MATIUS 5:9 - Sura' Madatu

⁹ Maupa’ tu mintu’ to ma’pasikaelo, belanna tau iato la disa’bu’ AnakNa Puang Matua.

MATIUS 5:9 ပူးပေါင်းရင်းမြစ်များ

1 OSSORANNA DATU 12:17

Tassu’mi tu Daud male umpessitammui tau iato mai nakuami lako: Iake sae melo siakomi umpellambi’ina’ la untunduina’, manassa la misa penaaki’; apa iake la saekomi kadake la ussorongna’ lako balingku, moi tae’ kakadakean dio limangku, na Kapenombannamora nene’ to dolota untiroi sia unnukungi.

PA’PUDIAN 120:6

Masai allomo tu deatangku sisola to ungkabiri’ karapasan;

PA’PUDIAN 34:12

Maikomi, e kamu anakku umperangiina’, kuada’ikomi ungkasiri’ PUANG.

MATIUS 5:45

ammi paan anakNa Ambe’mi dao suruga; belanna Ia umpabu’tuanni alloNa tu to kadake sia to masokan, sia umpasaeanni uranNa tu to malambu’ sia to tang malambu’.

MATIUS 5:48

Iamoto dadi la tae’ sayuammi, susi Ambe’mi dao suruga tae’ sayu-sayuanNa.

LUKAS 20:36

belanna tae’mo nama’din mate len, apa susimo malaeka’ sia anakNa Puang Matua, belanna iatu tau iato to dipatuo sule.

LUKAS 6:35

Sangadinna la miala mase tu to unna’tangkomi; pogau’komi kameloan, da mititumbui umpaindanni solami, nakapua tu serongmi, anna anakkomi Puang Patodoranna, belanna, Ia ungkasokanni to tang ma’kurre sumanga’ lako Kalena sia to masua-sua.

PENGGAURANNA RASULU’ 7:26

Iatonna masiang to loo pole’omi untiroi tonna sibobo’ tau, napasiporai nakua: E sangmane, tang to sirapurokomika te; ma’apai ammi sibala’-bala’?

ROMA 12:18

Iake ma’dinni padami pabelammi la sikadamakkomi tau.

ROMA 8:14

Apa padami tau Narenden PenaanNa Puang Matua, padami anakNa Puang Matua.

ROMA 8:16

Belanna Ia kalena tu Penaa umpamanassai sola penaanta, kumua anakNaki’ Puang Matua.

ROMA 8:19

Belanna mintu’na angge maritik mamali’ tongan umpeagi kapayananna anakNa Puang Matua.

1 KORINTUS 6:6

Apa pada to siulu’komi ammi lao siparapa’, ontong pissanpi tu lu lakokomi to tang ma’patongan.

2 KORINTUS 13:11

Ma’katampakanna, e kamu siulu’ku, parannukomi, tuntunni tu miposielle’na, alakomi pa’pakilala, sanginaakomi, sikaelokomi. AnNa Puang Matuamora tu oto’na kamamasean sia kamarampasan urrondongkomi.

2 KORINTUS 5:20

Iamoto kidadi pesuanNa Kristus sia kiissan, kumua Naposumbungan pudukkan Puang Matua ma’pakilala; angki ma’kada dio Kristus umpalakui kumua: Sangapaoi upa’ ammi dipasikaelo Puang Matua!

GALATIA 5:22

Apa iatu mai buanNa Penaa, iamotu pa’kaboro’, kaparannuan, kamarampasan, pesuka’ kalando, kamasokanan, kameloan, kamarurusan,

EFESUS 4:1

Iamo bannangnato, anna aku te to dirante bassi belanna Puang malaku lako kalemi, kumua ammi pasitende’i gau’mi tu petamba ditambangkomi.

FILIPI 4:2

Kupalaku anna sanginaa lan Puang tu Euodia sola Sintikhe.

KOLOSE 3:13

sipama’tanan penaa sia sipagarri’komi, to ke denkomi madiong ba’teng lako solami. Susi Puang umpa’dei kasalammi, la susi dukakomi to.

IBRANI 12:14

Ula’i tu kasikaeloan lako mintu’ tau na kadipamaseroan, na iake tae’i tu kadipamaseroan, tae’ duka misa’ tau untiro lindo Puang.