MATIUS 6:13 - Sura' Madatu

¹³ Sia da Mielorangkanni diroso, sangadinna rinding pala’kan da narandankan deata bulituk. Belanna Kamu tu unnampui Parenta sia kapaan sia kamala’biran sae lakona.

MATIUS 6:13 ပူးပေါင်းရင်းမြစ်များ

KADADIAN 22:1

Pakalan denmi pissan, iamo tonna mangka tu mintu’nato, Natobami Puang Matua tu Abraham, Nakua lako: E Abraham! Ma’kadami: Inde siana’, Puang!

1 DATU 1:36

Mebalimi tu Benaya, anakna Yoyada, lako datu, nakua: Amin, la Napamanassa susimo PUANG to tu kadanna puangku datu.

1 OSSORANNA DATU 16:36

Mintu’na kadipangkeran lu langngan nasang PUANG, Kapenombanna to Israel, tempon dio mai tontong landa’ lako attu situran. Namintu’ to buda ma’kada nakua: Amin, sia: Pudimi tu PUANG.

1 OSSORANNA DATU 29:11

Kamumo, o PUANG, unnampui kapasareonganan sia kamatotoran, kamala’biran, kadipangkeran sia kabarre-alloan. Kamuri tu unnampui tu mintu’na apa dao langi’ sia lan lino; Kamuri tu unnampui kadatuan, o PUANG, sia Kamu unnampui kapaan undaoanni mintu’ apa.

1 OSSORANNA DATU 4:10

Meongli’mi tu Yabes lako Kapenombanna to Israel nakua: Ke ma’dinni Mipamasakke tonganna’i sia Mipakalua’ tu lili’ku, sia narondongna’ limamMi, sia patoyangi dio mai kaleku tu kamandasan, naurunganni tae’ naruana’ kamasolangan! Nakamaseammi Puang Matua tu apa napalaku.

PA’PUDIAN 10:16

PUANGmo tu Datu tontong sae lakona. Mintu’ bangsa maipi’mo lan mai padangNa.

PA’PUDIAN 106:48

Mintu’na kadipangkeran lu lako nasang PUANG, Kapenombanna to Israel, tempon dio mai landa’ lako attu situran, sia sipatu mintu’ bangsa iato, la ma’kada kumua: Amin! Haleluya!

PA’PUDIAN 22:28

Mintu’ randan langi’ la mengkilala, anna sule umpengkara’pai PUANG. Sia mintu’ suku bangsa la tukku dio oloNa.

PA’PUDIAN 41:13

Iate aku te Misande’na’ tete dio kamasalloranna penaangku, sia Kamumo umpatulangdanna’ dio oloMi tontong sae lakona.

PA’PUDIAN 47:2

E mintu’ bangsa, massala’pa-la’pakomi, sia unnarrak langngan Puang Matua situang la’tek kaparannuan.

PA’PUDIAN 47:7

PakendekanNi pa’pudian tu Puang Matua, pakendekanNi pa’pudian, pakendekanNi pa’pudian tu Datunta.

PA’PUDIAN 72:19

Sia mintu’ kadipudian lu langngan nasang sanga mala’bi’Na tontong sae lakona, mintu’ nalili’ lino nasamboi kamala’biranNa. Amin, ya, amin.

PA’PUDIAN 89:52

Iamotu pa’be’sena mintu’ ualimMi, o PUANG, tu umbe’se mintu’ tengkana to Mitokko!

KATASSURAN 15:18

Iatu PUANG ma’parenta tontong sae lakona.

SARAMBU PEADA’ 30:8

Pamambelai dio mai kaleku tu kakelokan sia kada tang tongan, da Mibenna’ kakalalaran sia kasugiran, sangadinna kaduttu’na’ kande, iamotu taa silasangku.

YEREMIA 15:21

Sia la Kurampanangko lan mai limanna to kadake sia la Kulendokangko lan mai pa’takungkungna to masa’ga’.

YEREMIA 28:6

nakuami nabi Yeremia: Amin, lala sia manii Napogau’i PUANG susito! Lala sia manii Napalaloi PUANG tu apa mupa’nubuaran. Nabaai sule dio mai tondok Babel lako inan iate tu mintu’ pareanan banuanNa PUANG sia iatu mintu’ to dipali’.

DANIEL 4:25

La naali’komi tau dio mai sangbilangan tolino na iatu katorroammi la sisola olo’-olo’ dio lu padang; anna pakandekomi tau riu ten to sapi, ammi dipopa’elo’na nasakka’i ambun dao mai langi’; la nalambi’ pempitu attu la minii susito sae lako miakunna, kumua Puang Patodorana ungkuasai kadatuanna tolino sia Nakamasei tu minda-minda Naporai.

DANIEL 7:18

Mangkato iatu Tomaserona Puang Patodoranna la untarima kadatuan, sia la umpomana’ kadatuan tontong sae lakona, ondongpi matontongan tontong sae lakona.

KADIBILANGAN 5:22

Belanna uai iate, tu umpaden tampak ropu, la rampo tama ba’tengmu la umpakambang tambukmu sia umpamarangke pupummu. La mebali tu baine iato nakua: Amin, amin.

MATIUS 26:41

Ma’penandakomi sia massambayangkomi da naruakomi peroso; tonganna la morai tu penaa, apa langga’ tu kale.

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

MATIUS 5:37

Sangadinna la mikua: tonganna ke tonganni, ba’tu tae’ ke tae’i, iatu madaoanna na iato ulang diomira kakadakean.

MATIUS 6:10

Anna patalo tu ParentaMi anna dadi tu pa’poraiamMi lan te lino susi dao suruga.

YOHANES 17:15

Tae’ra Kupalakui kumua Mialai lan mai te lino, sangadinna kumua Mirinding pala’i dio mai deata bulituk.

1 KORINTUS 10:13

Belanna ia manna tu petoba biasa urrampoi tolino tu mangka urrampoikomi. Apa maruru’ tu Puang Matua, tae’ Napopa’elo’nakomi dipatondonni petoba, sangadinna la pada Napabu’tu petoba tu katilendokan, kumua ammi batta’ umpengkanannangi.

1 KORINTUS 14:16

Iake tae’i nasusito, iake ma’kurre sumanga’ko sisola penaa umba la nakua tu to sa’buran ma’perangi, la ma’amin diona pa’kurre sumanga’ mu? Anna tae’ naissanni tu kadammu?

2 KORINTUS 1:20

Belanna pira-pira tu pangallu’Na Puang Matua, mendadi nasang io diona Ia. Iamoto tete dio duka Ia angki ma’amin umpakala’bi’ Puang Matua.

GALATIA 1:4

tu mangka ussorong Kalena belanna kasalanta, kumua anna lendokangki’ dio mai te lino kadake, situru’ pa’poraianNa Puang Matua, Ambe’ta.

PA’TOLE 8:16

tu umpakandeko manna lan padang pangallaran, tu tang natandaipa nene’ to dolomu, la umpamadiongko sia la ussandakko, naundinna to la Napogau’ tu kameloan lako kalemu.

PA’TOLE 8:2

Pengkilalai tu mintu’ lalan, tu Nanii PUANG, Kapenombammu, ussolangko lan te patangpulo taunna lan padang pangallaran, kumua anNa pamadiongangko sia Nasandakko, anNa tandai tu apa lan penaammu, ba’tu la mukaritutui tu pepasanNa, ba’tu tae’i.

1 TESALONIKA 1:10

sia untayan kasaeanNa AnakNa dao mai suruga, tu mangka Napamalimbangun dio mai to’ to mate, iamotu Yesu, tu ullendokangki’ dio mai kasengkean la sae undinna.

2 TESALONIKA 3:3

Apa maruru’ sia tu Puang, Ia dukamo la umpabatta’komi sia urrinding pala’komi dio mai tu to kadake.

1 TIMOTIUS 1:17

Mintu’na kadipangkeran sia kamala’biran lu lako Datu umparenta attu siosso’ Iamo Puang Matua tu tae’ kasangganganNa sia tang dikita, sia Puang Misa’ri, tontong sae lakona. Amin.

IBRANI 11:36

Na iatu to senga’ umpatanan peroso, petelle-telle, sia diongkan-ongkan, sia rante bassi sola pa’tarungkuan.

1 PETRUS 5:8

La mainga’komi sia matangkinkomi; iatu deata bulituk, balimmi susito singa umburrung-burrung lumiling, undaka’i minda tu la naamma’ kalebu.

2 PETRUS 2:9

iake susito, payanmo kumua Naissan Puang urrampanan mintu’ to mengkaola lan mai kadirosoan, sia umpattang mintu’ to kelok penaanna sae lako allo pangukungan, anNa pakario-rioi,

1 YOHANES 3:8

Iatu to umpogau’ kasalan, iamoto lu dio mai deata bulituk, belanna iatu deata bulituk inang umpogau’ kasalan dio mai mulanna. Iamo bannangnate, Nadipasombo tu AnakNa Puang Matua, kumua anNa Ia ussanggangi tu mintu’ pengkaranganna deata bulituk.

KADA OMBO’ LAKO RASULU’ YOHANES 1:18

sia tuo. MangkaMo’ mate, apa tiromi, totemo tuoMo’ tontong sae lakona, sia untoe gonting kamatean sia lino to mate.

KADA OMBO’ LAKO RASULU’ YOHANES 19:1

Undinnato kurangimi tu oni susi misa’ gamara kapuana to buda lan suruga ma’kada nakua: Haleluya! Kapenombanta unnampui kamakarimmanan sia kamala’biran sia kapaan,

KADA OMBO’ LAKO RASULU’ YOHANES 19:4

Iatu duangpulo nna’pa’ penatua sia ia duka tu a’pa’ a’gan kepenaa tukku umpenombai Puang Matua tu unno’ko’ dao isungan kapayungan iato, nama’kada nakua: Amin! Haleluya!

KADA OMBO’ LAKO RASULU’ YOHANES 2:10

Da mukataku’i tu mintu’ kadipakario-rioan la muperasai. Tiromi, iatu deata bulituk la napatamakomi pa’tarungkuan pira, anna rosokomi, sia la dipakario-riokomi sangpulo allona. Apa batta’ko sae lako matemu, angKu benko tu makota katuoan iato.

KADA OMBO’ LAKO RASULU’ YOHANES 21:4

Sia Ia la umpa’dii tu mintu’ uai matanna tau iato mai, tae’mo anna la den kamatean ba’tu pote dibolong, ba’tu katumangiran ba’tu kamaparrisan tae’ dukamo, belanna mintu’ tu apa pamulanna lanna’ nasangmo.

KADA OMBO’ LAKO RASULU’ YOHANES 3:10

Belanna mukaritutui tu pangadaran, kumua ammu batta’ untayanNa’, dadi la Kurinding pala’ dukako dio mai attu kaditoban, tu la sae lako mintu’ issinna lino, urroso mintu’ to torro lan lino.

KADA OMBO’ LAKO RASULU’ YOHANES 3:14

Surasanni malaeka’ kombongan Laodikia susite: Iamote tu kada lu dio mai Puang tu disanga Amin, iamo sa’bi maruru’ sia tongan, pamulanna mintu’ pa’padadinNa Puang Matua.

KADA OMBO’ LAKO RASULU’ YOHANES 5:13

Kurangimi mintu’ panampa lan suruga, sia lan lino, sia diong mangapi’na tana sia lan tasik, sia mintu’na issinna ma’kada, nakua: Lako Puang tu unno’ko’ dao isungan kapayungan sia lako Anak domba nanii tu kadipudian sia kadipangkeran sia kadipakala’biran sia kapaan sae lakona.