MATIUS 5:16 - Sura' Madatu

¹⁶ Susi dukamoto la ma’lana-lana tu arangmi dio tingayona mintu’ tau, anna kitai tu gau’ melomi, napakala’bi’i tu Ambe’mi dao suruga.

MATIUS 5:16 ပူးပေါင်းရင်းမြစ်များ

KATASSURAN 34:35

Iake natiroi to Israel tu kuli’ lindona Musa pandila-dila, nalullungiomi Musa tu lindona sae lako tamanna la sipa’kada Puang.

SARAMBU PEADA’ 4:18

Apa iatu lalanna to malambu’ susito arrang bu’tu melambi’, samasai-sainna saparrang-parrangna sae lako masiangna tongan.

YESAYA 58:8

Attu iato la bu’tu tu arrangmu susi allo dellek sia iatu bangkemu madomi’ la sikemun, anna dolo dio tingayomu tu kasalamaran sia kamala’biranNa PUANG la ussa’pi’ko.

YESAYA 61:3

La umpapatui mintu’ to Sion tu nalambi’ rosso inaa, anna diben passapu maramba’ la dipasondana au sia minna’ kasendean la dipasondana ma’pote dibolong, pakean pa’tendeng la dipasondana penaa si’pi’. Anna disangai tu tau iato mai: tarpin kamaloloan, tanananNa PUANG, dikua anna pakala’bi’I.

MATIUS 23:5

Napogau’ bang tu mintu’ penggauranna kumua nakitai tau; napekalua’i tu beke’ napake massambayang sia napekalandoi tu rombe-rombe sambu’na.

MATIUS 23:9

Sia da naden tau misa’ misanga ambe’ lan te lino, belanna Misa’ri tu Ambe’mi, Iamotu dao suruga.

MATIUS 5:45

ammi paan anakNa Ambe’mi dao suruga; belanna Ia umpabu’tuanni alloNa tu to kadake sia to masokan, sia umpasaeanni uranNa tu to malambu’ sia to tang malambu’.

MATIUS 6:16

Sia iammi ma’puasa, da misusi to belo puduk umpamaru’gun lindona; belanna umpamariga-riga rupanna anna tandan nakita tau kumua ma’puasa. Tonganna tongan Kukua mati’, naala dolomo tu poleanna tu tau iato.

MATIUS 6:9

Iamoto dadi la mikua massambayang: O Ambe’ki dao suruga, (kipalaku) anna dipakala’bi’ tu sangamMi:

MATIUS 9:8

Iatonna tiromi to buda tu iannato, mataku’mi sia umpudi Puang Matua, tu umpa’kamasean kuasa susito lako to lino.

LUKAS 11:2

Nakuami Yesu lako: Iake massambayangkomi, la mikua: O Ambe’ki, kipalaku anna dipakala’bi’ tu sangamMi, anna patalo tu ParentaMi,

YOHANES 15:8

Iamorato tu dinii umpakala’bi’ Ambe’Ku, to ke tarri’i buammi, sia iake susito dadikomi anak gurungKu.

PENGGAURANNA RASULU’ 9:36

Den misa’ baine unturu’ Puang dio Yope disanga Tabita, ke dipallemba’i, battuananna: Dorkas; iato baine iato lendu’ budanna gau’ melo napogau’ sia pa’kamase napa’bengan.

1 KORINTUS 14:25

naurunganni sombo tu diongna penaanna, nasusito tukkumi umpenombai Puang Matua sia nakatonganni kumua, manassa den Puang Matua misisolan.

2 KORINTUS 9:13

Sia belanna manassa tu kamarurusammi lan te pentoean kamamasean iate anna umpakala’bi’ Puang Matua, belanna mipengkaolai tu kapangakuammi lako Kareba-kaparannuanNa Kristus, sia belanna kamasokanammi umpaketaai tu tau iato sia mintu’ tau.

GALATIA 1:24

Umpakala’bi’mi Puang Matua tu diona aku.

EFESUS 2:10

Belanna kita te panampaNaki’, Napadadiki’ lan Kristus Yesu la umpogau’ kameloan, tu Naparandan dolomo Puang Matua, kumua anta karitutui tu mintu’nato.

EFESUS 5:8

Belanna dolona kalillinangkomi, apa totemo masiangmokomi lan kasiturusanNa Puang. Lolang susikomi to mangkamo dipemasiangi,

1 TESALONIKA 2:12

angki pabatta’i tu penaammi sia kipasan-pasan, miangkaran gau’ sipatu pa’poraianNa Puang Matua, tu mangka untambaikomi tama ParentaNa sia kamala’biranNa.

1 TIMOTIUS 2:10

sangadinna sitondon penggauran melo, susitu sipato’na lako baine ussanga kalena menomba lako Puang Matua.

1 TIMOTIUS 5:10

sia iatu kaleleanna diona penggauran melo, belanna ungkaritutui anakna, sia ungkarimmanni to lendu’, sia umbasei lentekna to massallo’, sia untundui to narua sussa, sia umpengkullei mintu’ penggauran melo.

1 TIMOTIUS 5:25

Susi dukamoto tu mintu’ kameloan, den tu payan bang, sia iatu senga’na na iato, tae’ duka nala tontong bang kabunian.

1 TIMOTIUS 6:18

Anna ma’gau melo sia umposugi’ penggauran melo, sia masokan, sia naporai mantaa-taa,

TITUS 2:14

tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.

TITUS 2:7

iko kalena la umpa’pekitanan sangka’ penggauran melo lan mintu’na; sia la mupapayan tu kamalamburan sia kamasiparan lan pangadarammu,

TITUS 3:14

Sia melo ke napelada’i nasangi tu solata umpengkullei umpogau’ penggauran melo, la umpaganna’ kurangnapa, da anna tae’ buanna tu kapatongananna tau iato mai.

TITUS 3:4

Apa iatonna sombomo tu kamasokananNa Puang Matua, To pakarimmananta, sia pa’kaboro’Na lako tolino,

IBRANI 10:24

Sia melo ke sipokarianganangki’ la untundan pa’kaboro’ sia penggauran melo.

1 PETRUS 2:12

iatu gau’mi la melo dio lu to kapere’, dikua anna iatu napobannang umpalele bekokomi tau butung to umpogau’ kadake, tu belanna natiro tu penggauran melomi, anna pakala’bi’i tu Puang Matua ke alloNami Puang sae umpakilalai.

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

1 PETRUS 3:1

Susi duka kamu, e mintu’ baine, la tundukkomi lako muanemi siamo, dikua iake denni umbali-balii tu kada iato, ma’din natalo kedona bainena, moi tae’ nama’kada,

1 PETRUS 3:16

sia bannang putekomi, dikua anna diona kanasangammi tau kadake, iamo napomasiri’ to ussayu torro ke’de’ melomi lan Kristus.

1 PETRUS 4:11

Iake den tau ma’ulelean, sipatu ma’ulelean susito umpokada kadanNa Puang Matua; iake den tau ungkamayai solana, sipatu naturu’ tu kamatotoran Nakamaseanni Puang Matua; anna dipakala’bi’ tu Puang Matua lan mintu’na tete dio Yesu Kristus; lu lako Kalena tu kamala’biran sia kapaan tontong sae lakona. Amin.

1 PETRUS 4:14

Iake ditellekomi belanna sanganNa Kristus, maupa’komi, apa Natorroikomi tu Penaa kamala’biran, iamotu PenaanNa Puang Matua untorroikomi.