MATIUS 5:7 - Sura' Madatu

⁷ Maupa’ tu mintu’ to unnampui kamamasean, belanna tau iato la dikamasei.

MATIUS 5:7 ပူးပေါင်းရင်းမြစ်များ

2 SAMUEL 17:28

umbaa kasoro’ sia piring sia kurin sia gandung sia dalle sisikan sia ta’pung sia gandung diba’te sia kadong sia kadong barra’, mangka duka diba’te,

2 SAMUEL 22:26

Lako to maruru’, Mikaruru’i duka, sia lako to tang sayuanna Mipemaloloan penaa,

PA’PUDIAN 112:4

Iatu lu lakona to ma’bulo lollong bu’tu ia tu Masiang lan malillinna, Iamo Ia tu maturu-turu sia mamase na malambu’.

PA’PUDIAN 112:9

Tibungka’mo pala’ mamasena sia mamengan lako to mase-mase, iatu kamaloloanna tontong sae lakona, sia salobo’-lobo’na tu tandukna mala’bi’.

PA’PUDIAN 18:25

Iamoto anNa papakkannina’ PUANG sitinaya kamaloloangku, sia sitinaya kamasero-pindananna limangku dio oloNa.

PA’PUDIAN 37:26

Iatu to malambu’ kiallo-kiallo maturu-turu sia ma’pasuka’, sia iatu bati’na umpabu’tu karongkosan.

SARAMBU PEADA’ 11:17

Iatu to masokan umpogau’ kameloan deatanna, apa iatu to toro, umpandasa kalena.

SARAMBU PEADA’ 11:25

Iatu penaanna to ma’pamasakke la dipaliu manaman, sia minda-minda mamase, la dikamasei duka.

SARAMBU PEADA’ 14:21

Minda-minda tu ullo’bo padanna rupa tau, iamo umpogau’ kasalan; apa minda-minda ungkamasei to makario-rio, la maupa’.

SARAMBU PEADA’ 19:17

Minda-minda ungkamasei tobongko, ma’peindan lako PUANG, Puangmo la umpakkanni tu kameloanna.

YESAYA 57:1

Iatu to malambu’ sanggang, natae’ bang misa’ tau ussailei, sia iatu to masallo’ diurakkimo, natae’ bang tau umpoinaai; belanna diona kakadakean, anna diurakki tu to malambu’;

DANIEL 4:27

Iamoto, e datu, lala siai manii naala penaammi tu pa’pakilalangku kumua puttaimi tu kasalammi tete dio kamalamburan sia puttaimi tu kakelokammi tete dio ungkamasei to makario-rio, dennoupa’ anna dipamalambe’ tu karapasan dio kalemi.

HOSEA 1:6

Ma’tambuk pole’omi tu baine iato anna dadian misa’ pia baine. Ma’kadami tu Puang lako kalena, Nakua: Sangai Lo-Ruhama, belanna tae’mo Kula ungkamasei tu bati’na Israel, Kuurunganni tang umpa’dei tu salana, moi misa’ duka.

HOSEA 2:1

Parapa’i tu indo’mi, parapa’i, belanna tangia baineKu sia iatu Aku tangiaNa’ muanena. Da anna lindo batu massede sia tang ma’bayu la pasandak salu lako rampanan kapa’.

MIKHA 6:8

Napokadammoko, e tolino, umba tu melo sia apa tu Natuntun PUANG dio mai kalemu: tae’ senga’na, sangadinna umpogau’ kamalamburan sia ungkamali’kamarurusan sia umpamadiong penaa lolang sikadamak Kapenombammu.

MARKUS 11:25

Iake ke’de’komi massambayang, pagarri’i salana ke denni to mikalia-lia, anna pa’dei dukai Ambe’mi dao suruga tu mintu’ salami.

LUKAS 6:35

Sangadinna la miala mase tu to unna’tangkomi; pogau’komi kameloan, da mititumbui umpaindanni solami, nakapua tu serongmi, anna anakkomi Puang Patodoranna, belanna, Ia ungkasokanni to tang ma’kurre sumanga’ lako Kalena sia to masua-sua.

ROMA 11:30

Belanna susi kamu dolona tang umperangiikomi Puang Matua, apa totemo dikamaseimokomi tu belanna katangma’peranginna to Israel,

1 KORINTUS 7:25

Iatu diona anak dara, tae’ kada kuappa’ dio mai Puang, apa kupatimbangi tu diongna penaangku susito maruru’ diona kamamaseanNa Puang.

2 KORINTUS 4:1

Tu belanna sikambi’kan te toean iate, anna tete dio kamamasean mangka dipakitangkan, natae’ kisoso’ penaa,

EFESUS 4:32

Sangadinna pantan sikasokanangkomi sia siala mase, sia sipagarri’komi, susi Puang Matua umpa’dei tu kasalammi tete dio Kristus.

KOLOSE 3:12

Iamoto, susitu to Natonno’ Puang Matua, tu masallo’ sia dipakaboro’, ten dukamoto tu kamu la unnangkaran: kamamasean, kamasokanan, kaumpamadiongan penaa, sorong inaa, pesuka’ kalando,

1 TIMOTIUS 1:13

moi angku to pa’kada solangan sia to palolan sia to pa’pakario-rioan tonna dolona; apa dikamaseimo’, belanna mintu’na tu iannato kupogau’ diona kabagangku tete katangma’patonganangku.

1 TIMOTIUS 1:16

Apa inde sia tu bannangna angku mangkamo dikamasei, tu kumua iatu aku losongna kasalan Nanii umpa’pekitanan nasangi Yesu Kristus tu kama’tanan penaanNa, angku dadi misa’ sangka’ lako mintu’ to ma’patongan tete dio Kalena undinna, umpangudui katuoan sae lakona.

IBRANI 4:16

Iamoto tapabatta’i tu penaanta urreke’ isungan pa’kamaseanNa Puang Matua anta appa’ kamamasean sia ungkabu’tui kamaturu-turuan la patunduan ke attunnai.

IBRANI 6:10

Belanna tangia kumua tang unnola salunna tu Puang Matua Naurunganni tang ungkilalai tu penggaurammi sia pa’kaboro’mi lako sanganNa, tu mangka mipa’pekitanan tete dio kamangkammi ungkamayai mintu’ to masallo’ sia sae lako totemo mikamayai siapa.

YAKOBUS 2:13

Belanna kama’paolaian salu tae’ nakamasei tu to tang umpogau’ kamamasean. Anna iatu kamamasean undaoanni kama’paolaian salu.

YAKOBUS 3:17

Apa iatu kakinaan songlo’ lu dao mai tipamulanna masallo’, ungkabarii kamarampasan, mabalele, matinuru’, ponno kamamasean sia bua-bua maelo, tae’ nabata, sia tae’ nabelo puduk.

1 PETRUS 2:10

iamotu kamu dolona tangia taunNa, apa totemo taunNamo Puang Matua; tu dolona tang unnappa’ kamamasean, apa totemo te dikamaseimo.