MATIUS 5:44 - Sura' Madatu

⁴⁴ Apa Aku Kukua mati’: Ala masei tu ualimmi, sia passambayanganni tu to umpakario-riokomi,

MATIUS 5:44 ပူးပေါင်းရင်းမြစ်များ

2 DATU 6:22

Apa mebali nakua: Da mipatei tu tau iato mai. Mipateiraka tu tau mirampa pa’dang sia panami? Palennaranni roti, sia uai, anna kandei sia nairu’i, namane sule lako puangna.

PA’PUDIAN 7:4

O PUANG, Kapenombangku, iake kupogau’ lenmi tu susinnato, sia iake denni kakelokan lan lisu pala’ku,

SARAMBU PEADA’ 19:11

Iatu tanga’ kinaanna misa’ tau iamo umpopassuka’ kalandoi, sia iatu kamala’biranna umpagarri’ to patodo tinting.

LUKAS 23:34

Massambayangmi Yesu, Nakua: O Ambe’, pagarri’i te mai tau, belanna tae’ naissanni tu apa napogau’. Nasire’tekkimi tu pakeanNa kumua ba’tu umbannai umpotaai.

YOHANES 13:34

Misa’ parenta ba’ru Kubenkomi, iamotu: la sipakaboro’komi susi Aku umpakaboro’komi, dikua ammi sipakaboro’ duka.

PENGGAURANNA RASULU’ 16:28

Napemanduimi metamba tu Paulus nakua: Da mibala’-bala’ kalemi, inde nasang siakanni.

PENGGAURANNA RASULU’ 7:60

Malinguntu’mi nametamba umpemandui gamaranna nakua: O Puang, da Mipopa’indo’i te kasalan iate lako te mai tau! Tonna mangka ma’kada susito, manglessurammi.

ROMA 12:14

Palakuanni kamauparan tu to umpakario-riokomi; palakuanni kamauparan sia da mitampakki ropu tau.

1 TESALONIKA 5:15

Pengkilalai tonganni, da naden misa’ duka tau umpasipakkanan kakadakean, sangadinna tontongkomi sipaularan kameloan sia unnula’ melo, lako mintu’ tau.

1 PETRUS 2:23

iatonna disere kadai, tae’ anNa papakkanni sere kada, sia iatonna rampoi kamaparrisan, tae’ anNa ma’pakarrang, sangadinna Nasorong lako Puang tu iannato, tu tang pakayun bimbang umpaolai salunna.

1 PETRUS 3:9

da ammi papakkanni kakadakean tu kakadakean, ba’tu sere kada dipakkanni sere kada, sangadinna palakuanni karongkosan, belanna iannamorato tu ditambangkomi, kumua ammi pomana’ karongkosan.

1 SAMUEL 24:17

Iatonna mangkamo Daud umpokadai te mintu’ kada iate lako Saul, ma’kadami Saul nakua: Gamarammurakate, e Daud, anakku? Unnangle-anglemi tumangi’ tu Saul,