MATIUS 6:12 - Sura' Madatu

¹² sia pa’dei tu sala budangki, susi kami umpagarri’ salana to kasalan lako kaleki.

MATIUS 6:12 ပူးပေါင်းရင်းမြစ်များ

1 DATU 8:30

Perangii tu pengkamoyana taumMi sia taumMi to Israel, tu la napennoloan lan inan iate. Manassa la Miperangii sia lan mai inan Minii torro, iamotu dao suruga; sia iamMi rangimi, la Mipa’dei tu kasalangki.

1 DATU 8:34

la Miperangii dao mai suruga sia pa’dei tu kasalanna taumMi to Israel sia pasulei tu tau iato mai tama tondok, tu mangka Mikamasean nene’ to dolona.

1 DATU 8:39

perangii dao mai suruga, inan matontongamMi sia pa’dei kasalanna sia da Mipopa’elo’na bangi sia pantan Mipapakkanni sitinaya mintu’ kedona, saba’ Mitandai tu penaanna – belanna Kamu manna untandai tu penaanna mintu’ ma’rupa tau –,

1 DATU 8:50

Sia la Mipa’dei tu mintu’ kasalan napogau’ taumMi lako Kalemi, sia kapatodo-tintinganna ullendai pepasanMi sia pabu’tuanni kamamasean lan penaanna tu to umpali’i naurunganni ungkamasei tu tau iato mai.

PA’PUDIAN 130:4

Apa dio kalemi den kaumpa’deian kasalan, kumua anna kabangnga’Komi tau.

PA’PUDIAN 32:1

Pa’pudianna Daud. Gelong bangunan ada’. Maupa’ tu to dipa’deimo tu kapatodo-tintinganna, sia disamboimo tu kasalanna!

KATASSURAN 34:7

tu umpatontong kamasokananNa lako ma’sa’bu-sa’bu tau, tu umpagarri’ mintu’ kapatodo-tintingan sia kakelokan sia kasalan; inang tae’ nabilang maseroi tu mintu’ to umpogau’ kasalan, sangadinna umpapakkanni kakelokanna mintu’ ambe’ lako anak-lanto mimi’na sae lako osso’ ma’pentallunna sia ma’penna’pa’na.

YESAYA 1:18

Ammi mane male mai ma’tutu Kupaolaikomi salu, kadanNa PUANG, moi anna susi kaseda tu kasalammi, manassa la memmabusa susi ambun makko, moi anna mararang susi karamisi, manassa la memmabussang ten to bulu domba.

DANIEL 9:19

O Puang, perangii! O Puang, pagarri’i! O Puang, palan penaai! Pogau’i damo Midampai, belanna Kalemi, o Kapenombangku, belanna disa’bu’ tu sangamMi naposanga kotaMi sia taumMi.

MATIUS 26:28

Belanna iamote tu raraKu, rara titanan basse ba’ru, tu dipato’do belanna buda tau, napotete kadipa’deian kasalan.

MATIUS 9:2

Nabaami tau lako tu to kupi’ misa’, mamma’ bang diong ampa’na; belanna Natiro Yesu tu kapatongananna tinde tau, Nakuami ungkuanni tinde to kupi’: Parapa’i tu penaammu, e anakKu, dipa’deimo tu kasalammu.

MARKUS 11:25

Iake ke’de’komi massambayang, pagarri’i salana ke denni to mikalia-lia, anna pa’dei dukai Ambe’mi dao suruga tu mintu’ salami.

LUKAS 11:4

Sia pa’dei tu sala-budangki, belanna kami duka umpagarri’ salana mintu’ to kasalan lako kaleki. Sia da Mielorangkan diroso.

LUKAS 13:4

Na iatu sangpulo karua tau nasongkai menara dio Siloam namate, misangaraka ondong ia kapuana salana na mintu’ to torro dio Yerusalem?

LUKAS 6:37

Da mipasala tau, manassa tae’ mila dipasala, da mima’paro’pokki pangra’ta’, manassa tae’ mila diparo’pokki pangra’ta’. Rampananni, manassa la dirampanangkomi.

PENGGAURANNA RASULU’ 13:38

Iamoto la miisan e kamu siulu’ki, kumua Tau iamora te tu napotete anna dipa’peissanan lako kalemi tu kadipa’deian kasalan,

EFESUS 1:7

Tu tapobannang ungkabu’tui kadila’bakan diona raraNa iamotu kadipa’deianna mintu’ kasalan, situru’ kakapuanna pa’kamaseanNa,

EFESUS 4:32

Sangadinna pantan sikasokanangkomi sia siala mase, sia sipagarri’komi, susi Puang Matua umpa’dei tu kasalammi tete dio Kristus.

KOLOSE 3:13

sipama’tanan penaa sia sipagarri’komi, to ke denkomi madiong ba’teng lako solami. Susi Puang umpa’dei kasalammi, la susi dukakomi to.