MATIUS 5:17 - Sura' Madatu

¹⁷ Da’ misangai kumua saeNa’ la ullelleng Sukaran alukNa Puang Matua ba’tu sura’na nabi; tae’ Kusae la ullellengi sangadinna la ussundunni.

MATIUS 5:17 ပူးပေါင်းရင်းမြစ်များ

YESAYA 42:21

Belanna kamaloloanNa anna alai penaanNa PUANG umbenni pangadaran kapua sia mala’bi’.

MATIUS 3:15

Apa mebali Yesu sia Nakua ungkuanni: Da’ito belanna susimoto sipatuki’ ussundunni tu natuntunna sukaran aluk. Naturu’Mi.

MATIUS 7:12

Iamoto apa-apa tu miporai la napogau’ tau lako kalemi, ten dukato la mipogau’ lako; belanna iamoto tu natuntunna Sukaran aluk sia sura’na nabi-nabi.

LUKAS 16:17

Sae lako rabunna langi’ sola lino, moi pada kanuku malotong tae’ napa’de len lan mai Sukaran alukNa Puang Matua.

YOHANES 8:5

Napa’peannan Musa lan Sukaran aluk la untumbui batu tu baine susito. Apara Mikua?

PENGGAURANNA RASULU’ 18:13

nakua: Ullono’ to buda te tau iate menomba langngan Puang Matua, tu sisalanna atoran Sukaran aluk.

PENGGAURANNA RASULU’ 21:28

sia metamba-tamba, nakua: E kamu mintu’ to Israel, tunduimokan! Indemo tu to unnada’i mintu’ tau, tu tae’ tang nanii umbelle’i tau sia Sukaran aluk sia iate inan iate. Sia ba’tu pira-piramo to Yunani nasolan tama Banua Kabusungan, sia naruttakki te inan maindan iate.

PENGGAURANNA RASULU’ 6:13

Sia napopentingayo tu sa’bi tang tongan, tu umpokadai kumua: Tae’ natorei te tau iate umpasunanni kada solang te inan maindan sia Sukaran aluk,

ROMA 10:4

Belanna iatu Kristus Iamo napatu Sukaran aluk, mendadi kamaloloanna mintu’ to ma’patongan.

ROMA 3:31

Iake susito, umpadamparakannika Sukaran aluk belanna kapatonganan? Inang tae’ ia to; sangadinna untonganangkan Sukaran aluk.

ROMA 8:4

kumua anna iatu natuntunna Sukaran aluk dipasundun lan kaleta, tu tang unturu’na pa’poraian pa’kalean, sangadinna unturu’ pa’poraian Penaa.