MATIUS 6:2 - Sura' Madatu

² Iamoto, iammu bengan pa’kamasean, da mupa’petendenganni tu iannato dio tingayomu, susitu napogau’ to belo puduk lan banua pa’kombongan sia dio lu lalan, kumua anna tendengi tau. Tonganna tongan Kukua mati’, inang naala dolomo tu poleanna.

MATIUS 6:2 ပူးပေါင်းရင်းမြစ်များ

PA’PUDIAN 112:9

Tibungka’mo pala’ mamasena sia mamengan lako to mase-mase, iatu kamaloloanna tontong sae lakona, sia salobo’-lobo’na tu tandukna mala’bi’.

PA’PUDIAN 37:21

Iatu to tang mekaaluk massuka’ natae’ napasulei, apa iatu to malambu’ maturu-turu anna mamengan.

SARAMBU PEADA’ 19:17

Minda-minda ungkamasei tobongko, ma’peindan lako PUANG, Puangmo la umpakkanni tu kameloanna.

SARAMBU PEADA’ 20:6

Buda tu tau umpudi kalena kamasokananna, apa iatu to matappa’, mindara ma’din ullambi’i?

TOMANGADA’ 11:2

Taa pitui, ondongpi taa karuai tu iannato belanna tae’ muissanni kamandasan apara la urrampoi te lino.

YESAYA 10:6

Kusuamo umpandasa misa’ bangsa tang mekaaluk sia Kukuan la ullaoi misa’ to sangpetayanan narua kasengkeangKu, la umpangrampai sia umpanglo’do’i anna lullu’i tu tau iato mai susi so’mak dio lu lalan.

YESAYA 58:7

Tangiaraka te tu puasa Kuporai kumua: la untaa-taako kandemu lako to tangdia’ sia umpopa’bongi to salamba salao mase-mase lan banuammu, iake untiroko misa’ to tang ma’tamangkale, la mupakei sia tae’ ammu la umpembunianni tu mai sangrara sangbu- kummu?

YESAYA 9:17

Belanna iatu katangmekaalukan ma’laka-laka butung api, tu ussopui duri sia a’da’ naballa, tu ummampu’i ranga’-ranga’ makamban lan pangala’, naurunganni kendek tu rambunna meumbun.

HOSEA 8:1

Padioi pudukmu tu napiri tanduk. Susi misa’ langkan maega tu kasanggangan sae urrampoi banuanNa PUANG! Belanna natengkaimo tau iato mai tu basseKu sia nabali-bali tu Sukaran alukKu.

MATIUS 15:7

E to belo puduk, tonganna bang tu apa mangka napoparunde nabi Yesaya pirambongi’ tu diona kamu, kumua:

MATIUS 16:3

Sia ianna melambi’na mikuami: La ma’paliu bara’ te allo iate, belanna mararang langi’ sia maru’gun. Tonganna iatu lilinganna langi’ manarangkomi umpasisengaranni, apa iatu tanda makalaen-laenna attu iate tae’ mitandai.

MATIUS 22:18

Apa belanna Natandai Yesu tu tangnga’ kadakena, Nakuami: E to belo puduk, ma’apai ammi toba-tobaNa’?

MATIUS 23:5

Napogau’ bang tu mintu’ penggauranna kumua nakitai tau; napekalua’i tu beke’ napake massambayang sia napekalandoi tu rombe-rombe sambu’na.

MATIUS 23:6

Sia naporai unno’ko’ dio inan madaoan lan pa’maruasan sia kao’koran mala’bi’ lan banua pa’kombongan,

MATIUS 24:51

nateba-tebai la’bo’ sia napakitai kataananna sisola to belo puduk. Indemoto nanii katumangiran sia kasisangeran isi.

MATIUS 5:18

Belanna tonganna Kukua mati’, sae lako rabunna langi’ sola lino, moi sangto’dikan ba’tu pada kanuku malotong tae’ napa’de len lan mai Sukaran alukNa Puang Matua sae lako dadinna nasang.

MATIUS 6:16

Sia iammi ma’puasa, da misusi to belo puduk umpamaru’gun lindona; belanna umpamariga-riga rupanna anna tandan nakita tau kumua ma’puasa. Tonganna tongan Kukua mati’, naala dolomo tu poleanna tu tau iato.

MATIUS 6:3

Apa iatu iko, iammu bengan pa’kamasean, da naissanni lima kairimmu tu apa napogau’ lima kananmu,

MATIUS 6:5

Iammi massambayang, da misusi to belo puduk; belanna naporai ke’de’ massambayang lan lu banua pa’kombongan sia dio lu tetuk batatta kumua anna kitai tau. Tonganna tongan Kukua mati’, naala dolomo tu poleanna.

MATIUS 7:5

E belo puduk! Alai dolo tu kayu sangbatang lan mai matammu, namane masero mukita unnalai tu bulisak lan mai matanna siulu’mu.

MARKUS 12:39

sia naporai unno’ko’ dio kao’koran mala’bi’ lan banua pa’kombongan sia inan madaoan lan pa’maruasan;

MARKUS 7:6

Nakuami Yesu lako: Tonganna bang tu apa mangka napoparunde nabi Yesaya pirambongi’ tu diona kamu, to belo puduk, susitu disura’, kumua: Manassa iate tau iate pudukna manna ungkasiri’Na’ apa iatu penaanna tae’ nalattu’ lako Kaleku.

LUKAS 11:41

Apa pa’kamaseammi tu apa lanna lu, ke la tang masero nasangi mitiro.

LUKAS 11:43

Upu’ allomi, e to Farisi, belanna urrurui bangkomi kao’koran mala’bi’ lan banua pa’kombongan sia dipekatabe’i dio lu pasa’.

LUKAS 12:33

Balukanni tu apa dio kalemi, ammi pa’kamaseanni; garagangkomi poro’-poro’ tang malusa kalemi, ianan dao suruga tae’ napura, tang nalambi’na to boko, sia tang nabala’-bala’na busung.

LUKAS 12:56

E to belo puduk! manarangkomi untiro lilinganna langi’ sola lino, umba nakua natae’ miissanni untiroi tandana tu allo totemo?

LUKAS 13:15

Apa Nabali Puang, Nakua: E to belo puduk, tae’raka mipantan umpasun tedongmi ba’tu darangmi lan mai barungna, ammi lao umpairu’i ke allo katorroan?

LUKAS 20:46

Kanandaikomi kalemi dio mai pandita Sura’, tu naporai bang male sumalong ma’bayu lamba’ sia morai bang dipekatabe’i dio lu pasa’ sia naporai unno’ko’ dio kao’koran mala’bi’ lan banua pa’kombongan sia inan madaoan lan pa’maruasan,

LUKAS 6:24

Apa upu’ allomi, e to sugi’, belanna mialamo tu kamanamanammi.

LUKAS 6:42

Ma’apari ammu la kumuara lako siulu’mu: E sangmuane! Da’ito angku alai tu bulisak lan mai matammu, anna iko kalena nanii kayu sangbatang lan matammu? E belo puduk, alai dolo tu kayu sangbatang lan mai matammu, namane masero mukita unnalai tu bulisak lan mai matanna siulu’mu.

YOHANES 13:29

Apa den tu ussangai kumua, belanna ia untoe doi’ tu Yudas, butung-butungmi to la Nakua ma’kada lako tu Yesu: Alliammiki’ tu apa la tapasakka’na lan pa’gauran, ba’tu kumuaraka la naben ba’tu apa-apa lako tu to mase-mase.

YOHANES 5:41

Iatu kadibilangan dio mai tolino tae’ Kutuntunni;

YOHANES 5:44

Umba la mikua ma’patongan, ke sipa’tuntunangkomi kadibilangan, natae’ mituntun kadibilangan dio mai Puang Matua?

YOHANES 7:18

Minda-minda tu umpasun kada tuo dio kalena, iamo untuntun kadibilangan, apa minda-minda tu untuntunanNi kadibilangan tu To ussuai, iamo ia tonganna to sia tae’ naden kakelokan Dio.

PENGGAURANNA RASULU’ 10:2

Iato tau iato umpengkaolai sia ungkasiri’ Puang Matua sola mintu’ to lan banuanna, umpa’bengan buda pa’kamase lako tau, sia tontong massambayang langngan Puang Matua.

PENGGAURANNA RASULU’ 10:31

nakua: E, Kornelius, ditarimamo tu passambayangmu, sia Napengkilalai Puang Matua tu pa’kamaseammu.

PENGGAURANNA RASULU’ 10:4

Lendu’mi mataku’na mentiro lako malaeka’ sia nakua: Apara mitungkanan, Puang? Nakuami lako: Mintu’na passambayangmu sia pa’kamasemu rampomo langngan Puang Matua sia Napengkilalai.

PENGGAURANNA RASULU’ 11:29

Nasituru’imi tu to menturu’ pada umpopatu patunna anna umpakatu pa’tulungna lako to menturu’ dio tana Yudea.

PENGGAURANNA RASULU’ 24:17

Na ba’tu pira-piramo taunna angku sae umban pa’kamase bangsaku sia umpogauranni kapemalaran.

PENGGAURANNA RASULU’ 9:36

Den misa’ baine unturu’ Puang dio Yope disanga Tabita, ke dipallemba’i, battuananna: Dorkas; iato baine iato lendu’ budanna gau’ melo napogau’ sia pa’kamase napa’bengan.

ROMA 12:8

iake ma’pakilala, angkaranni tu situru’na kapa’pakilalan; sia iatu mamenganna pasiolananni kamasokanan; sia iatu manglopianna pasiolananni kabirisanan; sia iatu unnangkaranna kamamasean pasiolananni kasendean.

1 KORINTUS 13:3

Sia moi angku pa’kamasean mintu’ iananku kupapantanni tu to kalala’, sia moi angku sorong kaleku ditunu, apa tae’ angku ampui pa’kaboro’, manassa moi misa’ tae’ gai’na lako kaleku.

GALATIA 2:10

Samamira diong penaanna to kumua angki kilalai tu mai to mase-mase, anna iatu iannato inang kupa’inaai bangmo.

EFESUS 4:28

Iatu to bokoan, da’mo naboko, sangadinna melo ke masara’i umpatangmari’pi limanna ungkarangi tu pengkarangan tang dipa’gagainna, anna den apa nabenni tu to tae’.

1 TESALONIKA 2:6

Tae’ duka kidaka’ kadipangkeran dio mai tolino, la dio mai kamu, la dio mai to senga’;

1 TIMOTIUS 6:18

Anna ma’gau melo sia umposugi’ penggauran melo, sia masokan, sia naporai mantaa-taa,

FILEMON 1:7

Belanna lendu’ parannungku sia masannang penaangku tu diona pa’kaboro’mu, belanna mupakatana tu penaanna to masallo’, e siulu’.

IBRANI 13:16

Sia da mimalilu umpa’pekitanan kamasokanan sia kamamasean belanna iatu pemala’ susito iamo Naporainna Puang Matua.

1 PETRUS 4:11

Iake den tau ma’ulelean, sipatu ma’ulelean susito umpokada kadanNa Puang Matua; iake den tau ungkamayai solana, sipatu naturu’ tu kamatotoran Nakamaseanni Puang Matua; anna dipakala’bi’ tu Puang Matua lan mintu’na tete dio Yesu Kristus; lu lako Kalena tu kamala’biran sia kapaan tontong sae lakona. Amin.

1 SAMUEL 15:30

Nakuami Saul: Tonganna, kasalammo’, apa totemo kasiri’pa’ dikka’ dio olona mintu’ pekaamberanna bangsaku sia dio tingayona mintu’ to Israel. Maikomi, tasule sola. Angku menomba lako PUANG, Kapenombammi.