tae’ duka angKu la umperangii; belanna limammi umpentombang rara.

YEREMIA 29:12

Attu iato la meongli’komi sia malekomi massambayang lako Kaleku, angKu perangiikomi.

DANIEL 6:10

Iamoto nasura’mi datu Darius tu sura’ parenta sola atoran iato.

MATIUS 21:22

Sia apa-apa mipalaku lan passambayangmi, ke mikatappa’i, manassa miappa’.

MATIUS 23:13

Upu’ allomi, e pandita Sura’ sia to Farisi, to belo puduk! belanna mitutu’ tu ba’ba Parenta Suruga miampangi tu tau. Kamu tang tama, na iatu to la morai tama migagai.

MATIUS 23:5

Napogau’ bang tu mintu’ penggauranna kumua nakitai tau; napekalua’i tu beke’ napake massambayang sia napekalandoi tu rombe-rombe sambu’na.

MATIUS 23:6

Sia naporai unno’ko’ dio inan madaoan lan pa’maruasan sia kao’koran mala’bi’ lan banua pa’kombongan,

MATIUS 6:1

Pengkilalai tonganni: da mipogau’i tu gau’ malolomi dio tingayona tau kumua nakitai tau: iake susito tae’ mitarimai tu poleanna dio mai Ambe’mi dao suruga.

MATIUS 6:16

Sia iammi ma’puasa, da misusi to belo puduk umpamaru’gun lindona; belanna umpamariga-riga rupanna anna tandan nakita tau kumua ma’puasa. Tonganna tongan Kukua mati’, naala dolomo tu poleanna tu tau iato.

MATIUS 6:2

Iamoto, iammu bengan pa’kamasean, da mupa’petendenganni tu iannato dio tingayomu, susitu napogau’ to belo puduk lan banua pa’kombongan sia dio lu lalan, kumua anna tendengi tau. Tonganna tongan Kukua mati’, inang naala dolomo tu poleanna.

MATIUS 9:38

Iamoto, dadi palakui langngan Puang ampunna bura padang anNa sua tau ungkasara’i tu bura padangNa.

MARKUS 11:25

Iake ke’de’komi massambayang, pagarri’i salana ke denni to mikalia-lia, anna pa’dei dukai Ambe’mi dao suruga tu mintu’ salami.

MARKUS 12:38

Napokadami lan pangadaranNa kumua: Kanandaikomi kalemi dio mai pandita Sura’, tu naporai bang male sumalong ma’bayu lamba’ sia morai bang dipekatabe’i dio lu pasa’,

LUKAS 11:43

Upu’ allomi, e to Farisi, belanna urrurui bangkomi kao’koran mala’bi’ lan banua pa’kombongan sia dipekatabe’i dio lu pasa’.

LUKAS 18:1

Napokadan pole’omi Yesu misa’ pa’pasusian lako tinde tau la umpamalesoi, kumua, sipatu tau la massambayang nenne’, da narayang.

LUKAS 18:13

Iatu passima mambela-bela tu nanii ke’de’, moi mentingara langngan langi’ tae’ nasarai, sangadinna ussa’pa-sa’pa ara’na, nakua: O Puang, ala masena’, aku te misa’ to kasalan!

LUKAS 20:47

sia iatu unnimbakan iananna baine balu sia naangga’-angga’i umpamalambe’ passambayangna; iatu tau susito mandu la narua tampak ropu.

LUKAS 6:24

Apa upu’ allomi, e to sugi’, belanna mialamo tu kamanamanammi.

YOHANES 16:24

Sae lako te totemo tae’ bangpa mipalaku apa tete dio sangangKu. Palakumi, ammi appa’i, nasundun tu kaparannuammi.

EFESUS 6:18

Tontongkomi massambayang lan mintu’ attu tete dio Penaa, umpotete mintu’ pangando sia passambayang, sia dikua ammi lambi’i tu iannato, la marea-reakomi umpengkullei sia umpassambayangan mintu’ to masallo’,

1 TESALONIKA 5:17

sia tang tore massambayang;

YAKOBUS 4:6

Apa Napa’bengan tu pa’kamasean mandu kapua. Iamo bannangna to anna kua lan Sura’ Madatu: Puang Matua umbali to matampo, apa Napa’kamasean tu pa’kamasean lako to madiongan penaanna.