MATIUS 5:10 - Sura' Madatu

¹⁰ Maupa’ tu mintu’ to dipakario-rio diona kamaloloan, belanna tau iato umpoparenta Parenta Suruga.

MATIUS 5:10 ပူးပေါင်းရင်းမြစ်များ

PA’PUDIAN 37:12

Iatu to tang mekaaluk untambuk kadake lako to malambu’ sia nasangiran isi.

YESAYA 66:5

Tananni talinga tu kadanNa PUANG, e kamu tu ma’parondona belanna kadanNa: Iatu mintu’ siulu’mi, tu ungkabiri’komi sia ussisarakangkomi belanna sangangKu ma’kada nakua: Melo ke umpaombo’i kamala’biranNa tu PUANG, angki tiroi tu kasendeammi. Apa ia kalena la kasirisan tu tau iato mai.

MATIUS 10:23

Ianna pakario-riokomi tau lan misa’ kota, mallaikomi lako kota senga’, belanna tonganna tongan Kukua mati’, kumua tae’ naupu’ misalongi tu mintu’ kota Israel, ke tae’i nasae tu Anak rampan dilino.

MATIUS 19:14

Apa Nakua Yesu: Popa’elo’nai tu pia’-pia’, da migagai sae lako Kaleku, belanna iamotu to susito tu unnampui Parenta Suruga.

MATIUS 25:34

Namane ma’kada tu Datu lako tu to dio rampe kananNa kumua: Maimokomi, e kamu tu Naparongko’na Ambe’Ku, ammi pomana’i tu mana’, iamotu kadatuan diparandanangkomi tempon dio mai dikombongna tu lino.

MATIUS 5:3

Maupa’ tu mintu’ to umpamadiongan penaanna belanna tau iato umpoparenta Parenta Suruga.

MARKUS 10:14

Tonna tiroi Yesu tu iannato, re’dekmi ara’Na sia Nakua lako tau iato mai: Popa’elo’nai tu pia’-pia’ sae lako Kaleku, da migagai, belanna iamotu to susite tu unnampui ParentaNa Puang Matua.

MARKUS 10:30

sangadinna la nakabu’tui pessaratu’ manglokkon te attu totemo lan te lino iamotu banua sia siulu’ muane sia baine, sia indo’ sia anak, sia uma sisola kadipakario-rioan, apa iake attu la sae undinna la ungkabu’tui katuoan tontong sae lakona.

LUKAS 21:12

Apa dolona na iate mintu’na te, la napata’paikomi lima sia la nalolaikomi sae lako napatamammi banua pa’kombongan sia tama pa’tarungkuan sia la napakendekkomi lako olona datu sia to maraya tu belanna sangangKu.

LUKAS 22:29

Iamoto angKu pa’tekkenanni lako kalemi tu Parenta susi Ambe’ku mangka umpa’tekkenanni lako Kaleku,

LUKAS 6:20

Mentiromi lako anak gurunNa, Namane ma’kada kumua: Maupa’komi tu kalala’na, belanna umpoparentakomi ParentaNa Puang Matua.

LUKAS 6:22

Maupa’komi, ke nakabiri’komi tau, sia ke nasarakkikomi sia nasayukomi sia nakanoka tu sangammi butung napopepayu belanna Anak rampan dilino.

YOHANES 15:20

Pengkilalai tu kada mangka Kupokada lako kalemi kumua: Misa’ kaunan tae’ namadaoan anna puangna. Iake napakario-rioNa’, inang la napakario-rio dukakomi; iake nakaritutui tu kadangKu, nakaritutui duka tu kadammi.

PENGGAURANNA RASULU’ 5:40

natambaimi tu mintu’ rasulu’, nabambai sia nagagai ma’kada tete dio sanganNa Yesu; namane urrampananni.

PENGGAURANNA RASULU’ 8:1

Naporaimi Saulus tu diona Stefanus mate dipongko. Tonna attu iato narampoimi kadipakario-rioan kapua tu kombongan to Sarani dio Yerusalem, natisambo’-sambo’ dio lu mintu’ tana Yudea sia Samaria, ia mannamo tu mai rasulu’.

2 KORINTUS 4:17

Belanna iatu kamaparrisanta tu maringngan bangsia sia tae’ nasangapa, umpabu’tuangki’ misa’ ma’kalolokanna kamala’biran matontongan,

FILIPI 1:28

Da naden misa’ apa nanii umpaselangkomi to unneakomi, tu manassa lako kalena mendadi tanda kasanggangan, apa lako kamu tanda kamakarimmanan, tu lu dio mai Puang Matua.

2 TIMOTIUS 2:12

sia iake batta’ki’ umpatananni, la ma’parentaki’ Sola; iake tapeonganni, la Napeonganni dukaki’;

2 TIMOTIUS 3:11

Sia mintu’ kadipakario-rioan sia kamaparrisan urrampoina’ dio Antiokhia sia dio Ikonium sia dio Listra. Apa Puang Matua urrampananna’ dio mai kadipakario-rioan, susinna tu mangka kuperasai.

YAKOBUS 1:12

Maupa’ tu to batta’ untanggung peroso, belanna ke mangkami disudi, la unnappa’ katuoan dadi makotana, tu Naallu’ Puang Matua lako mintu’ to ungkamali’I.

YAKOBUS 5:11

Kilalai kumua iatu to bantang, tabilang maupa’; mangkamo mirangi tu kabantanganna Ayub, sia mangkamo mitiro tu katampakanna penggauranNa Puang, kumua sumpu mamase sia liu kaboro’.

1 YOHANES 3:12

Tae’ nasusi Kain, tu lu dio mai deata bulituk, umpongko siulu’na. Apa bannangna anna pongkoi? Belanna mintu’ penggauranna kadake, apa penggauranna siulu’na malambu’ ia.

KADA OMBO’ LAKO RASULU’ YOHANES 2:10

Da mukataku’i tu mintu’ kadipakario-rioan la muperasai. Tiromi, iatu deata bulituk la napatamakomi pa’tarungkuan pira, anna rosokomi, sia la dipakario-riokomi sangpulo allona. Apa batta’ko sae lako matemu, angKu benko tu makota katuoan iato.