MATIUS 5:5 - Sura' Madatu

⁵ Maupa’ tu mintu’ to sorong inaanna, belanna tau iato la umpomana’ lino.

MATIUS 5:5 ပူးပေါင်းရင်းမြစ်များ

PA’PUDIAN 147:6

PUANG umpabatta’ to sorong inaa, apa mintu’ to tang mekaaluk Napamadiongan sae rokko padang.

PA’PUDIAN 149:4

Belanna iatu taunNa naala penaanNa PUANG, sia Napapakei kasalamaran tu to sorong inaa.

PA’PUDIAN 22:26

Lu mati’ Kalemi tu kapa’pudi-pudiangku lan lu kombongan kalua’, sia iatu pangallonangku la kupalesso’ dio tingayona to ungkataku’ Puang.

PA’PUDIAN 25:13

Iatu deatanna la torro manaman, sia mintu’ bati’na la umpomana’ padang.

PA’PUDIAN 25:9

Ia umpalolang to umpamadiongan penaanna lan katonganan, sia la unnada’i lalanNa tu to umpamadiongan penaanna.

PA’PUDIAN 37:11

Apa iatu to umpamadiongan penaanna la umpomana’ padang iato, sia umpasendei kamarampasan kapua tu penaanna.

PA’PUDIAN 37:22

Manassa iatu to Napassakke Puang la umpomana’i tu padang iato, apa iatu to Natampakki ropu la dipisanni.

PA’PUDIAN 37:29

Mintu’ to malambu’ la umpomana’i tu padang iato, sia la untorroi tontong sae lakona.

PA’PUDIAN 37:34

TayanNi tu Puang sia karitutui tu lalanNa, anna Ia umpamatandeko muurunganni umpomana’i tu padang iato. Sia la mutiro umba nakua kadirotosanninna tu to tang mekaaluk.

PA’PUDIAN 37:9

Belanna iatu to umpogau’ kakadakean la dipisanni, apa iatu to umposande’ PUANG, iamo la umpomana’i tu padang iato.

PA’PUDIAN 69:32

Mandu naala ia penaanNa PUANG tu iannato anna iatu sapi laki, ba’tu anak sapi tu ketanduknamo sia kekanukunnamo.

YESAYA 11:4

Sangadinna iatu to bitti’ la napaolai malolo salunna sia nasanda tonganni situang kamalamburan tu to umpamadiong penaanna; apa tete dio pebamba tongka’ dililana la napa’dikan lino, sia penaa sun dipudukna la napateanni tu to tang mekaaluk.

YESAYA 29:19

Attu iato to umpamadiong penaanna la saumpoparannu-rannunna PUANG sia iatu to tarru’ bongko la kumalassi-lasi tu diona To maserona to Israel.

YESAYA 60:21

Iatu taummu la malambu’ sola nasang sia la umpomana’i te padang iate sae lakona; iamotu misa’ taruk tu Kutanan kalena, misa’ pengkarang limangKu, dikua anna pakala’bi’Na’.

YESAYA 61:1

Narondongna’ PenaanNa Puangta PUANG belanna mangkamo’ Natakko PUANG; Nasuana’ umbaa kareba kaparannuan lako to madiongan penaanna, la umpamanaman to rantang buana sia umpetamban katassuranna to dipattang sia kadirampananna to dirante bassi.

ZEFANYA 2:3

Daka’i tu PUANG e mintu’ to umpamadiongan penaanna lan tondok, unturu’i tu atoranNa; daka’i tu kamaloloan, daka’i tu kamadiongam penaa; den sia manii upa’, ammi dipopentilindung, ke allo kasengkeanNa PUANG.

KADIBILANGAN 12:3

Iatu Musa iamoto mandu malamma’ penaanna, losong na iatu mintu’ tau dao kuli’na padang.

MATIUS 11:29

Endekammi tu panglembaKu sia melada’komi lako Kaleku; belanna Aku malamma’ sia umpamadiongan penaa; ammi alan kapelayoan kalemi.

MATIUS 21:5

Pokadanni anak dara Sion, kumua: Tiromi tu Datummu sae lako kalemu, umpamadiongan penaanNa, ussakei keledai, keledai lundara, anak patuoan dipassampei.

ROMA 4:13

Belanna tangia tete dio Sukaran aluk anna rampoi pangallu’ tu Abraham ba’tu tarukna, kumua ia umpomana’i te lino, sangadinna tete dio kamaloloanna kapatonganan.

GALATIA 5:23

sorong inaa, untaloi kale. Tae’ ia sukaran aluk umpasalai tu susinna to.

EFESUS 4:2

Naturu’ mintu’ penaa mengkadiongan sia sorong inaa sia pesuka’ kalando, sipama’tanan penaa situru’ pa’kaboro’.

KOLOSE 3:12

Iamoto, susitu to Natonno’ Puang Matua, tu masallo’ sia dipakaboro’, ten dukamoto tu kamu la unnangkaran: kamamasean, kamasokanan, kaumpamadiongan penaa, sorong inaa, pesuka’ kalando,

1 TIMOTIUS 6:11

Apa iatu iko, taunNa Puang Matua, pallaiangko kalemu dio mai tu mintu’nato, sia tuntunni tu kamaloloan, kamengkaolan, kapatonganan, pa’kaboro’ kabattaran sia sorong inaa.

2 TIMOTIUS 2:25

sorong inaa unnada’i tu mintu’ to umbalii, kumua sangapaoi Napa’kamaseanni Puang Matua lako tau iato tu kamengkatobaran, naurunganni ullambi’i tu kapaissanan diona tu kamanapparan,

TITUS 3:2

Da napalele beko tau, da anna passigagan, sangadinna la masokan, sia umpa’pekitanan tongan sorong inaanna lako mintu’ tau.

YAKOBUS 1:21

Iamoto la mitibe tu mintu’ kamaruttakan sia kakadakean manglianmo, ammi tarimai tu kada titananmo lan penaammi naturu’ sorong inaa, tu kuasa umpamakarimman deatammi.

YAKOBUS 3:13

Mindammiraka tu kinaa sia paissan? Sipatu ia napa’pekitanan mintu’ penggauranna tu lu dio mai gau’ melo, situang sorong inaa diona kakinaan.

1 PETRUS 3:15

Pamaindanni lan penaammi tu Kristus kumua iamo Puang, sia la tontongkomi marea umpebalii tu mintu’ to ungkutanaikomi diona kapa’rannuanan dio kalemi, apa la naturu’ sorong inaa sia sipa’,

1 PETRUS 3:4

sangadinna sipa’ malammak diong ba’teng, tu umpake pakean tang la sanggang, iamotu kedo sorong inaa sia kappa, tu kapua angga’na dio oloNa Puang Matua.