MATIUS 5:20 - Sura' Madatu

²⁰ Belanna Kukua lako Kalemi: Iake tae’i nalosong tu kamaloloammi na iatu kamaloloanna pandita Sura’ sia to Farisi, dennoraka mila tama len Parenta Suruga.

MATIUS 5:20 ပူးပေါင်းရင်းမြစ်များ

MATIUS 16:12

Maneri naissan tinde tau, kumua tangia Napokada tu la umpenandai kalena dio mai ragi, sangadinna dio mai pangadaranna to Farisi sia to Saduki.

MATIUS 18:5

Na minda-minda tu untammui tu pia’-pia’ susite diona sangangKu, iamo untammuiNa’.

MATIUS 3:10

Nakampai bangmo uase tu garonto’ kayu; iamoto umba tu kayu tang membua melo, la dilelleng na dibuang tama api.

MATIUS 7:21

Tae’ namintu’ tu to metamba lako Kaleku kumua: O Puang, o Puang! tu la tama Parenta Suruga; sangadinna iatu to umpogau’ pa’poraianNa Ambe’ku dao suruga.

MARKUS 10:15

Kukua mati’: Tonganna minda-minda tu tang susi pia’-pia’ untarima ParentaNa Puang Matua, la tama lennorika!

MARKUS 10:25

Malomo ia misa’ unta tama to’tok darun ke la to sugi’mora tama ParentaNa Puang Matua.

LUKAS 11:44

Upu’ allomi, belanna susikomi lamunan tae’ tandana, dadi tae’ natandai, ke den tau lendu’ dio.

LUKAS 12:1

Iatonna iato sirampunmo ba’tu pirang-pirang sa’bu tau, nasilessak-lessak bangmo, pakalan Naparandukmi Yesu ma’kada dolo lako anak gurunNa: Kanandaikomi kalemi dio mai raginna to Farisi, iamotu belo puduk.

LUKAS 18:17

Kukua mati’: Tonganna minda-minda tu tang susi pia’-pia’ untarima ParentaNa Puang Matua, la tama lenorika!

2 KORINTUS 3:9

Belanna iake mala’bi’i tu toean umpasae ukungan, ondong polepa tu toean umpasae kamaloloan tang la mallean kamala’biranna.

2 KORINTUS 5:17

Iamoto iake denni misa’ tau tuo lan Kristus, iamo pa’padadi ba’ru; iatu mai apa malaun pa’demo; na tonganna dipopendadi ba’rumo.

FILIPI 3:9

sia lan kasiturusanNa kunii payan, kumua tangia kamaloloangku kalena tu lu diona mai tuntunan Sukaran aluk, sangadinna kamaloloan tete dio kapatonganan lako Kristus, iamotu kamaloloan lu dio mai Puang Matua umpolalan kapatonganan.

IBRANI 12:14

Ula’i tu kasikaeloan lako mintu’ tau na kadipamaseroan, na iake tae’i tu kadipamaseroan, tae’ duka misa’ tau untiro lindo Puang.

KADA OMBO’ LAKO RASULU’ YOHANES 21:27

Apa inang tae’ anna la tama len tu apa maruttak, ba’tu to umpogau’ pagi’giranna sia to ma’kada mo’rang, sangadinna ia manna tu to tisura’ tu sanganna lan sura’ katuoanNa Anak domba.