MATIUS 5:48 - Sura' Madatu

⁴⁸ Iamoto dadi la tae’ sayuammi, susi Ambe’mi dao suruga tae’ sayu-sayuanNa.

MATIUS 5:48 ပူးပေါင်းရင်းမြစ်များ

KADADIAN 17:1

Iatonna ganna’mo kasera pulona ngkasera taunna tu Abram, ombo’mi tu PUANG lako kalena, sia ma’kada Nakua: Akumo Kapenomban Umpoissan angge maritik; la lolangko dio oloKu sia la lantuk tu penaammu.

2 SAMUEL 22:31

Iatu Kapenomban sundun tu lalanNa, iatu kadanNa PUANG tang kabissikan. Iamo napobalulang mintu’ to umposan- de’i.

PA’PUDIAN 37:37

Palan ara’i tu to sallo’ penaanna sia tiroi tu to bulo lollong, belanna iatu to ungkabarii kamarampasan la membati’.

SURA’ KATOMINAAN 11:44

Belanna Akumo tu PUANG, Kapenombammi; pamaserokomi kalemi ammi masero belanna Aku te masero; da miruttakki kalemi napobua’ olo’-olo’ pandiu sanda rupanna, tu situtu’ dao kuli’na padang.

SURA’ KATOMINAAN 19:2

Ma’kadako lako mintu’ kasirampunan to Israel sia kuanni kumua: La maserokomi, belanna maseroNa’, te Aku PUANG, Kapenombammi.

SURA’ KATOMINAAN 20:26

La maserokomi dio oloKu, belanna Akumote tu PUANG masero, iamoto Kupamarimbangankomi dio mai mintu’ bangsa, kumua ammi dadi taungKu.

MATIUS 5:16

Susi dukamoto la ma’lana-lana tu arangmi dio tingayona mintu’ tau, anna kitai tu gau’ melomi, napakala’bi’i tu Ambe’mi dao suruga.

MATIUS 5:45

ammi paan anakNa Ambe’mi dao suruga; belanna Ia umpabu’tuanni alloNa tu to kadake sia to masokan, sia umpasaeanni uranNa tu to malambu’ sia to tang malambu’.

MATIUS 5:47

Sia iake siulu’mi manna mikambaroan melo, apara mipolosong? Tang napogau’ dukaraka to kapere’ susito?

LUKAS 6:36

Iamoto dadi mamasekomi, susi Ambe’mi sumpu mamase.

LUKAS 6:40

Iatu to digurui tae’ nalosong na iatu gurunna, apa minda-minda tu sundun peladaranna, iamoto tu la pada-pada gurunna.

2 KORINTUS 13:11

Ma’katampakanna, e kamu siulu’ku, parannukomi, tuntunni tu miposielle’na, alakomi pa’pakilala, sanginaakomi, sikaelokomi. AnNa Puang Matuamora tu oto’na kamamasean sia kamarampasan urrondongkomi.

2 KORINTUS 13:9

Belanna parannukanni, to ke langga’kanni, anna kamu batta’. Ia duka te iannate kipalakuangkomi tu la miposielle’na.

2 KORINTUS 7:1

E pa’kaboro’ku, tu belanna den pangallu’ susito lako kaleta, dadi la usseroiki’ kaleta dio mai mintu’na kamarutanna kale sia penaa sia la tasundunni tu kamaseroanta ungkataku’ Puang Matua.

EFESUS 3:1

Iamora bannangnato anna aku te Paulus, to dirante bassi diona Kristus Yesu belanna to kapere’,

PA’TOLE 18:13

La tang sayuan tu gau’mu dio oloNa PUANG, Kapenombammu.

PA’TOLE 27:10

Iamoto la muperangii tu gamaranNa PUANG, Kapenombammu, sia Karitutui tu pepasanNa sia aluk Napondok tu kupapassanangko allo iate.

KOLOSE 1:28

tu kipa’peissanan, angki pakilala simisa’i tu tau sia kiada’i situru’ mintu’ kakinaan, kikua angki popennolo simisa’i tu tau natae’mo sayuanna lan Kristus.

KOLOSE 4:12

Salama’na Epafras mati’ kalemi, iamo misa’ sangtondokmi sia taunNa Kristus, tu tontong mengkulle umpassambayangangkomi, kumua ammi bantang sia matakko sia unnampui kamanassan lan mintu’ pa’poraianNa Puang Matua.

YAKOBUS 1:4

Sipatu tu kabantangan la landa’ lako ma’kalolokanna, dikua ammi sundun sia tang attangan, nalan mintu’nato tae’mo sayuammi.

1 YOHANES 3:3

Na minda-minda tu den kapa’rannuanan iate lako Kalena, iamo umpemaseroi kalena, susi Kristus masero.