MATIUS 5:6 - Sura' Madatu

⁶ Maupa’ tu mintu’ to umpotangdia’ sia umpoma’rang kamaloloan, belanna tau iato la dipedia’i.

MATIUS 5:6 ပူးပေါင်းရင်းမြစ်များ

PA’PUDIAN 107:9

Belanna Napapayamo tu penaa ma’rangna, sia iatu penaa topona Napedia’imo kameloan.

PA’PUDIAN 145:19

La napopembua malapu’ tu panganga’na mintu’ to ungkataku’I, sia la Natananni talinga tu pengkamoyana, anna lendokanni.

PA’PUDIAN 17:15

Apa iatu aku situang kamaloloan la untiro lindoKomi, iake malimbangunmo’i, dia’ penaangku untiro rupamMi.

PA’PUDIAN 63:5

Susimoto angku la umpudiKomi angge tuoku, sia diona sangamMi angku la umpopempala’ limangku.

PA’PUDIAN 65:4

Ma’rupa-rupa kakadakean untaloina’, apa mintu’ salaki la Miseroi.

PA’PUDIAN 84:2

Tangpada mala’bi’na tu banuamMi, o PUANGna mintu’ ma’dandan maritik!

SARAMBU PEADA’ 10:24

Iatu apa nakataku’ to tang mekaaluk, iamo la urrampoi, apa Puang umpa’kamasean apa nakabarii to malambu’.

SARAMBU PEADA’ 21:21

Minda-minda unnula’ kamaloloan sia kamamasean, la unnappa’ katuoan, kamaloloan sia kadipangkeran.

PA’TENDENG BALLO 5:1

– Saemo’ lako pa’lak bungangku, e adingku, e dodo’ sangkalamma’ku, kururukmo tu murungku sia pebangki’ku, kukandemo tu tallo’ merangku sola tani’ enoangku, kuiru’mo tu uai anggoro’ku sia pangandu’ku. E mintu’ sangmaneku, la kumandekomi sia mangiru’, sanabossami, e sangmane karra’ku.

YESAYA 25:6

Anna dao buntu Nanii PUANGna mintu’ ma’dandan maritik umpadenanni pa’maruasan kande sanda mammi’na tu mintu’ bangsa, pa’maruasan uai anggoro’ mammi’: utak buku, kande mammi’, uai anggoro’ mammi, tu mangka dipanapi’.

YESAYA 41:17

Iatu to mandasa sia to mase-mase, undaka’ uai, apa tae’, marakkekmo tu lilana ma’rang; Akumo tu PUANG, la untananni talinga tu tau iato mai; Akumo Kapenombanna Israel, tae’ angKu la untampe lenni tu tau iato mai.

YESAYA 44:3

Belanna aku la umbolloi uai tu be’ko’na sia salu’-salu’ tu kamarangkeanna; la Kupasaruranni PenaangKu tu bati’mu sia rongko’Ku tu lanto mimi’mu.

YESAYA 65:13

Iamoto anNa kuai tu Puangta PUANG: Manassa iatu mai taungKu la kumande apa iatu kamu la tangdia’; iatu mai taungKu la mangiru’, apa iatu kamu la ma’rang; iatu mai taungKu la parannu-rannu, apa iatu kamu la kasirisan.

YESAYA 66:11

kumua ammi mimmi’i sadia’mi tu susu pa’pakatananna, sia miiru’i sanabossami tu susu masekkaranna.

YEREMIA 31:25

belanna Kupamatana tu penaa bonnong sia Kupamalapu’ tongan tu mintu’ penaa puru’.

LUKAS 1:53

Iatu to tangdia’ Napedia’i ianan, na iatu to sugi’ Nasua sule lo’bang.

LUKAS 6:21

Maupa’komi tu tangdia’na totemo, belanna la dipedia’ikomi. Maupa’komi tu tumangi’na totemo, belanna la metaakomi undinna.

LUKAS 6:25

Upu’ allomi, e to liu dia’, belanna la tangdia’komi. Upu’ allomi, e to metaa totemo, belanna la mekaindo’ lenkomi tumangi’.

YOHANES 4:14

Apa minda-minda unniru’i tu uai la Kubenni, tae’ nala ma’rang len sae lakona, belanna iatu uai Kubenni la mendadi kalimbuang lan kalena natikula’dak-la’dak sae lako katuoan tontong sae lakona.

YOHANES 6:27

Da mira’ta’i kalemi undaka’i tu kande tang marendeng, sangadinna iari tu kande marendeng, tu la Nabenkomi tu Anak rampan dilino; belanna Iamotu mangka Napamanassa Puang Matua Ambe’.

YOHANES 7:37

Iatonna allo tampaknamo, tonna matannamo tu pa’gauran, ke’de’mi tu Yesu, Napemandui ma’kada Nakua: Iake denni tau ma’rang, nasae lako Kaleku, namangiru’.

KADA OMBO’ LAKO RASULU’ YOHANES 7:16

Tau iato mai tae’mo nala tangdia’ len ba’tu ma’rang sia tae’mo nala’da’i allo ba’tu apa malassu: