MATIUS 5:45 - Sura' Madatu

⁴⁵ ammi paan anakNa Ambe’mi dao suruga; belanna Ia umpabu’tuanni alloNa tu to kadake sia to masokan, sia umpasaeanni uranNa tu to malambu’ sia to tang malambu’.

MATIUS 5:45 ပူးပေါင်းရင်းမြစ်များ

AYUB 25:3

Dipuraraka diia’ tu mintu’ ma’dandan maritikNa? Sia mindara tu tang nanii bu’tu arrangNa?

PA’PUDIAN 145:9

Iatu PUANG masokan lako mintu’ tau, sia situtu’ mamaseNa tu mintu’ penggauranNa.

YEREMIA 5:24

Sia tae’ nama’kada lan penaanna, kumua: Melo ke mengkaolaki’ lako PUANG, Kapenombanta, tu mamase umpasaeangki’ uran, la uran bunga’ la uran tampak, ke attunnai sia tu umpenandangki’ ba’tu pirang-pirang minggu, tu attu pegandungan.

MATIUS 5:9

Maupa’ tu mintu’ to ma’pasikaelo, belanna tau iato la disa’bu’ AnakNa Puang Matua.

LUKAS 6:35

Sangadinna la miala mase tu to unna’tangkomi; pogau’komi kameloan, da mititumbui umpaindanni solami, nakapua tu serongmi, anna anakkomi Puang Patodoranna, belanna, Ia ungkasokanni to tang ma’kurre sumanga’ lako Kalena sia to masua-sua.

YOHANES 13:35

Iamotu iannate la nanii untandai mintu’ tau, kumua anak gurungKukomi, to ke siala masekomi.

PENGGAURANNA RASULU’ 14:17

moi anNa umpa’pepayanan Kalena umpogau’ kameloan, sia umpasaeangkomi uran dao mai langi’ sia pentaunan sebona bura padang sia Napabossai kande sia kaparannuan tu penaammi.

EFESUS 5:1

Iamoto, la dadikomi to unturu’ Puang Matua, susi anak Nakaboro’i,

FILIPI 2:15

anna tae’ salami sia anna masallo’ penaammi, ammi dadi anak tang sayuanNa Puang Matua dio lu tu mai to kelok sia leko’, ammi pandala-dala lako kalena susito apa parrang lan te lino,

1 YOHANES 3:9

Minda-minda tu lu dio mai Puang Matua, tae’ napogau’ kasalan, belanna iatu amboran malapu’Na Puang manda’ lan kalena; tae’ nakullei umpogau’ kasalan, belanna lu dio mai Puang Matua.