MATIUS 4:4 - Sura' Madatu

⁴ Apa mebali Nakua: Den disura’ kumua: Tae’ nakande manna la napotuo tau, sangadinna ia duka tu mintu’ kada, tu Napokadanna Puang Matua.

MATIUS 4:4 ပူးပေါင်းရင်းမြစ်များ

KATASSURAN 16:15

Iatonna tiromi to Israel sipa’kada-kadami: Apara te? belanna tae’ natandai. Nakuami Musa lako tau iato mai: Iamote tu roti Nabenkomi PUANG la mipokande.

KATASSURAN 16:35

Iatu to Israel ungkande manna patangpulo taunna sae lako tamanna tondokna tau, manna bang nakande tu tau iato mai sae lako rampona dio angge lili’na tondok Kanaan.

KATASSURAN 16:8

Sia nakuapa Musa: Iake Napakandekomi duku’ PUANG te makaroen iate sia masiang melambi’ roti sadia’mi, iamotu belanna Narangimo PUANG tu pa’nuku-nukummi, tu mipa’nuku-nukuan lako Kalena. Apa tau aparakanni te? Iate pa’nuku-nukummi tae’ nalulako kaleki, sangadinna lu lako PUANG.

KATASSURAN 23:15

La mukaritutui tu allo kapua roti tang diragii; pitung allo la munii ungkandei tu roti tang diragii, susitu Kupa’pepasanan lako kalemu, lan tu attu dipamanassa, bulan Abib, belanna lan bulan iato munii tassu’ lan mai tondok Mesir; da naden tau mennolo lako Kaleku ma’pala’ lo’bang.

MATIUS 15:11

Tae’ ia na iatu apa lu tama sadang tu urruttakki tau, sangadinna iari tu lu lanna mai sadang, iamo iato tu urruttakki tau.

MATIUS 4:10

Pakalan Nakuami Yesu lako: Sumarombonko mallai, e deata bulituk, belanna den disura’ kumua: La menombako lako Puang Totumampamu sia Ia mammo mupekapuangi.

MATIUS 4:7

Nakuami Yesu lako: Den dukao disura’ kumua: Da mutoba Puang Totumampamu.

MARKUS 7:20

Nakuami: Iatu apa sun lan mai kalena tau, iamo iato tu urruttakki.

LUKAS 4:12

Mebalimi Yesu lako Nakua: Den lan Sura’Na Puang Matua nakua: Da mutoba Puang Kapenombammu.

LUKAS 4:4

Mebali Yesu lako Nakua: Lan Sura’Na Puang Matua nakua: Iatu tau tae’ na kande manna napotuo.

LUKAS 4:8

Mebali Yesu lako Nakua: Lan Sura’Na Puang Matua nakua: La menombako lako Puang Kapenombammu sia Ia mammo mupekapuangi.

YOHANES 15:26

Apa ianna sae tu Panglalan la Kusua lako kalemi dio mai Ambe’, iamotu Penaa Kamanapparan tu lu dio mai Ambe’, iamoto tu la ungkatottongi tu diona Aku.

YOHANES 6:63

Penaari ia tu ma’patuo, iatu kale tae’ ia bua’na. Iatu kada mangka Kupokadangkomi, iamoto tu penaa sia katuoan.

ROMA 15:4

Belanna mintu’na tu apa disura’ dolomo, disurasammoki’ la mendadi pangadaran lako kaleta, kumua anna manda’ rannunta diona kama’tanan penaa sia diona pa’pakatana lan mai Sura’ Madatu.

EFESUS 6:17

Sia tarimai tu songko’ bassi kamakarimmanan sia pa’dang Penaa, iamotu kadanNa Puang Matua.

PA’TOLE 8:3

Tonganna Napamadiongammoko, Napatangdia’moko sia Napakandemoko manna, tu tae’ mutandai sia tae’ natandai nene’ to dolomu, la Nanii umpaissanniko, kumua iatu tau, tae’ nakande manna tu napotuo, sangadinna iatu tau tuo dio mintu’ apa sun dio pudukNa PUANG.