MATIUS 6:31 - Sura' Madatu

³¹ Iamoto da miposelangi, kumua: Apara tu la kikande? ba’tu: Apara tu la kiiru’? ba’tu: Apara tu la kipotamangkale?

MATIUS 6:31 ပူးပေါင်းရင်းမြစ်များ

2 OSSORANNA DATU 25:9

Ma’kadami tu Amazia lako taunNa Puang Matua nakua: Umbamo la nakua tu saratu’ talenta tu mangka kuben surodadu Israel? Apa mebali tu taunNa Puang Matua nakua: Iatu diona PUANG tu la Nabenkomi losong na iate.

PA’PUDIAN 111:5

Naben kande lako tu to ungkataku’I; sia Nakilalai tu basseNa tontong sae lakona.

PA’PUDIAN 37:3

Posande’i tu PUANG sia pogau’i tu kameloan, mari’piko lan tana iate sia karitutui tu kamarurusan.

PA’PUDIAN 55:22

Iatu pudukna mandu malannang anna bumbungan pa’pamakko, apa iatu penaanna lan passigagan, sia iatu buangan kadanna mandu malamma’ anna boka’, apa mintu’nato butung to la’bo’ tibua’.

MATIUS 15:33

Nakuami tu anak gurunNa lako: Umbara la tanii unnala roti pada budanna to, indete padang pangallaran la dipediaranni te tau pada to?

MATIUS 4:4

Apa mebali Nakua: Den disura’ kumua: Tae’ nakande manna la napotuo tau, sangadinna ia duka tu mintu’ kada, tu Napokadanna Puang Matua.

MATIUS 6:25

Iamoto Kukua lako kalemi: Da miposelangi tu katuoammi, tu kumua: apa tu la mikande ba’tu la miiru’, ba’tu diona kalemi, kumua apa tu la mipake. Tae’raka nalosong tu penaa na iatu kande, sia kale na iatu tamangkale?

MATIUS 6:27

Mindarokomi kamu ke miposelangi ma’din umpamalambe’ sunga’mi sidi’ duka?

LUKAS 10:41

Mebalimi Yesu lako, Nakua: E Marta, Marta, masussa bangko iko sia buda tu nakita penaammu.

LUKAS 12:11

Iake nabaakomi tau lako olona to ma’kombongan tama banua pa’kombongan, ba’tu lako olona to ma’parenta, ba’tu lako to paa, da miposelangi kumua umba nakua ba’tu apa tu la mipebalian sia apa tu la mipokada;

LUKAS 12:22

Nakuami Yesu lako anak gurunNa: Iamoto Kukua lako kalemi: da miposelangi tu katuoammi, to kumua apa tu la mikande, ba’tu diona kalemi kumua apara tu la mipake.

LUKAS 12:29

Iamoto da miposelangi tu la mikandena ba’tu la miiru’na sia da nasitaa penaammi;

FILIPI 4:6

Da mikaselanganni tu diona apa-apa, sangadinna lan mintu’-mintu’na la miparampo nasang tu lanna penaammi langngan Puang Matua lan kapassambayangan sia pangando situru’ pa’kurre sumanga’.

1 PETRUS 5:7

Sorongi tu mintu’ kamasussammi lako Kalena, belanna Ia ungkaritutuikomi.