MATIUS 5:8 - Sura' Madatu

⁸ Maupa’ tu mintu’ to masallo’ penaanna, belanna tau iato la untiro lindo Puang Matua.

MATIUS 5:8 ပူးပေါင်းရင်းမြစ်များ

KADADIAN 32:30

Nasangaimi Pniel Yakub tu inan iato, belanna nakua: Sitiro lindomo’ Puang Matua, sia makarimmanna’.

2 SAMUEL 22:27

sia lako to masallo’, Mikasallo’i duka, apa lako to leko’ penaanna, Miuali,

PA’PUDIAN 15:2

Iamo tu to lolang situang penaa masallo’na sia umpogau’ kamalamburan sia umpokada tonganna tu lanna penaanna.

PA’PUDIAN 18:26

Lako to maruru’ Mikaruru’i duka, sia lako to tae’ sayuanna, Mipemaloloan penaa,

PA’PUDIAN 24:4

Iamotu to masero pindan limanna sia sallo’ penaanna, tu tang ungkabarii tang kebattuanna, sia tang umpalao sumpa tang tongan.

PA’PUDIAN 51:10

Parangii polena’ kasendean sia kaparannuan, anna sila’tekan tu mintu’ buku lampa mangka Minisak-nisak.

PA’PUDIAN 51:6

Mati’ Kalemi, ondong mati’ manna Kalemi kuniimo kasalan, sia umpogau’ apa kadake dio pentiroMi, kumua amMi sanda tonganna lan bisaramMi, sia malambu’ lan pa’paolaimMi salu.

PA’PUDIAN 73:1

Pa’pudianna Asaf. Manassa tongan masokan tu Puang Matua lako to Israel, iamotu lako to bannang pute penaanna.

SARAMBU PEADA’ 22:11

Minda-minda ungkabudai ma’penaa masero sia minda-minda ma’puduk masokan, naposangmane datu:

PENGGAURANNA RASULU’ 15:9

moi misa’ tae’ Napasisengaranni tu kita anna iatu tau, ke mangkami Napemaseroi tu penaanna tete dio kapatonganan.

1 KORINTUS 13:12

Belanna totemo te untiroki’ apa tang manassa lan sammin; apa iake attu iato la sitontongan rupaki’. Totemo te buda tang palambi’na kapaissanangku, apa attu iato la kutandai susitu kaditandaiangku.

2 KORINTUS 7:1

E pa’kaboro’ku, tu belanna den pangallu’ susito lako kaleta, dadi la usseroiki’ kaleta dio mai mintu’na kamarutanna kale sia penaa sia la tasundunni tu kamaseroanta ungkataku’ Puang Matua.

TITUS 1:15

Iatu to masallo’, mintu’na apa masero lako kalena; apa iatu to masareppak sia tang ma’patongan, moi misa’ tae’ masero lako kalena, sangadinna la tangnga’na, la sukaran inaanna, masareppak duka.

IBRANI 10:22

Melo ke tapengkareke’i naturu’ penaa lambu’ sia kapatonganan kalebu, anna dipi’pikki tu penaanta, naurungan masero pindanmo dio mai pa’inaan kadake, sia iatu batang kaleta dibasei uai malino.

IBRANI 12:14

Ula’i tu kasikaeloan lako mintu’ tau na kadipamaseroan, na iake tae’i tu kadipamaseroan, tae’ duka misa’ tau untiro lindo Puang.

IBRANI 9:14

ontong polepa tu raraNa Kristus, tu mangkamo umpemalaran Kalena tang sayuan lako Puang Matua tete dio Penaa matontongan, usseroi tu batu ba’tangta dio mai penggauran mate, kumua anta mengkaola lako Puang Matua matontongan.

YAKOBUS 3:17

Apa iatu kakinaan songlo’ lu dao mai tipamulanna masallo’, ungkabarii kamarampasan, mabalele, matinuru’, ponno kamamasean sia bua-bua maelo, tae’ nabata, sia tae’ nabelo puduk.

YAKOBUS 4:8

Perreke’i tu Puang anNa reke’ dukakomi. Basei tu limammi, e to kasalan, sia pemasallo’i tu penaammi, e to ma’ranga’-ranga’ penaanna.

1 PETRUS 1:22

Tu mangkamokomi usseroi deatammi diona kamengkaolammi lako kamanapparan miurunganni ungkarampa’i tonganni tu mintu’ siulu’, iamoto sipatu la lantuk penaa tongankomi siala mase,

KADA OMBO’ LAKO RASULU’ YOHANES 22:4

sia la untiro lindoNa, sia iatu sanganNa den dio kidena tau iato mai.