MATIUS 6:19 - Sura' Madatu

¹⁹ Da’ mipakombongan ianan kalemi lan te lino tu naninna busung sia ta’ga’ umbala’-bala’i, sia to boko ullo’po’ banua anna boko,

MATIUS 6:19 ပူးပေါင်းရင်းမြစ်များ

AYUB 24:16

Iake malillinmi nalo’po tu banua tama, iake masiangi untutu’i ba’ba kalena, tae’ namorai sitandan masiang;

AYUB 31:24

Ianna bulaan kurannuan, sia ma’kadana’ lako bulaan tasak, kukua: Iko tu sanderangku;

PA’PUDIAN 39:6

Manassa iatu sunga’ku sangdangkanri mangka Milampak, sia iatu katuoangku butung bayo-bayo bangri dio oloMi; ondongpi mintu’ tau bendan, susi bangri damo’. Sela

PA’PUDIAN 62:10

Iatu mai to bitti’ tae’ bua’na sia iatu mai to la’bi’ inang mo’rang; la tongka’ tu tau iato mai dio timbangan, sia mandu maringngan sola nasangi na iatu mai apa tang kebattuan.

KATASSURAN 22:2

Iake den misa’ to boko diapparan marassan ma’kakei anna dilonga’ samatena, tae’ nadituntun tu rarana lako to umpatei.

SARAMBU PEADA’ 11:4

Iatu kasugiran tae’ gai’na, ke attu kasengkeanNa Puang, apa iatu kamaloloan melendokan dio mai kamatean.

SARAMBU PEADA’ 16:16

Losong ia melona tu unnappa’ kakinaan, na iake unnappa’ bulaan, losong diangga’ tu ullolongan tangnga’ kinaa na ullolongan salaka.

TOMANGADA’ 2:26

Belanna iatu to melo dio pentiroNa Puang Naben kakinaan, kapaissanan sia kaparannuan, apa iatu to tae’ naalai penaanNa, Napatakoi pengkarangan la mangrampun sia ma’pakombong, kumua anna sorongi lako minda-minda tu naala penaanNa Puang Matua. Ia duka tu apa iato tae’ gai’na sia susito unnula’ angin.

ZEFANYA 1:18

Moi salakana moi bulaan tae’ nakullei urrampananni tu tau iato mai, ke allo kare’dekan ara’Na PUANG. Api kamangimburuanNa la umpurai nakande tu mintu’ lino, belanna la Napaden tu kasanggangan, ondongpi katappuran megiangan lako mintu’ to untorroi kuli’na padang.

MATIUS 19:21

Nakuami Yesu ungkuanni: Iake la moraiko tae’ sayuammu, malemoko, mubalukanni tu apa-apa dio kalemu, mupa’kamaseanni lako to kalala’, ammu ampui ianan dao suruga; ammu male mai undi urrundu’Na’.

MATIUS 6:20

sangadinna pakombongangkomi ianan kalemi lan suruga, tu inan tang nanii busung sia ta’ga’ umbala’-bala’i sia tae’ to boko ullo’po’ banua ba’tu boko.

LUKAS 12:21

Susimoto tu diona to umpakombongan ianan kalena, sia tae’ nasugi’ dio oloNa Puang Matua.

LUKAS 12:33

Balukanni tu apa dio kalemi, ammi pa’kamaseanni; garagangkomi poro’-poro’ tang malusa kalemi, ianan dao suruga tae’ napura, tang nalambi’na to boko, sia tang nabala’-bala’na busung.

LUKAS 12:39

Apa miissan sia te iannate, kumua iake susinna naissanni ampu banua, kumua te’te’ iato nala sae tu to boko, manassa nakampai sia tae’ napopa’elo’nai tu banuanna nalu’bakki.

LUKAS 18:22

Iatonna rangimi Yesu to, Nakuami: Misa’pa tu musala. Balukampi tu mintu’na apa-apammu, ammu taa-taai lako to mase-mase, ammu ampui ianan lan suruga, mumane male mai undi urrundu’Na’.

LUKAS 18:24

Iatonna tiromi Yesu, Nakuami: Tang pada malia’na lako to unnampui ianan tu la tama ParentaNa Puang Matua!

1 TIMOTIUS 6:17

Pakainga’i mintu’ to sugi’ lan te lino, kumua da anna pamadao penaanna, sia da narannuanni tu kasugiran tae’ natontong, sangadinna langnganri Puang Matua, tu umpalempan mintu’ apa Napa’kamasean lako kaleta, taangkaran parannui.

IBRANI 13:5

Toyangangkomi kalemi dio mai umpa’budai doi’, sia posilasanni tu apa denmo dio kalemi; belanna Puang Kalenamo tu mangka ma’kada, kumua: Inang tae’ angKu la ussa’biangangko, sia inang tae’ angKu la untampeko.