MATIUS 5:22 - Sura' Madatu

²² Apa Aku Kukua mati’ kumua: minda-minda tae’ natore kasengkeanna lako siulu’na, la napakannai ukungan ada’; sia minda-minda tu ma’kada lako siulu’na kumua: E baga! La napakannai ukungan ada’ lompo; sia minda-minda tu kumua: E to bomboan? La nakanna ukungan tama api naraka.

MATIUS 5:22 ပူးပေါင်းရင်းမြစ်များ

KADADIAN 37:4

Tonna tiroi siulu’na, kumua mandu napakaboro’ ia ambe’na, na iatu mai siulu’na nasikabiri’imi, tae’ napa’kadai meloi lako.

KADADIAN 37:8

Nakuami tu siulu’na lako: La mudatuirakannika ba’tu la muparentarakannika? Mandu pissanmi nakabiri’ belanna diona tu tindona sia iatu kadanna.

2 SAMUEL 16:7

Susite tu kadanna Simei tonna marassan untampakki ropu nakua: Mallaiko, mallaiko, e pa’patibollo rara sia to bulituk!

2 SAMUEL 6:20

Iatonna sule tu Daud la umpassakke to lan tongkonan layukna, tassu’mi tu Mikhal, anakna Saul sitammu Daud, anna ma’kada nakua: Lendu’ ia dipakala’bi’na tu datu to Israel allo iate, nalossokan tu pakeanna allo iate dio tingayona mintu’ kaunan baine tu napokaunan to mase’ponna datu, butung misa’ to tang unnangga’ kalena sia tang masiri’ ullossokan pakeanna!

1 DATU 21:4

Sulemi tu Ahab tama banuanna kumamu’dang sia sengke diona tu kada mangka napokada Nabot to Yizreel lako kalena, susite nakua: tae’ kula ussorongi lako kalemi tu mana’ nene’ to doloku. Umbambangammi kalena dao katindoanna, anna memboko’ bang sia manoka kumande.

2 OSSORANNA DATU 16:10

Re’dekmi ara’na tu Asa lako te to patanda-tandan, anna patamai pa’tarungkuan, belanna tarru’ sengke lako Hanani diona tu iannato. Sia ba’tu pira-pirapa tu pa’tondokan napa’dikki Asa attu iato.

2 OSSORANNA DATU 19:5

Natappumi tu ba’tu pira-pira to ma’paolai salu lan tondok iato, iamotu lan mintu’ kota ditambakukunna Yehuda randuk dio mai misa’ kota lako kota senga’.

NEHEMIA 5:8

angku ma’kada lako kukua: Mintu’ siulu’ta, iamotu to Yahudi, tu mangka dibaluk lako to kapere’, kila’bakmo sitinaya pakulleki; apa iatu kamu mibaluk tu siulu’mi, na iatu tau iato mai umbaluk kalena lako kaleki! Kappami tu tau iato mai sia tang naissan mebali.

PA’PUDIAN 109:3

Nalimbuina’ napokadan kada mapalla, sia tae’ silalanna nanii urrariina’.

PA’PUDIAN 14:1

Lu lakona pangala sengo, Pa’pudian Daud. Nakua tu to baga lan penaanna: Tae’ ia tu Kapenomban. Lendu’ ia mesolanginna sia megi’giranna tu penggauranna tau iato mai; sia tae’i misa’ umpogau’ melo.

PA’PUDIAN 25:3

Manassa mintu’ to untayanKomi tae’ nala kasirisan, sangadinna iari tu to umpogau’ kelok tu tae’ bannangna, iamoto tu la kasirisan.

PA’PUDIAN 35:19

Da anna parannu tu to tae’ bannangna nanii unnualina’, sia da maro’ Mieloranni tu to ungkabiri’ punala bangna’ untelle-tellena’ pa’kidi’ matanna.

PA’PUDIAN 37:8

Torei tu kasengkean sia tampei tu kakearasan, da namarede tu penaammu, belanna kakadakean manna napabu’tu,

PA’PUDIAN 49:10

Kumua anna marendeng tuo, sia da nasitiro tang merambu.

PA’PUDIAN 69:4

Mata’ka’mo’ meongli’-ongli’, sia materrekmo tu barokoku, sia maraunmo tu matangku ma’penunu untayan Kapenombangku.

PA’PUDIAN 7:4

O PUANG, Kapenombangku, iake kupogau’ lenmi tu susinnato, sia iake denni kakelokan lan lisu pala’ku,

PA’PUDIAN 92:6

Tangpada kapuanna tu penggauramMi, o PUANG; sia mintu’ tangnga’Mi tang dilambi’ diukkunni.

SARAMBU PEADA’ 14:16

Iatu to kinaa mataku’ sia toyang dio mai kakadakean, apa iatu to baga untengkai bang salunna, apa napomanaman duka.

SARAMBU PEADA’ 18:6

Iatu pudukna to baga umpaden kasigagan, sia iatu sadangna umpetamban kadibamban.

YEREMIA 17:11

Susi manuk lampung unnarranni tangia tallo’na, susi dukamoto tu to urrampun tang malolo ianan; lan kamatangnga – taunna manassa la natampe sia iatu kama’tampakanna la susito baga.

BATING 3:52

Naula’ sumpu tonganmo’ susi misa’ manuk-manuk tu mai to tae’ bannangna nanii unnula’na’.

DANIEL 3:13

Sengkemi tu Nebukadnezar sia re’dek tongan ara’na, namesua unnalai tu Sadrakh, Mesakh sia Abednego. Nabaammi tau tu tau sola tallu umpennoloi datu.

DANIEL 3:19

Attu iato nakabu’mi kare’dekanna ara’na tu Nebukadnezar, sia bali’ tu rupanna sengke lako Sadrakh, Mesakh, na Abednego; mebalimi sia mesua la umpemalassui tonganni tu dapo’ pempitu manglokkon tu malassunna na iatu biasanna.

OBAJA 1:10

Belanna penggauran masa’ga’ tu mupogau’ lako siulu’mu Yakub, iamoto la natodingko siri’, sia la dipisanniko tontong sae lakona.

OBAJA 1:12

Da musende untiroi tu allona siulu’mu, iamo allo kamandasanna, sia da muparannu diona to Yehuda ke allo kasangganganna tau iato mai, da mupakapua kada ke allo kapu’duranna.

MATIUS 10:17

Apa kanandai tu tau, belanna la nabaakomi tama to’ kombongan ada’, sia la nabambakomi ulang lan lu banua pa’kombonganna.

MATIUS 10:28

Da mikataku’i tu to umpatei batang kaleta, apa tang nakulle umpatei deatanta; apa iatu sipatunna tongan la mikataku’, Iari tu kuasanna ussanggangi nala batang kaleta nala deatanta, lan naraka.

MATIUS 12:24

Apa iatonna rangii to Farisi tu iannato, nakuami: Iari Naurrambai deata masussuk te tau iate, pa’tunduannari Beelzebul, pangulunna deata.

MATIUS 17:5

Marassan bangsia ma’kada-kada, pakalan denmi sangleon gaun parrang unnonganni; narangimi tu gamara lan mai gaun iato nakua: Iamote tu Anak Pa’kaboro’Ku, Ia dukamo nanii kasendeangKu; perangii.

MATIUS 18:21

Tonna iato saemi tu Petrus umpentireke’i Yesu nakua: O Puang, pempiran sala tu siulu’ku lako kaleku tu sipatu la kupagarri’? Saeraka lako ma’pem- pitunna?

MATIUS 18:35

Ten dukamoto tu Ambe’Ku dao suruga la umpogau’i lako kalemi, ke tae’i naponno tongan penaammi pada umpagarri’ salana tu mai siulu’mi.

MATIUS 23:15

Upu’ allomi, e pandita Sura’ sia to Farisi, to belo puduk! Belanna lumilingkomi diong tasik sia dao gantanan la umpasada’ misa’ poso tau tama aluk; na ianna tamamo mipopentonarakami penduan manglokkon anna kamu.

MATIUS 23:33

E ula’ sia bati’ ula’. Umba la mikua umpallaian kalemi dio mai ukungan naraka?

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

MATIUS 26:59

Napatamammi kada pangulu-pangulu to minaa sola mintu’ Ada’ tu Yesu, kumua anna patei;

MATIUS 3:17

Ta’kala saemi gamara dao mai langi’, nakua: Iamote tu Anak Pa’kaboro’Ku, tu Nanii kasendeangKu.

MATIUS 5:34

Apa Aku Kukua mati’: Da’ mimassumpa len; da’ mumassumpa ussa’bu’ langi’, belanna iamo isungan kapayunganNa Puang Matua;

MATIUS 5:44

Apa Aku Kukua mati’: Ala masei tu ualimmi, sia passambayanganni tu to umpakario-riokomi,

MARKUS 14:55

Iatu pangulu to minaa sia mintu’ Ada’ undaka’ bang sa’bi la umpasala Yesu la morai umpatei, apa tae’ nakabu’tui.

MARKUS 15:1

Tae’pa bongi tonna la masiangmo nara’ta’mi pangulu tominaa sia pekaamberan sia pandita Sura’, iamotu mintu’ to ma’kombongan, napungoI tu Yesu, namale umbaaI, nasorongI lako Pilatus.

LUKAS 12:5

la Kupamanassa lako kalemi, minda tu sipatu la mikataku’: Iamo la mikataku’ tu To, ianna mangkamo umpatei, Napembuangammi tama naraka; Kukua tongan lako kalemi: kataku’I.

LUKAS 22:66

Iatonna masiangmo ma’kombongammi tu mintu’ to matua-tua pa’tondokan sia pangulu to minaa sia pandita Sura’, nabaaI napopennolo tama pa’kombonganna,

YOHANES 11:47

Iamoto anna rampunni pangulu to minaa sia to Farisi tu mai to diala Ada’ lompo, anna kua: Umbamora tu tangnga’ la tapogau’, belanna buda bangmo tu tanda kalle-kallean Napogau’ tu Tau tu?

YOHANES 15:25

Apa ia sia nadadi susito tu ianna te, kumua anna sundun tu kada disura’ lan Sura’ Sukaran alukNa, tu nakua: Nakabiri’Na’ tu tau iatu mati’ natae’ bang bannangna.

YOHANES 7:20

Nakuami mebali tu to buda: NatabaKomi ria deata masussuk. Mindara undaka’ lalan la umpateiKomi?

YOHANES 8:48

Mebalimi tu to Yahudi sia nakua lako: Tang tongannaraka tu kipokada kumua to SamariaKomi sia natabaKomi deata masussuk?

PENGGAURANNA RASULU’ 17:18

Den duka ba’tu pira-pira tu to untoe pangadaranna to Epikuros sia Stoa nasitamben kadan. Den tu kumua: Apara la napokada te to salle kada? Apa nakua tu pira’na: Takua-kua to umpa’peissanan deata banga’, belanna iatu Paulus umpa’peissanan Kareba-kaparannuan diona Yesu sia diona tu kamalimbangunan.

PENGGAURANNA RASULU’ 22:30

Apa iatonna masiangto, belanna la morai ungkanassai naissan tu diona gau’na, tu nanii to Yahudi umparapa’i, dibukaimi tu pungona, nasuai sirampun tu mintu’ pangulu to minaa sia mintu’ Ada’ lompo, nasolanni rokko tu Paulus napopennoloi lako.

PENGGAURANNA RASULU’ 23:1

Napemarangami Paulus tu Ada’ lompo, nakua: E tuang-tuang sangsiulurangku, aku te bannang pute tu sukaran inaangku diona gau’ku dio oloNa Puang Matua sae lako allo totemo.

PENGGAURANNA RASULU’ 24:20

Apa tae’ dio ren tu tau iato, dadi da’ito na ia bangmo te tau iate mai umpokadai tu salaku tu natirona tongku bendan dio olona Ada’,

PENGGAURANNA RASULU’ 4:15

Iatonna mangkamo ussuai sola duai sun lan mai to’ Ada’ lompo nasipada-padaimi tinde tau,

PENGGAURANNA RASULU’ 5:21

Iatonna rangii susito, tae’pa bongi malemi tama Banua Kabusungan namangada’i lan. Saemi Tominaa Kapua sola mintu’ solana, urrampunni tu to diala Ada’ lompo sia mintu’ pekaamberan to Israel, nasuai tu tau lako pa’tarungkuan la unnalai tu mai rasulu’.

PENGGAURANNA RASULU’ 5:27

Nabaami tu mai rasulu’ tama to’ Ada’ lompo. Anna paressai Tominaa Kapua,

PENGGAURANNA RASULU’ 6:12

Nasarrangmi tu to buda sia pekaamberan sia pandita Sura’, nalumpa’i tu Stefanus sia nariu’-riu’ nabaai tama to’ Ada’ lompo.

PENGGAURANNA RASULU’ 6:15

Iatonna pemarangai mintu’ to unno’ko’ lan kombongan tu Stefanus, natiromi tu rupanna susito rupa malaeka’.

PENGGAURANNA RASULU’ 7:37

Musa iamoto tu ma’kada lako to Israel kumua: Misa’ nabi la napabu’tuangkomi Puang Matua lan mai rapummi tu susinna te aku.

ROMA 12:10

Lan kasialamaseammi sangsiulurammi, pantan la sipakaboro’komi sia da mididoloi sipekataberan.

1 KORINTUS 6:10

sia to boko sia to maduang lako ianan sia to pa’malangoan sia to manura’ sia to pakira-kira, mintu’nato tae’ nala umpomana’ ParentaNa Puang Matua.

1 KORINTUS 6:6

Apa pada to siulu’komi ammi lao siparapa’, ontong pissanpi tu lu lakokomi to tang ma’patongan.

PA’TOLE 15:11

Belanna iatu to kalala’ tae’ na la pa’de len lan tondok; iamoto kupepasananni lako kalemu susite, kukua: Bungkaranni pala’mu tu siulu’mu, tu to makario-rio sia to kalala’ lan tondokmu.

PA’TOLE 16:18

Iatu to ma’paolai salu sia mantari’ la mutappu lan mintu’ kota, tu la Nabenko PUANG, Kapenombammu, situru’ tu mai sukummu, anna palolang pangra’ta’ malambu’ lako bangsa iato.

1 TESALONIKA 4:6

sia da miden misa’ umpogau’ kadake sia untampan saki inaa siulu’na lan tu iannato, belanna Puang Matua umpapakkanni tu mintu’nato, susitu inang mangkamo kipokada dolo sia kikatottongi lako kalemi.

TITUS 3:2

Da napalele beko tau, da anna passigagan, sangadinna la masokan, sia umpa’pekitanan tongan sorong inaanna lako mintu’ tau.

IBRANI 12:25

Kanandai tongan-tonganni, da ammi tumpui tu To ma’kada iato. Belanna iatu to untumpumi tu To umpokada kadanna lan te lino, tae’ anna kullei ullendokan kalena, apa polepi tu kita te, ke memboko’ki’ dio mai Kalena, tu To ma’kada dao mai suruga.

IBRANI 5:9

Tonna mangkamo dipasundun maneri Ia mendadi oto’ kamakarimmanan matontonganna mintu’ to mengkaola lako Kalena,

YAKOBUS 2:20

La morairokoka untandai, e to tae’ gai’na, kumua iatu kapatonganan tae’ nasituang penggauran, tae’ patunna?

YAKOBUS 3:6

Iatu lila susi misa’ api; anna mintu’na lesoan kaleta lilamo tu misa’ lino pa’rampunanna mintu’ kakadakean, urruttakki mintu’ batang kale sia umballa mintu’ lalan katuoanta, anna ia kalena naballa api naraka.

1 PETRUS 2:23

iatonna disere kadai, tae’ anNa papakkanni sere kada, sia iatonna rampoi kamaparrisan, tae’ anNa ma’pakarrang, sangadinna Nasorong lako Puang tu iannato, tu tang pakayun bimbang umpaolai salunna.

1 PETRUS 3:9

da ammi papakkanni kakadakean tu kakadakean, ba’tu sere kada dipakkanni sere kada, sangadinna palakuanni karongkosan, belanna iannamorato tu ditambangkomi, kumua ammi pomana’ karongkosan.

1 YOHANES 2:9

Minda-minda tu ussanga kalena lan masiangna, apa ungkabiri’ siulu’na, iamo tontong lan malillinna sae lako totemo.

1 YOHANES 3:10

Dionamora te naniimo sombo umbanna tu anakNa Puang Matua na umbanna tu anakna deata bulituk; minda-minda tang umpogau’ kamalamburan, tae’ nalu dio mai Puang Matua, susi dukato tu to tang umpakaboro’ siulu’na.

1 YOHANES 5:16

Iake denni misa’ tau untiro siulu’na umpogau’ kasalan tu tang umpabu’tunna kamatean, la napassambayangan, na Puang ungkamasei katuoan, iamotu mintu’ to umpogau’ kasalan tu tang umpabu’tunna kamatean. Den tu kasalan umpabu’tu kamatean, tae’ nadiona to tu kukuan pato’ napassambayangan.

YUDAS 1:9

Apa Mikhael pangulu malaeka’, tonna site’ge’ deata bulituk ussialai batang rabukna Musa, tae’ ia nabarani ungkada layukki, sangadinna nakua bangri: Na Puangmora unnada’ko.

KADA OMBO’ LAKO RASULU’ YOHANES 20:14

Nadipembuangan tu kamatean sola lino to mate tama limbong api iato; iamote tu kamatean ma’penduanna: tu limbong api.